Kulonga 19:19 - Baibo Busansulushi Bwa Libuku Ili

¹⁹ Alwalo lupeenga lwakalinga kuya ciindaawo kulila. Kuswawaawo Mose wakaamba, alakwe Lesa wakamukumbula mucilulumo.

Kulonga 19:19 Marejeleo ya Msalaba

Neyemiya 9:13

KuKalundu ka Sinayi mwakaseluka kuswa kwiculu akwaamba abantu banu. Mwakabapa milawo ibotu akwiisha kululeme.

Kulumbaisha 81:7

Ndimwakalinga mumapensho mwakandilila, lyalo ndakamufuna. Ndakamukumbula kaandi mumakumbi a mfula. Ndakamweelesha kumaanshi a kuMeliba.

Kulonga 19:13

Muntu uyo ulyeelete kucaikwa kumabwe nabi kumuyasa mifwi, taaku nabi womwi weelete kumucata. Ici cilyeelete kubantu alimwi abanyama boonse, boonse balyeelete kucaikwa. Sombi na lupeenga lukaliile, bantu boonse bakatante pakalundu.”

Kulonga 19:16

Ingayi macuunsa pabushiku bwatatu, kwakaba cilulumo alimwi akubeka, Mpeeke pakalundu pakesa likumbi litikeme alimwi kwakanyumfwika alupeenga lwakalila cankusu. Boonse bantu mumisumba bakatutuma abuumbi.

Shakubelenga 12:8

Aboobo ndaamba anguwe bweenka mbuli muntu mbwaamba amubye, kaanyumfwite kuteshi mumapinda. Lakwe wakabonaawo ambomboneka! Nceebonshi ncemwabulila boowa kutongooka musebenshi wangu Mose?”

Dutolonomi 4:36

Wakamusuminisha kunyumfwa liswi lyakwe kuswa kwiculu kwaamba ayi amupe milasho, alimwi pano pacishi ca panshi wakamusuminisha kwaamba ayi mubone mulilo wakwe usalalite, akubandika kuli ndimwe mumulilo uyo.

Dutolonomi 5:22

“Iyi njemilawo Mwaami Lesa njaakamupa mwebo noonse ndimwakalinga kubungene kukalundu. Ono ndyaakaamba aliswi lya peculu kuswa mumulilo amakumbi ashiya mbi, wakapabo milawo yeenka iyi cakuteendilishaawo aimwi. Lyalo wakeelemba pamabwe obilo apampamene akwaapa ndime.

Bene Ebulu 12:19

kwakanyumfwika lupeenga alimwi aliswi. Ono bantu ndibakanyumfwa liswi ilyo, bakasenga ayi batalinyumfwiiwo alimwi,

Bene Ebulu 12:21

Shintu shakacitika kukalundu aka shakalinga kuloondesha cakwaamba ayi Mose wakaamba ayi, “Ntootutuma ceebo ndaloonda!”