Kulonga 25:30 - Baibo Busansulushi Bwa Libuku Ili

³⁰ Tebulu iyi ilyeelete kutulwa kunembo lya Libokoshi lya Cipangano. Apalo peculu patebulu, palyeelete kunoocanika cimaande cipekwa kuli ndime lyoonsebo.

Kulonga 25:30 Marejeleo ya Msalaba

1 Baami 7:48

Solomoni wakapanga ashakubotesha shimwi sha golodi muŊanda yakwe Lesa. Wakapanga cipaililo, tebulu apo pakalinga kubikwa shimaande shipekwa kuMwaami Lesa,

1 Makani 23:29

Bakalinga kulama shimaande shakalinga kubengwa kuli Lesa, akubona fulaulo wakusebensesha mushipo shakalinga kupekwa kuli Lesa, shimaande shipampamene, shipo shakapangilwa mucitofu, fulaulo uyo usenkene amafuta a olifi alimwi akunoopima kulema akufula kwa sheesho shoonse shakalinga kubengwa muŊanda yakwe Lesa.

1 Makani 9:32

Bantu bamwi bamucipani cakwe Koati bakalinga kupanga shimaande shisalalite sha bushiku bomwi abomwi bwakookesha bwa Cibelu akushibika patebulu.

2 Makani 13:11

Lyoonse macuunsa amacolesha balabenga milambu yakutenta aya tununkila kabotu kuMwaami Lesa. Balabika shimaande patebulu iyo Isalalite kweelana aMilawo alimwi macolesha oonse balanyansha malampi ali pashakwaabikaawo sha golodi. Swebo tulakonkela mbwaakatwaambila Mwaami Lesa, sombi mwebo mwakamushiya.

2 Makani 2:3

Solomoni wakatuma nkombe kumwaami Ilamu wa kuTaya ayi, “Atusebensele pantu pomwi bweenka mbomwakalinga kusebensa abata baami baDefedi ndimwakoolisha shisamu sha sida shakuyakisha ŋanda yabo ya bwaami.

2 Makani 2:4

Ntooyaka Ŋanda yakwe Lesa yakulambililaamo Mwaami Lesa, Lesa wangu. Ilaakuba ŋanda isalalite uko nebo abantu boonse nkweshi tukanoobalambila mukutenta tununkila kabotu kunembo lyakwe akupa shipo sha shimaande shisalalite kuli nguwe lyoonsebo. Ncakwiila uko nkweshi tukanoobengela milambu yakutenta macuunsa amacolesha, pabushiku abushiku bwa kookesha bwa Cibelu alimwi apanshiku shakusekelela Mweenshi Upya kubikaawo anshiiku shimwi shakusekelela mukupa bulemu Mwaami Lesa, Lesa wesu. Ici cilaakunoocitika kwalyoonse alyoonse kweelana abwakaamba Mwaami Lesa.

Kulonga 35:13

tebulu alimwi ashisamu shakunyamwishaako sha njiyo alimwi ashintu sha ncico shimwi shoonse, ashimaande shakapekwa kuli Lesa.

Kulonga 39:36

Bakaleta tebulu alimwi ashintu sha njiyo shoonse, alimwi ashimaande shipekwa kuli Lesa,

Kulonga 40:23

alimwi akubikawo shimaande shipekwa kuMwaami Lesa, kweelana ambwaakamwaambila mwiine.

Kulonga 40:4

Ukenjishemo tebulu akubikawo shintu sha njiyo. Kuswawaawo ukenjishe cakubikawo malampi, mpeeke ukabikeewo amalampi.

Esekelo 41:22

Kwakalinga cipaililo ca shisamu ico cakalinga kucite mamita ali 1.5 kuya mwiculu alimwi amita yomwi mubufwaafwi. Ono shisamu sha mumakonko, capanshi ca ncico alimwi asha mumbasu shoonse shakalinga sha shisamu. Mpomunyaawo muntu uyo wakandwiita ayi, “Iyi njetebulu ili pameenso a Mwaami Lesa.”

Malaki 1:12

Ono mwebo mulanyansha ndyemwaamba ayi cipaililo tacicite ncito, alimwi apakubenga milambu iteelete.

Malaki 1:7

Mulabenga shakulya shiteelete pacipaililo cangu. “Lyalo muleepusha ayi, ‘Ino tatukupi buyani bulemu?’ Mukwiinga mulanyansha cipaililo cangu.

Shakubelenga 4:7

“Patebulu ya shimaande shipekwa kuMwaami Lesa, balaakuyalawo cisani ca mushobo waliculu akubikawo mbale, mbale shifongomene sha tununkila kabotu, mbale shifongomene sha shipo alimwi amingomo ya shipo sha cakunwa. Patebulu apo palyeelete kunoocanika shimaande lyoonse.

Mateyo 12:4

Wakenjila muŊanda yakwe Lesa, lakwe ababye bakalya cimaande cakasalashikwa, nabi tecakalinga kusuminishitwe muMilawo. Cimaande ico cakalinga kulyabo bapailishi.

Bene Ebulu 9:2

Kwakayakwa Tente itaanshi, umo mwakalinga pakubika lilampi, alimwi atebulu apo pakalinga cimaande cakapekwa kuli Lesa. Cipinda ici cakalinga kwiitwa ayi Musena Usalalite.

1 Samwelo 21:4

Sombi mupailishi wakakumbula Defedi ayi, “Nshiciteewo shinkwa umwi uli woonse, sombi inga ndakupa cimaande cakabikwa palubasu ayi ncakwe Lesa, kulilabo na bantu bako tabakwe kukumanaawo abalutundu coonoono.”

1 Samwelo 21:5

Defedi wakakumbula ayi, “Ee, tulalitalamusha kubalutundu lyoonsebo na tulicite lweendo naluceyi. Ono inga twabulilaanshi kulicata bulya mulweendo lusalalite mbuli loolu!”

1 Samwelo 21:6

Aboobo mupailishi wakapa Defedi cimaande cakabikwa palubasu ayi ncakwe Lesa, mukwiinga temwakalingawo shinkwa umwi uli woonse. Kwakalingabo cimaande ico cakakushikwa kunembo lya Mwaami Lesa ayi kubikwe cicikasaala bushiku bweenka ubo cimwi mbocakakushikwaako.