Kulonga 15:25 - Baibo Busansulushi Bwa Libuku Ili

²⁵ Lakwe Mose wakapaila abuumbi kuMwaami Lesa, mpeeke Mwaami Lesa wakamubonesha kasamu, lyalo Mose wakakawaala mumaanshi mpomunyaawo maanshi akaba kabotu. Apo Mwaami Lesa wakabapa mulawo amulasho alimwi apo peenka wakabeelesha.

Kulonga 15:25 Marejeleo ya Msalaba

2 Baami 2:21

Lyalo Elisha wakeetola kukantupu akuwaala mwiinyo mumaanshi akwaamba ayi, “Mwaami Lesa waamba ayi, ‘Ndalengesha maanshi aya kuba kabotu alimwi teshi akaleteewo lufu nabi kulengesha bulongo kutakusha shishango!’ ”

2 Baami 4:41

Elisha wakasenga busu akubuwaala munongo akwaamba ayi, “Amubabikileemo musushi aumwi.” Mpeeke ndibakalyaako shikola shakamanaamo.

2 Baami 6:6

Lyalo Elisha wakeepusha ayi, “Kalokela kuli?” Musankwa uyo wakamubonesha musena ngokakalokelaawo. Mpeeke Elisha watyola kasamu, wakawaala pamaanshi akulengesha keembe kuseela.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 66:10

NobaLesa mwakatusunka. Mwakatubotesha bweenka silifa mbooboteshekwa mumulilo.

Kulumbaisha 81:7

Ndimwakalinga mumapensho mwakandilila, lyalo ndakamufuna. Ndakamukumbula kaandi mumakumbi a mfula. Ndakamweelesha kumaanshi a kuMeliba.

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Kulumbaisha 99:6

Mose aAloni bakalinga bapailishi bakwe Lesa bamwi, Samwelo alakwe wakalinga pakati ka baabo bakalinga kupaila kuli nguwe. Aba bantu bakalinga kulilila kuMwaami Lesa alakwe wakalinga kubakumbula.

Kulonga 14:10

Ono bene Isilaeli ndibakabona mwaami Falawo alimwi abashilumamba bakwe kabaya kuli mbabo, bakaloonda abuumbi akulilila Mwaami Lesa ayi abacaafwe.

Kulonga 16:4

Mpeeke Mwaami Lesa wakaambila Mose ayi, “Ono ntoomuloshesha shakulya kuswa kwiculu ayi noonse mukwane. Bantu boonse balyeelete kuya mukubwesa shakulya lyoonse isho nsheenga bakumana pabushiku ubo. Munshila yeeyi, inga ndabeelesha akwishiba na inga bakonkela milasho yangu.

Kulonga 17:4

Mpeeke Mose wakapaila cakulilila Mwaami Lesa ayi, “Ino bantu aba ntoobacita buyani, mukwiinga balilibambite kunguma mabwe?”

Kulonga 20:20

Mose wakabakumbula ayi, “Mutaloondi, mukwiinga Lesa wesabo mukumweelesha akulengesha ayi mutolelele kumunyumfwila kwaamba ayi mutakabishi.”

Tushimpi 17:3

Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa aMwaami Lesa.

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 9:7

Paceebo ceeco Mwaami Lesa Shinkusu shoonse waamba ayi, “Bona, ndaakubabotesha akubeelesha, mukwiinga taaku cimwi nceenga ndacita pashibiibi sha bantu bangu.

Esekelo 47:7

Ono ndindakashika kooko, ndakabona shisamu shiinji kumbasu shobilo shoonse sha mulonga uyo.

Esekelo 47:8

Mpeeke wakandwiita ayi, “Maanshi aya alakunka kwiinda mucishi kululama kwicwe kuya mukulokela muCinyika ca Joodani tibili amuLweenge lwa Mwiinyo. Ono maanshi ayo ashika muLweenge ulo, alalengesha maanshi a mwiinyo kuba maanshi abotu.

1 Bene Kolinto 1:18

Makani aamba shalufu lwakwe Klistu pamucilingano taaku mbwaabete kubantu basowekete, sombi kuli ndiswe sotuli munshila yakupulushikwa, ninkusu shakwe Lesa.

Dutolonomi 13:3

mutakamunyumfwili napaceyi. Mulyeelete kwishiba ayi Mwaami Lesa, Lesa wanu utoosebensesha muntu uyo kwaamba ayi amweeleshe akubona na ncakwiila mulimusuni amyoyo yanu yoonse alimwi abuumi bwanu boonse.

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

Boomboloshi 2:22

Anu munshila iyi ndaakubeelesha akubona na balaakunookonkela nshila shangu kweelana abwakalinga kucita bamashali babo bakulukulu.”

Boomboloshi 3:1

Ncakwiila Mwaami Lesa wakashiyamo mishobo imwi mukwaamba ayi eeleshe bene Isilaeli abo batakwe kulwanawo nkondo kuKenani.

Boomboloshi 3:4

Ncaakabalekela nkwaamba ayi abone na bene Isilaeli inga bakonkela milawo Mwaami Lesa njaakapa bamashali babo bakulukulu kwiinda muli Mose.