Kulonga 16:25 - Baibo Busansulushi Bwa Libuku Ili

²⁵ Mose wakaamba ayi, “Amulye shakulya ishi sunu ceebo sunu mbushiku bwakookesha bwa Cibelu bwa Mwaami Lesa alimwi teshi mucanewo shakulya pansengwe.

Kulonga 16:25 Marejeleo ya Msalaba

Neyemiya 9:14

Mwakabeeisha kusalasha bushiku bwakookesha bwa Cibelu. Kwiinda mumusebenshi wanu Mose mwakabapa milawo amilasho yanu.

Kulonga 16:23

Mose wakabalwiita ayi, “Mwaami Lesa wakaamba ayi ciilo mbushiku bwakwe busalalite bwakookesha bwa Cibelu. Paceebo ceeci mulyeelete kupanga sunu shakulya nshemusuni kupanga alimwi muteleke nshemusuni kuteleka. Shoonse nsheshi mushiyeeko, mushibike palubasu ayi mukalye ciilo.”

Kulonga 16:24

Kweelana abwakabalwiita Mose, bakabika nshebakashiyaako ayi nshabushiku bwakaboolaawo, Mpeeke tashikwe kunyonyooka nabi kuba amapila.

Kulonga 16:26

Mulyeelete kunoobwesa shakulya munshiku shili shosanwe abomwi, sombi pabushiku bwasanu ashobilo, bushiku bwakookesha, teshi shikanoobaako.”

Kulonga 16:29

Mulyeelete kwiibaluka ayi nebo neMwaami Lesa ndakamupa bushiku bwakookesha bwa Cibelu, nceceeco nceshi noomupeta shakulya shikumana nshiku shobilo lyoonse pabushiku bwasanu abomwi. Muntu woonse ulyeelete kwikala kweenka nkwaabete pabushiku bwasanu ashobilo, alimwi teelete kushiya musumba wakwe.”