Kulonga 23:19 - Baibo Busansulushi Bwa Libuku Ili

¹⁹ “Lyoonse pamwaaka mulyeelete kuleta kuŋanda ya Mwaami Lesa, Lesa wanu shakulya shiinditeewo kupya kabotu nshemutaanguna kutebula. “Mutateleki kana ka mpongo mumukupa wa banyina.

Kulonga 23:19 Marejeleo ya Msalaba

Neyemiya 10:35

Twakasumina akuleta insomo sha mumyuunda yesu ashisepo shitaanshi kupya kuŊanda yakwe Lesa mumwaaka amwaaka.

Neyemiya 10:36

Kweelana ambocilembetwe muMilawo tulaakunooleta bana besu basankwa bakwiiya, boombe bakwiiya alimwi abana ba shifubwa shesu shimwi shoonse kuŊanda yakwe Lesa kupa bapailishi basebensa mulimo wakwe Lesa.

Kulonga 22:28

“Mutancoboli neLesa, nabi kushingana muleli wa bantu bene mishaanu.

Kulonga 22:29

“Mulyeelete kumpa shipo kuswa kushakulya shanu, waini wanu alimwi amafuta a olifi na ciindi cashikila. “Mulyeelete kumpa bana banu basankwa bakwiiya.

Kulonga 34:26

“Lyoonse pamwaaka, mukanooleta shakulya shanu isho nsheenga mwataanguna kutebula kuŋanda ya Mwaami Lesa. “Mutateleki kana ka mpongo mumukupa wa banyina.”

Tushimpi 12:10

Muntu ululeme ulalama kabotu shifubwa shakwe, sombi mucita shibi ulashisebensesha calunkutwe.

Tushimpi 3:9

Lemeka Mwaami Lesa abuboni bwako boonse ansoomo sha shisepo sha mumuunda wako.

Jelemiya 10:3

Kwishibila kwa bantu aba taaku mbokubete. Balatema cisamu muluundu ico shikubesa ncaabesa ambeso yakwe.

Esekelo 44:30

Bapailishi balyeelete kupekwa nsomo shiindaawo kubota alimwi ashipo shipuseneeko shiindaawo kubota. Pakupanga shinkwa, bantu balyeelete kupa bapailishi shinkwa wakutaanguna ayi ncipo. Lyalo ndaakupa maandaabo coolwe.

Esekelo 48:13

Bene Lefi balaakupekwa musena uli kumalenge lya musena wa bapailishi. Musena uyo ulyeelete kuba amakilomita ali 12.5 mubulaamfu kuswa kwicwe kuya kumbo amakilomita ali 5 mubufwaafwi kuswa kumatwa kuya kumalenge.

Esekelo 48:14

Mucipansha ico taaku musena weelete kuulishikwa, kushintwa nabi kupekwa kumuntu umwi. Cipansha ico ncibotu kwiinda shimwi shoonse, cilisalalite alimwi ncaangu neMwaami Lesa.

Shakubelenga 15:21

Cipo ico cilyeelete kunoopekwa kuli ndime neMwaami Lesa kuswa kubusu bwanu butaanshi mumashalane anu oonse atoosa.

1 Bene Kolinto 15:20

Ono ncakwiila Jesu wakabushikwa kuswa kubafu akuba citondesho cakwaamba ayi uyo woonse eshi akafwe, ulaakubushikwa kuswa kubafu.

Dutolonomi 14:21

“Tamweelete kulya cintu cili coonse califwita. Mulakonsha kupa baswamashi mbomwikalaabo nabi kuulisha kubaswamashi bamwi. Sombi mwebo muli bantu basalalite ba Mwaami Lesa, Lesa wanu. “Tamweelete kuteleka mwanaampongo mumukupa wa banyina.

Dutolonomi 26:10

Ono ndaleeta shakulya shitaanshi kutebulwa isho Mwaami Lesa nshaakampa.’ “Lyalo mukabike mutaanga uyo kunembo lya Mwaami Lesa, Lesa wanu akumulambila.

Dutolonomi 26:2

noonse womwi awomwi ulyeelete kubwesa mutaanga akulongelamo shilimwa shoonse nsheshi mukataangune kutebula mubulongo buli mucishi ico Mwaami Lesa, Lesa wanu ncaatoomupa. Lyalo mukatole kumusena womwi wakulambililaako uko Mwaami Lesa nkweshi akasaale.

Ciyubululo 14:4

Mbobasankwa bakalisalasha kwiinda mukutakumana abanakashi, ncakwiila balisalalite. Balakonkela Mwanaambelele kuli koonse nkwaaya. Bakapulushikwa kuswa pabantu ba mucishi ca panshi akuba anga nshishango shitaanshi kutebulwa, isho shipekwa kuli Lesa alimwi aMwanaambelele.