Kulonga 25:16 - Baibo Busansulushi Bwa Libuku Ili

¹⁶ Kuswawaawo mukabike mulibokoshi mabwe obilo apampamene ayo ngweshi nkamupe. Pamabwe obilo ayo, mpopalembetwe milawo.

Kulonga 25:16 Marejeleo ya Msalaba

1 Baami 8:9

Mukati muLibokoshi lya Cipangano mwakalingabo mabwe obilo apampamene alya Mose ngaakabikaamo kuKalundu ka Sinayi, Lesa ndyaakapanga cipangano abene Isilaeli palya ndibakalinga kuswa kuIjipiti.

2 Baami 11:12

Lyalo Jeoiyada wakakusha Joashi, wamufwalika mushini wa bwaami kumutwi. Lyalo wakamupa pakalembwa milawo ya bwaami. Mpomunyaawo Joashi wakananikwa mafuta akwaambilishikwa ayi ngumwaami. Bantu bakasangalala, bakamba mapaka akwaamba ayi, “Mwaami kaabukila buumi!”

2 Makani 23:11

Lyalo Jeoiyada wakakusha Joashi, wamufwalika mushini wa bwaami kumutwi. Lyalo wakamupa pakalembwa milawo ya bwaami. Munshila iyo wakaba mwaami. Jeoiyada mupailishi pantu pomwi abana bakwe basankwa bakananika Joashi mafuta a bwaami. Mpeeke bantu boonse bakoolobesha ayi, “Mwaami kaabukila buumi!”

Kulonga 16:34

Kweelana aMwaami Lesa mbwaakaambila Mose, Aloni wakabika kangomo ka mana ako kunembo lya Libokoshi lya Cipangano kwaamba ayi kalamwe.

Kulonga 25:21

Lyalo ukabikemo mabwe apampamene ayo obilo akufwekawo cifwekesho peculu.

Kulonga 26:33

Cisani ici cakushitilisha ukacikobeke kumundando wa shakukobekesha muciluli ca Tente, ono kwisule lya cisani ici, ukabikeko Libokoshi lya Cipangano umo muli mabwe apampamene obilo. Cisani ici cilaakupansaanya Musena Usalalite alimwi aMusena Usalalite Wiindaawo.

Kulonga 27:21

Aloni alimwi abana bakwe basankwa balyeelete kubika lilampi muTente ya Cipangano, pansengwe lwa cisani ico cili kunembo lya Libokoshi lya Cipangano. Nkokwaamba ayi lilampi ili lilyeelete kunyaka pameenso angu mpomunyaawo kuswa macolesha kushikila amacuunsa. Bene Isilaeli alimwi abamulunyungu lwabo balyeelete kunoolama mulawo uyu lyoonsebo.

Kulonga 30:36

Shimwi ukatwe kwaamba ayi shibe busu akubutola muTente ya Cipangano. Ukabusanseele kunembo lya Libokoshi lya Cipangano uko nkweshi nkanookumanina amwebo. Tununkila kabotu uto ulyeelete kwishiba ayi tulisalalite cancinencine.

Kulonga 30:6

Cipaililo ici, ukacibike pansengwe lya cisani ico cileleela panembo lya Libokoshi lya Cipangano, panembo lya cifwekesho cankumbu ca Libokoshi lya Cipangano uko nkweshi nkanookumanina awebo.

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 32:15

Mose wakaseluka pakalundu akuboolela, kaacite mabwe obilo apampamene apo pakalinga kulembetwe milawo kumbasu shoonse shobilo.

Kulonga 34:29

Mose ndyaakaseluka paKalundu ka Sinayi kaayumwite mabwe obilo apampamene pakalinga kulembetwe Milawo ili Likumi, ciwa cakwe cakalinga kubala ceebo wakalinga kwaamba aMwaami Lesa. Nacibi boobo, mwiine taakalinga kwishi.

Kulonga 38:21

Ono ngooyu mundando wa kulema kwa sheela shakalinga kusebenseshekwa muTente ya Cipangano, umo mwakalinga mabwe apampamene obilo apo pakalinga kulembetwe Milawo ili Likumi. Mose ngowakaamba ayi shoonse shilembwe mumundando uyo, bene Lefi mbobakashilemba ndibakalinga kusebenseshekwa aItama mwanaakwe Aloni mupailishi.

Kulonga 40:20

Kuswawaawo wakabwesa mabwe apampamene obilo akwaabika muLibokoshi lya Cipangano. Wakenjisha shisamu shakunyamwisha munkobeko sha Libokoshi lya Cipangano, akubika cifwekesho ca nkumbu pali ndilyo.

Shakubelenga 17:4

Inkoli isho ukashitole kuTente ya Cipangano akushibika kunembo lya Libokoshi lya Cipangano, uko nkoonkumanina awebo.

Milimo ya Batumwi 7:44

“Bamashali besu bakulukulu bakalinga kucite Tente ya Cipangano yakalinga kutondesha ayi Lesa mpwaali pakati kabo muluyanga. Lyakapangwa kweelana aLesa mbwaakalwiita Mose mucikoshanyo ncaakabona.

Bene Loma 3:2

Muli mpindu inene abuumbi ceebo Lesa wakataanguna kupa baJuda makani akwe kwaamba ayi baalaame.

Dutolonomi 31:26

“Amubwese Libuku lya Milawo ili akulibika lubamba aLibokoshi lya Cipangano ca Mwaami Lesa, Lesa wanu. Uko, lilaakunooli bukamboni bwakushinina bantu bakwe boonse.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.

Joshuwa 4:16

“Ambila bapailishi abo bayumwite Libokoshi lya Cipangano ayi baswe muMulonga wa Joodani.”