Kulonga 23:31 - Baibo Busansulushi Bwa Libuku Ili

³¹ Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Kulonga 23:31 Marejeleo ya Msalaba

Matalikilo 15:18

Lyalo apo peenka Mwaami Lesa wakapanga cipangano aAbulamu wakaamba ayi, “Ndashomesha kupa bamulunyungu lwako cishi coonse ici kuswa kumanyinsa aIjipiti kushika akuMulonga wa Yufuletisi,

1 Baami 11:2

Wakabeeba nakubi kwaamba ayi Mwaami Lesa wakakasha bene Isilaeli kweebana abaswamashi kuloondesha kwaamba ayi inga balengesha bene Isilaeli kulambila balesa bamwi.

1 Baami 20:13

Paciindi ceenka ico mulaluki wakaya kuMwaami Aabu akwaamba ayi, “Mwaami Lesa waamba ayi, ‘Utaloondi kufula kwa bashilumamba abo! Ntookupa nkusu shakukoma balwani bako sunu, lyalo ulaakwishiba ayi ndi Mwaami Lesa.’ ”

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

1 Baami 4:24

Solomoni wakalinga kulela cishi coonse cakalinga kumbo lya Mulonga wa Yufuletisi kuswa kuTifusa kuya mukushika akundabala inene ya Gasa. Bamaami boonse kumbo lya Yufuletisi bakalinga mumaansaakwe alimwi wakalinga kwikala muluumuno ashishi shakalinga kumushingulukite.

1 Baami 8:65

KuŊanda yakwe Lesa uko, Solomoni abantu boonse bene Isilaeli bakaba akusekelela kwa Shimpaka kwanshiku shili shosanwe ashobilo. Kwakalinga bantu baanji bakaswa kulaale mbuli kumwinjililo wa kuAmati kumatwa akumanyinsa a Ijipiti kumalenge.

2 Makani 9:26

Wakalinga kulela bamaami boonse mucishi coonse kuswa kuMulonga wa Yufuletisi kuya mukushika kucishi ca bene Filisiti akumanyinsa a cishi ca Ijipiti.

Kulumbaisha 72:8

Cishi cakwe acikaswe kulweenge lomwi tibili akulweenge lumwi. Acikaswe kuMulonga wa Yufuletisi tibili akupilila lisuba!

Shakubelenga 21:34

Mpomunyaawo Mwaami Lesa wakaambila Mose ayi, “Utamuloondi. Nebo ntoolengesha ayi mumukoome, bantu bakwe alimwi acishi cakwe. Umuciite bweenka mbowakacita Sioni mwaami wa bene Amoli, uyo wakalinga kweendelesha kuEshiboni.”

Shakubelenga 34:2

“Lwiita bene Isilaeli ayi, ‘Na mukashike mucishi ca Kenani ico ncentoomupa, manyinsa a cishi canu alaakuba bobulya.

Dutolonomi 1:7

Amumwaye misumba mutolelele lweendo. Amuye kucishi ca tulundu ca bene Amoli akumisena yoonse ishingulukite nkokwaamba ayi kucinyika ca Joodani, kucishi ca tulundu akumisena ikuneme, kumisena ya kumalenge alimwi akuloombe lwa Mediteleniyani. Mukashiike akucishi ca Kenani alimwi akwiindilila cakushika kutulundu twa Lebanoni akuMulonga unene wa Yufuletisi.

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 11:24

Mulaakukoma cishi cili coonse nceshi mukayeeko. Cishi canu cilaakutalikila kuluyanga lwa kumalenge akuya kutulundu twa Lebanoni kumatwa, alimwi kuswa kuMulonga wa Yufuletisi kwicwe kushikila kuLweenge lwa Mediteleniyani kumbo.

Dutolonomi 2:33

Sombi Mwaami Lesa, Lesa wesu wakamwaaba mumaansa esu, aboobo twakamucaya pantu pomwi abana bakwe alimwi abashilumamba bakwe boonse.

Dutolonomi 2:36

Mwaami Lesa, Lesa wesu wakatusuminisha kushinguluka mandabala oonse kuswa kuAlowa, kweela lya cinyika ca Anoni, andabala inene yakalinga pakati ka cinyika kuya mukushika akuGilyadi. Taaku ndabala yakalinga kucite lubumbu luyumu cakutwaalila kupwaya.

Dutolonomi 20:16

“Sombi mumandabala oonse a mishobo iyo ili mucishi ico Mwaami Lesa, Lesa wanu ncaatoomupa, mukanyonyoole bantu boonse.

Dutolonomi 3:2

Sombi Mwaami Lesa wakaŋambila ayi ‘Utamuloondi. Ntoomwaaba mumaansaako pantu pomwi abashilumamba bakwe boonse alimwi acishi cakwe. Cita bweenka mbowakacita kuli Sioni mwaami wa bene Amoli uyo wakalinga kulela muEshiboni.’

Dutolonomi 6:19

alimwi mulaakutandaanyamo balwani banu kweelana ambwaakalasha.

Dutolonomi 9:3

Ono sunu nobeene mutoobona Mwaami Lesa, Lesa wanu utoomutanjilila abukali buli anga ngumulilo utoobilima. Unanooya cibakoma kunembo lyanu mwaakunooya, kwaamba ayi mukabatandeemo akubanyonyoola cakufwambaana mbuli mbwaakashomesha.

Joshuwa 1:4

Cishi canu cilaakuswa muluyanga kulubasu lwakumalenge akuya mukushika kutulundu twa Lebanoni kumatwa. Kuswa kuMulonga unene wa Yufuletisi kulubasu lwakwicwe, kuya mukwiinda mucishi ca bene Iti kushikila akulweenge lwa Mediteleniyani kulubasu lwakumbo.

Joshuwa 10:19

Sombi mwebo mutekaliiwo! Amutandaanye balwani banu, amubalwaane kutalikila kwisule alimwi akutabaleka ayi bashike kumandabalaabo anene. Mukwiinga Mwaami Lesa, Lesa wanu wabaaba kale mumaansaanu.”

Joshuwa 10:8

Mpomunyaawo Mwaami Lesa wakaambila Joshuwa ayi, “Utaloondi bantu aba mukwiinga nebo ndabaaba kale mumaansaako. Taaku nabi womwi eshi acikoonshe kukukoma.”

Joshuwa 13:6

Kubaabo boonse bekala kucishi ca tulundu kuswa kuLebanoni akushika kuMisilefoti Maimu, nkokwaamba ayi bene Sidoni boonse, nebo nemwiine ndaakubatanda mucishi kunembo lya bene Isilaeli. Cishi ici ulyeelete kucibaanya bene Isilaeli kweelana ambondakulwiita.

Joshuwa 2:24

Bakaambila Joshuwa ayi, “Ncalushinisho Mwaami Lesa watupa cishi coonse. Bantu boonse kulya baliloondete abuumbi ceebo ca ndiswe.”

Joshuwa 21:44

Mwaami Lesa wakabapa luumuno koonse koonse kweelana mbwaakashomesha cakulumbila kubamashali babo bakulukulu. Taaku mulwani wabo nabi womwi wakakonsha kubakoma. Mwaami Lesa wakaaba balwani boonse mumaansaabo ayi babakoome.

Joshuwa 23:14

“Ono ciindi cangu cashikila cakwaamba ayi mboole kubulongo. Noonse mulishi amyoyo alimwi amyuuya yanu yoonse kwaamba ayi Mwaami Lesa wakamupa shintu shoonse nshaakamushomesha. Pashintu isho nshaakamushomesha taaku ncaalilwa kucita nabi comwi, shoonse wakashicita kweelana ambwaakamushomesha.

Joshuwa 24:11

“ ‘Mpeeke mwakasubuka Mulonga wa Joodani akushika kuJeliko. Bene Jeliko bakamulwana, mbweeke bwakacita bene Amoli, bene Pelisi, bene Kenani, bene Iti, bene Gegashi, bene Ifi alimwi abene Jebusi. Nakubi boobo ndakabaaba mumaansaanu ayi mubakoome.

Joshuwa 24:12

Ndakabatumina maamfu kunembo lyanu kwaamba ayi atandaanye bamaami bobilo bene Amoli. Teshi mipeeni yanu nabi buta shakalengesha ayi bakomwe, sobwe.

Joshuwa 24:18

NguMwaami Lesa wakatanda mishobo imwi yoonse kunembo lyesu kubikaako abene Amoli abo bakalinga kwikala mucishi cino. Anu aswebo tunanoosebenselabo Mwaami Lesa mukwiinga nguLesa wesu.”

Joshuwa 24:8

“ ‘Lyalo ndakamuleta mucishi ca bene Amoli abo bakalinga kwikala kwicwe lya Mulonga wa Joodani. Bakamulwana, sombi ndakabaaba mumaansaanu ayi mubakoome. Ndakalinga kuya cibanyonyoola kunembo lyanu tibili mwakabwesa cishi cabo coonse.

Joshuwa 8:18

Mpomunyaawo Mwaami Lesa wakaambila Joshuwa ayi, “Tondeka lisumo ndyoocite mulyaansa kundabala ya Ai, ceebo ntooipa mumaansaako.” Mpeeke Joshuwa wakatondeka lisumo kundabala iyo.

Joshuwa 8:7

mwebo mulyeelete kuyubuluka akubwesa ndabala. Mwaami Lesa, Lesa wanu utooyaaba mumaansaanu.

Joshuwa 9:7

Sombi basankwa bene Isilaeli bakaamba ayi, “Nciinshi ncemusunini kwaamba ayi tupange cipangano amwebo? Mpashi mwebo mulekalabo pafwaafwi.”

Boomboloshi 1:4

Bene Juda ndibakaya mukulwana, Mwaami Lesa wakaaba bene Kenani alimwi abene Pelisi mumaansaabo. Bakacaya bantu bali 10,000 kuBeseki.

Boomboloshi 11:21

Mpeeke Mwaami Lesa, Lesa wa bene Isilaeli wakaaba Sioni abashilumamba bakwe boonse mumaansa a bene Isilaeli. Aboobo bene Isilaeli bakabwesa cishi coonse ca bene Amoli bakalinga kwikala mucishi ico.

1 Samwelo 23:4

Lyalo Defedi wakeepusha Mwaami Lesa alimwi, mpeeke wakakumbula ayi, “Koyabo kuKeila mukwiinga ndaakwaaba bene Filisiti mumaansaako.”