Kulonga 20:24 - Baibo Busansulushi Bwa Libuku Ili

²⁴ Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

Kulonga 20:24 Marejeleo ya Msalaba

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

2 Samwelo 6:12

Pesule mwaami Defedi wakalwiitikwa ayi, “Mwaami Lesa wapa coolwe Obedi Edomu ashintu shaakalinga kucite shoonse ceebo ca Libokoshi lya Cipangano.” Lyalo Defedi wakaya walikushaako kuŋanda yakwe Obedi Edomu akulitola muNdabala yakwe Defedi cakusangalala.

1 Baami 8:29

Kamulama Ŋanda yanu iyi mashiku amalumwi, kulama musena uyo ngomwakasala ayi tunoomulambililaamo. Kamunyumfwila na ndalanga kuŊanda yanu pakupaila.

1 Baami 8:43

amukutike mipailo yakwe. Amumukutike kwiculu uko nkomwikala akucita sheesho nshaasenga kwaamba ayi bantu ba mucishi ca panshi bamwishiibe akunoomunyumfwila bweenka mbuli bene Isilaeli mbobacita. Lyalo balaakwishiba ayi Ŋanda yanu iyi njendakayaka ngomusena uko mwebo nkomweelete kulambililwa.

1 Baami 9:3

Mwaami Lesa wakaamba ayi, “Ndanyuumfwa mupailo wako akusenga kwako. Ndasalasha ŋanda iyi njewanjakila ayi ibe musena umo mweshi noolambililwa lyoonse. Ndanooilama akwiitabilila lyoonsebo.

2 Baami 5:17

Ono Naamani wakaamba ayi, “Ono teshi mutambule cipo cangu, amunsuminishe nemusebenshi wanu ayi ntole bulongo bukonsha kunyamuna shifubwa shili anga mbongolo shobilo kumisheesu mukwiinga kuswa sunu, teshi nkabengewo milambu yakutenta nabi milambu imwibo kuli lesa umwi, sombibo kuMwaami Lesa.

2 Makani 12:13

Bwaami bwa mwaami Leoboamu bwakayuma abuumbi muJelusalemu alimwi wakalela kwaciindi cilaamfu. Wakalinga kucite myaaka makumi one awomwi ndyaakaba mwaami alimwi wakalela myaaka likumi ayosanwe ayobilo muJelusalemu, ndabala inene iyo Mwaami Lesa njaakasala pakati ka mikowa yoonse ya bene Isilaeli ayi ibe musena mweshi anoolambililwa. Leoboamu wakalinga mwanaakwe Naama, mwanakashi mwine Amoni.

2 Makani 6:6

Sombi ono ndasala ndabala ya Jelusalemu kwaamba ayi ibe musena mweshi noolambililwa alimwi ndakasalabo ndiwe Defedi kwaamba ayi ube muleli wa bantu bangu.’ ”

2 Makani 7:16

Ndeesala akwiisalasha ayi ube musena uyo ngweshi mukanoonambililaamo lyoonse alyoonse. Ndaakunooilama akwiitabilila ciindi coonse.

Esila 6:12

BaLesa, abo bakasala Jelusalemu kwaamba ayi ube musena wakubalambililaamo, bakakome mwaami uli woonse nabi mushobo uyo weshi ukakake kukonkela mulawo uyu akweelesha kunyonyoola Ŋanda yakwe Lesa iyi. “Nebo neDalyasi, ndapa mulawo uyu alimwi ulyeelete kukonkelwa camaansa obilo.”

Neyemiya 1:9

Sombi na mukasandukile kuli ndime akukonkela milawo yangu, ndaakumuboosha mumusena ngondakasala ayi noolambililwa nabi bantu banu bamwi bali mushishi sha busha shili kulaamfu.’

Kulumbaisha 101:2

Ndaakukonkela nshila shitacite kampenda. Ino mwebo mulaakwisa lili kuli ndime? Ndaakwikala muŋanda yangu kaantacite kampenda,

Kulumbaisha 122:2

Ono anaapa myeendo yesu iliimfwi mukati ka minjililo, ee, yenjila mukati kako, webo oJelusalemu.

Kulumbaisha 128:5

Mwaami Lesa aakupe coolwe kuswa kuSiyoni. Ubone kuswitilila kwa Jelusalemu munshiku shoonse sha buumi bwako.

Kulumbaisha 134:3

Mwaami Lesa uyo wakalenga liculu acishi ca panshi aamupe coolwe kuswa kuSiyoni.

Kulumbaisha 74:7

Bakanyonyoola Ŋanda yanu akwiitenta. Bakabisha musena wanu usalalite umo momulambililwa.

Kulumbaisha 76:2

Ŋanda yakwe ili muJelusalemu, ncakwiila ulekala paKalundu ka Siyoni.

Kulumbaisha 78:68

Sombi wakasala mukowa wa bene Juda, alimwi wakasala Kalundu ka Siyoni ako nkaakalinga kusuni.

Kulonga 10:25

Sombi Mose wakakumbula ayi, “Nkokwaamba ayi mulyeelete kutupa banyama bakuya mukubenga milambu amilambu yakutenta kuMwaami Lesa, Lesa wesu.

Kulonga 18:12

Lyalo Jetulo wakaleta mulambu wakutenta amilambubo imwi akubenga kuli Lesa. Mpomunyaawo Aloni alimwi abamatanjilili boonse bene Isilaeli bakayaakwe mukulya nyama iyo yakapekwa kuli Lesa ayi bamulambile.

Kulonga 20:25

Na mukampangile cipaililo ca mabwe, mutakapangishi mabwe akubesa mukwiinga na mwasebensesha ceela cakubesesha mabwe, nkokwaamba ayi mwaamana ncito kuli ndime.

Kulonga 24:4

Mpeeke Mose wakalemba milawo yoonse ya Mwaami Lesa. Ndibwakaca macuunsa, wakayaka cipaililo panshi lya kalundu akubikawo mabwe ali likumi aobilo ayo akalinga kwiimikanina mishobo ya bene Isilaeli ili makumi obilo ayobilo.

Kulonga 24:5

Kuswawaawo Mose wakatuma basankwa bacikula bwangu ayi babengele Mwaami Lesa milambu yakutenta, alimwi akubenga bacende ayi babe milambu ya bwanabwankashi.

Kulonga 27:1

“Ukapange cipaililo ca cisamu ca mulombe, cilyeelete kuba ca makonko one alimwi mumbasu shoonse cilyeelete kuba masentimita 220 sombi kuya mwiculu amasentimita 130.

Isaya 64:5

Mulacafwa bantu abo basuni kucita shiluleme ee, kucafwa baabo beebaluka nshila shanu shibotu. Twakamukalasha sombi twakatolelela kubisha. Ndushinisho nakubi kwaamba ayi mwakakalala pali ndiswe kuswabo kale kale tatuna kucilekaawo kubisha.

Bene Lefi 17:9

kumusena umwibo ayi ngwaangu neMwaami Lesa, kuteshi kumulyango wa Tente ya Cipangano, teshi akanoociyeeyelwa kuba mulikoto lya bantu bangu.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Mateyo 18:20

Mukwiinga apo pabungana bantu bobilo nabi botatwe muliina lyangu, anebo mpoondi pali mbabo.”

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 12:21

Na musena womwibo wa kulambililaako uli kulaale bunene, lyalo na mwasuuna nobeene, inga mwacaya ŋombe nabi mbelele ili yoonse Mwaami Lesa njeenga wamupa, alimwi akulita nyama iyo kuŋanda, kweelana ambondamulwiita.

Dutolonomi 12:5

Pakati ka shipansha sha shishi mweshi mukanooli mikowa yanu yoonse, Mwaami Lesa ulaakusala musena womwi, uko bantu nkweshi bakanoosa mukumulambilila.

Dutolonomi 14:23

Kuswawaawo mukaye kumusena womwi uyo Mwaami Lesa, Lesa wanu ngweshi akasaale ayi nkokwakumulambilila. Nkomunya uko, mukalye shipansha shanu shalikumi sha shili anga ngamaila, waini, mafuta a olifi, kubikaawo abaana ba ŋombe aba mbelele bakwiiya. Mukanoocita boobo kwaamba ayi mukeeye kulemeka Mwaami Lesa, Lesa wanu lyoonse.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 26:2

noonse womwi awomwi ulyeelete kubwesa mutaanga akulongelamo shilimwa shoonse nsheshi mukataangune kutebula mubulongo buli mucishi ico Mwaami Lesa, Lesa wanu ncaatoomupa. Lyalo mukatole kumusena womwi wakulambililaako uko Mwaami Lesa nkweshi akasaale.

Dutolonomi 7:13

Ulaakumusuna akumupa coolwe cakwaamba ayi mulaakufula akuba abaana baanji. Ulaakupa coolwe myuunda yanu, cakwaamba ayi mulaakuba ashili anga ngamaila, waini alimwi amafuta a olifi. Ulaakumupa coolwe alimwi kwiinda mukumupa ŋombe alimwi ambelele shiinji. Shoolwe shoonse ishi ulaakumupeta mucishi ico ncaakashomesha bamashali banu bakulukulu ayi ulaakumupa.

1 Timoti 2:8

Ndisuni basankwa kuli koonse, kabapaila amaansa kaanyamukite, amoyo usalalite, kakutaaku kukalala nabi kupikishanya.