Kulonga 20:17 - Baibo Busansulushi Bwa Libuku Ili

¹⁷ “Utakumbwi ŋanda ya shikamukobonyoko camunyono. Utakumbwi mukamwiine, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.”

Kulonga 20:17 Marejeleo ya Msalaba

Matalikilo 14:23

ayi teshi ncaaleewo acintu cili coonse caanu, busalu nabi intambo ya kunsapato. Mukwiinga ubo ndyeshi mukabule kwaambaawo ayi, ‘Ndime ndakalengesha Abulamu kubila.’

Matalikilo 3:6

Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya.

Matalikilo 34:23

Mulishibo na caba boobo shifubwa ashintu shabo shimwi inga shaba shesu. Anu atusumine kwaamba ayi bekale pakati kesu.”

Jobo 31:1

“Ndakapangana cipangano ameenso angu ayi teshi nkalangilishewo mwanakashi calunkumbwa.

Jobo 31:9

“Na moyo wangu wakakumbwawo kale mukamweensuma akuya mukulindilila kaanjubite kumulyango waŋanda yakwe,

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Kulumbaisha 119:36

Amwiishe moyo wangu kusuna kwiisha kwanu. Ee, amunjiishe kusuna kwiisha kwanu kuteshi bubile.

Tushimpi 4:23

Bunene bunene, ulame moyo wako ceebo nkokantupu ka buumi bwako.

Tushimpi 6:29

Mbweeke ubo mbocibete akumuntu ukumana amuka mubye. Uyo woonse ucita camushobo uyo ulaakupengelaamo.

Shikushimikila 4:8

Kwakalinga musankwa uyo wakalingabo eenka. Taakalinga kucitewo mwaana musankwa nabi mukwabo. Wakalinga kusebensa cakutookeshaawo, nakubi boobo taakwe kukondwa abubile ubo mbwaakalinga kucite. Wakeepusha ayi, “Ino ngani ngoontoosebensela? Ino ceebonshi ntoolikasha kusangalala?” Ici acalo taaku mbocibete, ee, uku nkupengelabo kapongo kafwite!

Isaya 33:15

Ngooyo weenda cakubula kampenda akwaamba shintu shiluleme. Ngooyo ukaka mpindu yabupambi, utasuni kutambula makulo utasuni kuteya matwi kubaabo bapangana shabucayi alimwi utasuni kulansha meenso akwe pabubi.

Isaya 57:17

Ndakalinga ndabakalalila ceebo ca shibiibi shabo alimwi abulyabi. Ndakabapa mulandu akubafutatila ceebo ndakakalala. Nakubi boobo bakatolelela anshila shabo shibiibi.

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Jelemiya 5:8

Balibo anga ndiaki lisankwa lilya kabotu lisunishi kutanta. Ncakwiila womwi awomwi ulakumbwa muka mubye.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Abakuku 2:9

Mapensho kuli ndimwe nomubilisha bamumaandaanu munshila italuleme. Ee, mwebo nomweelesha kulengesha maandaanu kubula cakulisukama amapensho.

Mateyo 20:15

Sa nsheelete kucita mbuli mboonsuni pabuboni bwangu? Mpashi wamfwita munyono mukwiinga nshisalululi pakupa?’ ”

Mateyo 5:28

Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.

Luka 12:15

Lyalo Jesu wakaambila bantu abo ayi, “Amucenjele alimwi mulibaambe ayi mutabi bantu basunishi bubile. Ceebo buumi bwa muntu tabubete mukufula kwa buboni mbwaacite.”

Luka 16:14

BaFalisi ndibakanyumfwa makani aya, bakatalika kushibuluka Jesu mukwiinga balo bakalinga kusunishi maali.

Milimo ya Batumwi 20:33

Nshina kuyandawo kale kubwesa maali nabi cakufwala ca muntu umwi kwiinda mulunkumbwa.

Milimo ya Batumwi 5:4

Kootana kubuulisha bwakalinga bwaako alimwi andiwakoolisha, maali akalinga aako. Ono nciinshi ncewakayeeyela kucita cintu ca mushobo wooyu? Anu tookwe kubeca bantu, sombi Lesa mwiine!”

Bene Loma 13:9

Mukwiinga milawo yaamba ayi, “Utaciti bulale, utacaayi, uteepi, utanyumfwili munyono mubyo ceebo ca shintu nshaacite” aimwi yoonse, ilasansululwa mumulawo womwibo waamba ayi, “Suna mubyo bweenka mboolisuni omwiine.”

Bene Loma 7:7

Ino ono twaambe buyani? Sa twaambe ayi Milawo njibiibi? Sobwe, tabwishi mbocibete ubo! Sombi njiMilawo yakalengesha ayi nshibe bubi. Nikuteshi Milawo yaamba ayi, “Utabi amunyono pashintu sha mubyo”, naakwiinga nshishibiiwo lunkumbwa lwa mushobo uyu.

1 Bene Kolinto 6:10

beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.

Bene Efeso 5:3

Ceebo muli bana bakwe Lesa, bufuule, kucita shintu shitaluleme alimwi akukumbwa camunyono shintu sha bamwi bantu, tasheelete kwaambwa pakati kanu, sobwe.

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

Dutolonomi 5:21

“ ‘Utakumbwi mukamwiine camunyono. Utakumbwi camunyono ŋanda ya shikamukobonyoko, muunda wakwe, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.’

Dutolonomi 7:25

Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Bene Filipi 3:19

Kumeelelesho balaakunyonyoolwa mukwiinga lesa wabo nshintu shisangalasha mubili. Aboobo balo balasangalalila mushintu isho sheelete kubapa nsoni alimwi balayeeyabo shintu sha pacishi ca panshi.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

Bene Ebulu 13:5

Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”

Joshuwa 7:21

pashintu isho nshetwakabwesa, ndakabonawo cakufwala ca peculu cibotu abuumbi ca kuBabiloni, makilogilamu obilo a silifa alimwi acipimpita ca golodi cakalinga kulema musa wa kilogilamu. Ndakakumbwa shintu isho akushibwesa. Anu ndakashifukila mutente yangu, silifa njeili panshi peene.”

1 Samwelo 12:3

Ono mpoondi pano. Na kuli cilubo ncendakacita amunshinine pameenso aMwaami Lesa amwaami ngwaasala. Sa ndakabwesaawo kale ŋombe nabi mbongolo ya muntu umwi uli woonse? Sa kuli ngondakacenjeekawo kale nabi kupensha? Sa ndakatambulawo kale makulo kumuntu uli woonse? Na pasheeshi shoonse kuli ncendakacitaawo, ntoolipila ico ncendakabwesa.”

1 Samwelo 15:19

Ono ceebonshi tookwe kunyumfwila Mwaami Lesa? Weenganinanshi kubwesa shakasaalwa akucita cintu citakondeleshi pameenso a Mwaami Lesa?”