Kulonga 23:21 - Baibo Busansulushi Bwa Libuku Ili

²¹ Mukanoomunyumfwila alimwi akukonkela nsheshi akanoomulwiita. Mutakamwaalukili, ceebo ndime ndamutuma alimwi na mukamwaalukile, teshi akamulekeleleewo.

Kulonga 23:21 Marejeleo ya Msalaba

Kulumbaisha 2:12

mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.

Kulumbaisha 72:19

Alilumbaishikwe lyoonse alyoonse liina lyakwe lya bulemu. Bulemu bwakwe abumwaike akukwanabo cishi coonse. Ameni! Ameni!

Kulumbaisha 78:40

Ndibakalinga muluyanga liinji liinji bakalinga kumubukila. Ncakwiila bakalinga kumulengesha kuungumana mumusena uyo utacite ncito.

Kulumbaisha 78:56

Sombi bantu bakasunka Lesa, bakaashukila Lesa wa kwiculu Wiindaawo, ncakwiila bakakaka kukonkela milawo yakwe.

Kulumbaisha 83:18

Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.

Kulonga 3:14

Mpomunyaawo Lesa wakaamba ayi, “NDIME WOOYO NGOOMBETE. Anu ulyeelete kubalwiita ayi, ‘Uyo wiitwa ayi NDIME wantuma kuli ndimwe.’

Kulonga 32:34

Ono koya, tanjilila bantu kuya kumusena uyo ngondakakulwiitaawo. Wiibaluke ayi munjelo wangu ulaakukutanjilila, sombi ciindi cilaakushikila ndyeshi nkape bantu mulandu pacibiibi cabo.”

Kulonga 6:3

Ndakaboneka kuli Abulaamu, Isaki alimwi aJakobo ayi ndime Lesa Shinkusu shoonse. Sombi nshikwe kuliyubulula kuli mbabo ayi banshiibe liina lyakwaamba ayi Mwaami Lesa.

Isaya 42:8

“Nebo ndime Mwaami Lesa, ee, ili ndyeliina lyangu. Nshipi bulemu bwangu kuumwi, kulumbaisha kweelete ndime, nshikulekeli shibumbwabumbwa.

Isaya 45:6

Ndaakucita boobo kwaamba ayi boonse kuswa kweela cishi akweela cishi banshiibe ayi ndime Mwaami Lesa alimwi taaku lesa aumwi kulekabo ndime.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 9:5

Nkwabilo sha bashilumamba isho nshebakalinga kusebensesha munkondo pantu pomwi ashakufwala shabo shoonse shinankeene bulowa shilaakutentwa mumulilo.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Jelemiya 5:7

Ono Mwaami Lesa weepusha ayi, “Ino inga ndalekelela buyani shibiibi shanu? Bana banu bakansuula akutalika kulambila balesa bateshi bancinencine. Ndakalinga kubapa shoonse nshebakalinga kusuni, sombi bakatolelela kucita bufuule akusowa ciindi cabo mumaanda a bafuule.

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Shakubelenga 14:11

Mpomunyaawo Mwaami Lesa wakaambila Mose ayi, “Ino bantu aba batootola ciindi cilaamfu buyani kabankaka? Ino batootola ciindi cilaamfu buyani kabacikaka kushoma muli ndime, nakubi kwaamba ayi ndacita shaankamiko shiinji pali mbabo?

Shakubelenga 14:35

Nkokwaambilisha ayi ici ndaakucicita kuli ndimwe nobamucita shibi nomwabungana akutongooka ndime. Muluyanga mweenka muno noonse mweshi mukafwite. Nebo ndime Mwaami Lesa.’ ”

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Joni 10:30

Nebo abaTa tulibo womwi.”

Joni 10:38

Sombi na ndaicita nabi mubule kushoma muli ndime, mushomebo mumilimo njeencita kwaamba ayi mwishibe akunyumfwishisha ayi baTa bali muli ndime, anebo ndi muli baTa.”

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Bene Efeso 4:30

Mutalengeshi Mushimu Usalashi wakwe Lesa kuungumana mukwiinga ncecishibilo cakwe Lesa cakwaamba ayi muli bantu bakwe kushikila pabushiku bwa lupulusho.

Dutolonomi 18:19

Uyo woonse eshi akabule kukonkela maswi eshi akanokwaamba mulaluki uyo muliina lyangu, ndaakumupa mulandu.

Dutolonomi 9:7

“Kuteelesha kuluba mbomwakalengesha Mwaami Lesa kukalala muluyanga. Kuswabo bushiku mbomwakaswa mucishi ca Ijipiti kushikila abushiku mbomwakashika waano mwakalinga kumwaalookila.

Bene Kolose 2:9

Mukwiinga muli Klistu bulesa boonse bulekala mumubili wa buntu

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Bene Ebulu 3:16

Mbaani abo bakanyumfwa maswi akwe Lesa bamane bamubukila? Mbaabo boonse Mose mbwaakatanjilila pakuswa muIjipiti.

Joshuwa 24:19

Mpomunyaawo Joshuwa wakaambila bantu ayi, “Mpashi kusebensela Mwaami Lesa cikamuyumine. Mukwiinga lakwe nguLesa usalalite, ucite busuba, aboobo teshi akalekelele bwaashu bwanu alimwi ashibiibi shanu.

1 Joni 5:16

Ono na umwi wabona mubye kaacita cibiibi citatoli kulufu, amupailileeko kwaamba ayi Lesa amupe buumi. Ntokwaambabo bacita shibiibi shitatoli kulufu. Sombi nkocili cibiibi citola kulufu, aboobo nshintokwaamba ayi inga wapailila mubye pali ncico.

Ciyubululo 1:8

“Nebo ndime Matalikilo alimwi aMamanino,” mbwaamba Mwaami Lesa Shinkusu shoonse, uyo uliiwo, wakalingaawo alimwi weshi akanooliiwo.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Ciyubululo 2:8

“Mutanjilili wa kucoonde ca kuSimeena, umulembele ayi, “Aya ngamakani aamba wooyo uli ngoMatalikilo alimwi aMamanino uyo wakafwa akuba abuumi.

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Boomboloshi 13:18

Munjelo uyo wakakumbula ayi, “Ino liina ndyanshi ndimusuni kwishiba? Liina lyangu lilakankamika.”