Kulonga 25:20 - Baibo Busansulushi Bwa Libuku Ili

²⁰ Shilyeelete kulangana pacifwekesho, cimwi kweela acimwi kweela, ono mapapaminwa a nshisho alyeelete kunoofungulukite peculu lya cifwekesho.

Kulonga 25:20 Marejeleo ya Msalaba

Matalikilo 28:12

Mpeeke wakalota nshila ya matantilo yakalinga kuswa panshi kushika akwiculu, alimwi abaanjelo bakalinga kutanta bamwi kabaseluka pali njiyo.

1 Baami 6:23

Bakelebu bobilo bakabeswa kuswa kucisamu ca olifi akubikwa muMusena Usalalite Wiindaawo. Comwi acomwi cakalinga kulaampa mamita ali 4.4.

1 Baami 6:27

Shintu ishi shakabikwa lubamba muMusena Usalalite Wiindaawo, cakwaamba ayi mapapaminwa a nshisho obilo kaakumyana pakati ka cipinda ico. Amwi kaakumya kulubumbu lwakalinga kulubasu kwakalingila comwi acomwi.

1 Baami 8:7

Mapapaminwa a bakelebu abo akafwekelela Libokoshi ili alimwi ashisamu nshebakalinga kulinyamushaako.

1 Makani 28:18

Wakamulwiita kulema kwa golodi wiine wiine wa kucipaililo ca tununkila kabotu pakutenta alimwi awa kucikoci ca bakelebu abo bacite mapapaminwa afwekelesha Libokoshi lya Cipangano ca Mwaami Lesa.

2 Makani 3:10

Mukati ka Musena Usalalite Wiindaawo wakapangilamo bakelebu bobilo akubananika golodi.

Kulonga 25:18

Ukapange ashintu shobilo sha golodi wakufula shicite mapapaminwa shiitwa ayi bakelebu,

Kulonga 25:19

akushibika comwi kweela cifwekesho acimwi kweela. Shintu shobilo isho shilyeelete kunoocatenebo acifwekesho.

Esekelo 1:20

Shilengwa isho shakalinga kuya kuli koonse nkweenga kashisuni. Aalo mawilo akalinga kucita ceenka ceenga cacita shilengwa isho ceebo shilengwa isho nsheshakalinga kwaaendelesha.

Esekelo 28:14

Ndakananika kelebu wakukutabilila. Wakalinga pakalundu kasalalite kakwe Lesa, Webo wakalinga kweenda pakati ka mabwe amakwebo, mabwe abekabeka.

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Joni 1:51

Lyalo wakabaambila ayi, “Ncakwiila, ntoomulwiita ayi mulaakubona liculu lyacaluka abaanjelo bakwe Lesa kabatanta akuseluka paMwanaaMuntu.”

1 Bene Kolinto 11:10

Paceebo ceeco aca baanjelo mwanakashi ulyeelete kufwala cintu kumutwi kutondesha kwaamba ayi ibaye ulicite nkusu pali nguwe.

1 Bene Kolinto 4:9

Ceebo ndabona kwaamba ayi swebo sobatumwi Lesa wakatubika kwisule kwiine anga mbantu bapingulwa kucaikwa. Twaba anga ncintu cakweebela kushilengwa shoonse, kuteeshibo kubantu, sombi abaanjelo boonse.

Bene Efeso 3:10

Wakalinga kusuni ayi kwiinda mucoonde, baanjelo abo beendelesha alimwi bacite nkusu mwiculu, beshibe busongo bwakwe Lesa mushintu shoonse.

Bene Kolose 2:10

alimwi muli nguwe, mwebo mulicite buumi bwancinencine. Lakwe uleendaawo pabamaami alimwi abeendeleshi boonse.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Bene Ebulu 9:5

Ono peculu paLibokoshi ili, pakalinga shintu shicite mapapaminwa shiitwa ayi bakelebu isho shakalinga kubonesha ayi Lesa mpwaali. Mapapaminwa a nshisho akalinga kufwekelesha cifwekesho ca Libokoshi apo pakalinga kulekelelwa shibiibi. Sombi bulya inga tacikonsheki kusansulula kabotu shoonse.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.