Kulonga 18:19 - Baibo Busansulushi Bwa Libuku Ili

¹⁹ Ono nyumfwa nkulwiiteko mboweelete kucita, kwaamba ayi Lesa akucafweeko. Ncibotu ayi webo ubebo shikwiimikaninako bantu kuli Lesa alimwi akuleta matongooshi abo kuli nguwe.

Kulonga 18:19 Marejeleo ya Msalaba

Matalikilo 39:2

Mwaami Lesa wakalinga aJosefu alimwi wakamulengesha kuswitilila. Wakalinga kwikala muŋanda ya mwaami wakwe mwine Ijipiti,

2 Samwelo 14:17

Ono nemusebenshi wanu ntokwaamba ayi, ‘Maswi anu nobaami aabe aayo eshi ankalike moyo, mukwiinga nkambo nobaami mulibo anga ngumunjelo wakwe Lesa mukwishiba cibotu acibiibi. Mwaami Lesa, Lesa wanu abe amwebo’ ”

Kulonga 18:15

Mose wakamukumbula ayi, “Ndyeelete kucita bobulya mukwiinga bantu balesa kuli ndime ayi beshibe kuyanda kwakwe Lesa.

Kulonga 18:20

Ulyeelete kubeeisha milasho amilawo yakwe Lesa akubasansulwita mbuli mbobeelete kwikala alimwi anshebeelete kucita.

Kulonga 18:24

Mose wakanyumfwila maswi akamulwiita Jetulo.

Kulonga 20:19

Lyalo bakaambila Mose ayi, “Twaambilebo webo weenka, tutoonyumfwa. Tutooloonda ayi na Lesa aambe aswebo, tutoofwa.”

Kulonga 3:12

Mpeeke Lesa wakamukumbula ayi, “Nebo ndaakunooli awebo, alimwi andyeshi ukanoobakusha mucishi ca Ijipiti, mulaakunambilila pakalundu aka. Ici cilaakuba cishibilo cakwaamba ayi ndime ndakutuma.”

Kulonga 4:12

Anu webo, koya bulya bweenka! Ndaakukucafwaako kwaamba alimwi ndaakukulwiita ashakwaamba.”

Kulonga 4:16

Lakwe ngweshi ukanokwaambilaako kubantu. Ono webo ulaakuba anga nguLesa ceebo ulaakunoomulwiita shakwaamba.

Tushimpi 9:9

Kopa milasho musongo, lyalo busongo bwakwe bulafulilaako. Koyiisha muntu ululeme, lyalo lushibo lwakwe lulafulilaako.

Shakubelenga 27:5

Mpomunyaawo Mose wakatola litongooshi lyabo kuMwaami Lesa

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Dutolonomi 20:1

“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.

Dutolonomi 5:5

Paciindi ico ndakeemikana pakati kanu aMwaami Lesa kwaamba ayi noomulwiita maswi akwe mukwiinga mwakalinga kuloonda mulilo. Aboobo tamukwe kukonsha kutanta peculu lya kalundu. “Mpeeke Mwaami Lesa wakaamba ayi,

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”