Kulonga 18:25 - Baibo Busansulushi Bwa Libuku Ili

²⁵ Wakasala basankwa beenga basebensa kuswa pabene Isilaeli boonse. Wakabasala ayi babe batanjilili ba bantu, bamwi ba bali cuulu, bamwi mwaanda, bamwi makumi osanwe alimwi abamwi ba bali likumi.

Kulonga 18:25 Marejeleo ya Msalaba

Matalikilo 47:6

cishi ca Ijipiti ncabo. Basuminishe bekale mumusena wa Gosheni, musena wiindaawo kubota mucishi cino. Alimwi na pali basankwa bakonsha kulama shifubwa, ubape bweendeleshi bwa shifubwa shangu.”

2 Samwelo 18:1

Ono Defedi wakabunganya bantu abo mbwaakalingaabo akusala bamatanjilili ba bashilumamba bali shuulu aba bali myaanda.

Kulonga 18:21

Sombi kwiilikaawo, ulyeelete kusala basankwa bamwi beenga basebensa mulimo wa butanjilili. Bamwi balyeelete kuba batanjilili ba bantu bali cuulu, bamwi mwaanda, bamwi makumi osanwe alimwi abamwi likumi. Bantu abo mbweshi ukasaale balyeelete kuba bantu balemeka Lesa, bashomeka alimwi batakoonshi kutambula mashinka kanwa.

Kulonga 18:24

Mose wakanyumfwila maswi akamulwiita Jetulo.

Shakubelenga 1:16

Basankwa aba mbobakabandwa kuswa pakati ka bene Isilaeli, bamatanjilili ba mikowa ikulukulu. Bakalinga mbobamatanjilili ba bashipani sha mumikowa ya bene Isilaeli.

Shakubelenga 1:4

Musenge musankwa womwi mutanjilili wa mucipani ca mumukowa kuswa mumukowa uli woonse, ayi amucafweeko.”

Shakubelenga 11:16

Mpomunyaawo Mwaami Lesa wakaambila Mose ayi, “Bunganya bamaloba bali makumi osanwe aobilo abo bashibikitwe ayi mbamatanjilili ba bene Isilaeli. Ubalete kuli ndime kuTente ya Cipangano alimwi akubalwiita ayi beemikane peenka apo awebo.

Milimo ya Batumwi 6:5

Mpeeke likoto lyoonse lya bantu lyakakondwa amakani akaamba batumwi. Lyalo bakasala Sitifini, musankwa wakalinga kuswite lushomo alimwi aMushimu Usalashi. Alimwi bakasala Filipo, Pulokolasi, Nikana, Timoni, Pamenasi alimwi aNikolasi wa kuAntyoki, uyo wakalinga kukonkela kwiisha kwa baJuda kalekale.

Dutolonomi 1:15

Aboobo ndakabwesa basongo alimwi batanjilili balemekwa, abo mbomwakasala, akubabika ayi bamutanjilile. Bamwi bakalinga kweendelesha bali cuulu, bamwi mwaanda, bamwi makumi osanwe, abalo bamwi likumi. Ndakasala abamwi bacinenenene mumikowa yoonse.