Kulonga 23:13 - Baibo Busansulushi Bwa Libuku Ili

¹³ “Kamukonkela shintu shoonse nebo neMwaami Lesa nshendamulwiita. Mutapaili balesa bamwi, tamweelete kubanda nabibo meena abo.

Kulonga 23:13 Marejeleo ya Msalaba

Kulumbaisha 16:4

Ono abo baya bulambila balesa bamwi, balalifushishabo mapensho beene. Nebo nshikoonshi kubengaabo mulambu wa bulowa, alimwi nshikoonshi kulambila balesa babo.

Kulumbaisha 39:1

Ndakaamba ayi, “Ndanoolilama akukasha mulomo wangu kubisha. Ndaakucala mulomo wangu ciindi coonse, kulilabo bamucita shibi kabacili anebo.”

Kulonga 23:24

Mutakeeleshi kufukamina balesa babo nabi kubalambila, alimwi mutakakonkeli micito yakupaila kwabo. Sombi mukanyonyoole balesa babo alimwi akupwayoola mabwe ngobakeemika pamisena yakulambililaawo.

Kulonga 23:32

Mutakapangi cipangano ambabo nabi abalesa babo.

Jelemiya 10:11

Balwiite makani aya akwaamba ayi, “Balesa abo batakwe kulengako liculu acishi ca panshi, balaakunyonyoolwa. Teshi bakabonweewo tubili mucishi ca panshi coonse.”

Osiya 2:17

Ndaakukusha liina lya Baali mumilomo yabo. Teshi bakasebenseshewo tubili meena abo pakupaila.

Sekaliya 13:2

Bushiku ubo ndaakushiminganya meena a shibumbwabumbwa mucishi alimwi teshi shikayeeyekwewo tubili. Kuswawaawo ndaakukusha balaluki amushimu wakulambila shibumbwabumbwa mucishi.

Shakubelenga 32:38

Nebo, Baali Meyoni (mandabala aya bakaapa meena amwi) alimwi aSibima. Anu mandabala oonse ngobakayaka alimwi, bakaapa meena amwi.

Bene Efeso 5:12

Cilalensha nsoni akwaamba shintu shicita bantu batanyumfwili Lesa mubushishi.

Bene Efeso 5:15

Anu mulyeelete kucenjela mubwikaalo bwanu. Mutekaali anga mbantu batacite lushibo, sombi anga mbantu basongo.

Dutolonomi 12:3

Mukamwayoole shipaililo shabo, mukanyonyoole mabwe ngobakeemika pamisena yakulambililaawo alimwi mukatente shikoshanyo shakwe Ashela mumulilo, lesa wabo mwanakashi wakubesa akutimboola shibumbwabumbwa shabo kwaamba ayi batakalambilili mumisena iyo lyobilo.

Dutolonomi 4:15

“Mwaami Lesa ndyaakaamba amwebo kuswa mumulilo paKalundu ka Sinayi, tamukwe kubonaawo cintu cili coonse mumulilo. Ono anu amucenjele. Mutakeeleshi

Dutolonomi 4:23

Mutakeeleshi kuluba cipangano ico Mwaami Lesa, Lesa wanu ncaakapanga amwebo. Amukonkele milawo yakwe kwaamba ayi mutakalipangili cibumbwabumbwa ca mushobo uli woonse.

Dutolonomi 4:9

Amucenjele! Amushinishe ayi teshi mukaluube kulilabo kamucili boomi, isho nshemwakabona ameenso anu nobeene. Mukaambileeko bana banu abashikulu banu

Dutolonomi 6:1

“Iyi njemilawo amilasho iyo Mwaami Lesa, Lesa wanu njaakandwiita ayi mwiishe. Mukanooikonkela mucishi ico ncemuli pafwaafwi kwinjila akubwesa.

1 Timoti 4:16

Cenjela abuumi bwako alimwi akwiisha kwako. Kotolelela kucita shintu ishi ceebo mukucita boobo ulaakulipulusha omwiine alimwi abaabo bakukutika.

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.

Joshuwa 22:5

Ono mulyeelete kulama milawo amilasho yakamupa Mose, musebenshi wa Mwaami Lesa, wakwaamba ayi, ‘Musune Mwaami Lesa, Lesa wanu, mucite kuyanda kwakwe, mukonkele milawo yakwe, mushomeke alimwi mumusebensele camoyo woonse alimwi abuumi bwanu boonse.’ ”

Joshuwa 23:11

Anu aboobo amubikeeko maano kukusuna Mwaami Lesa, Lesa wanu.

Joshuwa 23:7

kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.