Kulonga 25:22 - Baibo Busansulushi Bwa Libuku Ili

²² Ono nebo ndaakunookumana awebo peculu mpomunya apo, alimwi pakati ka shintu shobilo isho pacifwekesho, mpweshi nkakupete milawo yangu yoonse ayi ukalwiite bene Isilaeli.

Kulonga 25:22 Marejeleo ya Msalaba

Matalikilo 18:33

Mwaami Lesa ndyaakamanisha kwaamba aAbulaamu wakaya, alakwe Abulaamu wakaboolela kumishaabo.

2 Samwelo 6:2

Defedi wakanyamuka abashilumamba boonse mbwaakalingaabo akuya kuBaala muJuda ayi bakaleteeko Libokoshi lya Cipangano ca Mwaami Lesa. Libokoshi ilyo lyeenka ndyeliitwa liina lya Mwaami Lesa Shinkusu shoonse uyo ukala pakati ka shintu shicite mapapaminwa shiitwa ayi bakelebu peculu lya ndilyo.

2 Baami 19:15

akupaila ayi, “NoBaami baLesa, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

1 Makani 13:6

Mpeeke Defedi abene Isilaeli boonse bakaya kundabala inene ya Baala nkokwaamba ayi kuKilyati Jeyalimu mucishi ca Juda. Bakaya mukubwesa Libokoshi lya Cipangano cakwe Lesa ilyo licite liina lya Mwaami Lesa uyo ushiite pacuuna ca bwaami cili pakati ka bakelebu.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Kulumbaisha 80:2

amuliyubulule kumukowa wakwe Efuleemu, Benjameni awakwe Manase. Amutuboneshe nkusu shanu, amwise kwaamba ayi mutupulushe.

Kulumbaisha 90:1

NoBaami baLesa, muli ndimwe motuyubila. Ncakwiila motuyubila mumashalane esu oonse.

Kulumbaisha 99:1

Mwaami Lesa ulalela, bamumishobo yoonse abatutume. Ulishiite pakati ka bakelebu, cishi ca panshi acitenkaane.

Kulonga 20:24

Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

Kulonga 27:21

Aloni alimwi abana bakwe basankwa balyeelete kubika lilampi muTente ya Cipangano, pansengwe lwa cisani ico cili kunembo lya Libokoshi lya Cipangano. Nkokwaamba ayi lilampi ili lilyeelete kunyaka pameenso angu mpomunyaawo kuswa macolesha kushikila amacuunsa. Bene Isilaeli alimwi abamulunyungu lwabo balyeelete kunoolama mulawo uyu lyoonsebo.

Kulonga 30:36

Shimwi ukatwe kwaamba ayi shibe busu akubutola muTente ya Cipangano. Ukabusanseele kunembo lya Libokoshi lya Cipangano uko nkweshi nkanookumanina amwebo. Tununkila kabotu uto ulyeelete kwishiba ayi tulisalalite cancinencine.

Kulonga 30:6

Cipaililo ici, ukacibike pansengwe lya cisani ico cileleela panembo lya Libokoshi lya Cipangano, panembo lya cifwekesho cankumbu ca Libokoshi lya Cipangano uko nkweshi nkanookumanina awebo.

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 31:6

Ndasala aOolyabu mwanaakwe Ayisamaki, wa mumukowa wakwe Dani kwaamba ayi asebense aBesalelo. Alimwi ndapa busongo bunene kubacishi milimo boonse, kwaamba ayi bapange cili coonse ncendaamba

Isaya 37:16

“NoBaami baLesa beShinkusu shoonse, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Esekelo 43:6

Ono muntu uyo kaaciimfwi lubamba anebo, ndakanyumfwa Mwaami Lesa kaamba kuli ndime kuswa muŊanda yakwe.

Bene Lefi 1:1

Mwaami Lesa wakeeta Mose kuswa muTente ya Cipangano akwaamba ayi,

Bene Lefi 16:2

Wakaamba ayi, “Lwiita mukwanu Aloni ayi teelete kwiinjila muMusena Usalalite Wiindaawo uli kwisule lya cisani cakushitilisha kulilabo na wayanda, mukwiinga umo moombonekela mulikumbi peculu lya cifwekesho ca Libokoshi lya Cipangano. Na akabule kunyumfwila, ulaakufwa.

Shakubelenga 17:4

Inkoli isho ukashitole kuTente ya Cipangano akushibika kunembo lya Libokoshi lya Cipangano, uko nkoonkumanina awebo.

Shakubelenga 7:89

Ono Mose ndyaakenjila muTente ya Cipangano mukwaamba aMwaami Lesa, wakanyumfwa lakwe kaamwaambila kuswa pakati ka shintu shobilo shicite mapapaminwa shiitwa ayi bakelebu peculu lya cifwekesho ca nkumbu paLibokoshi lya Cipangano.

Boomboloshi 20:27

Ono libokoshi lya cipangano ca Mwaami Lesa lyakalinga kuBetelo munshiku isho. Fineyasi mwanaakwe Eliyasa, mwishikulu wakwe Aloni ngowakalinga kulilama. Lyalo bene Isilaeli bakeepusha Mwaami Lesa ayi, “Sa tuboolele mukulwana bene Benjameni nakubi kwaamba ayi mbamakwabesu na tucilekebo?” Mwaami Lesa wakabakumbula ayi, “Amuyebo ceebo ciilo ndaakumulengesha kubakoma.”

1 Samwelo 4:4

Mpeeke bakatuma bantu kuShilo ayi bakalete Libokoshi lya Cipangano ca Mwaami Lesa Shinkusu shoonse, uyo ucite cuuna cakwe ca bwaami pakati ka shintu shicite mapapaminwa shiitwa ayi bakelebu. Ofini aFineyasi bakesa abalo pantu pomwi aLibokoshi lya Cipangano.