Kulonga 15:17 - Baibo Busansulushi Bwa Libuku Ili

¹⁷ Mulaakubaleta akubekalika pakalundu kanu, musena, noBaami baLesa, uyo ngomwakasala ayi ube ŋanda yanu. Ŋanda yakumulambililaamo, noBaami baLesa, njemwakayaka nobeene.

Kulonga 15:17 Marejeleo ya Msalaba

2 Samwelo 7:10

Ndapa musena bantu bangu bene Isilaeli akubekalika mumo kwaamba ayi babe amishaabo. Lyalo kubule ubanyonyonganya tubili. Nkokwaamba ayi bamucita shibi teshi bakatolelele kubapensha mbuli kukalekale

1 Baami 8:13

Ono ndayaka Ŋanda yanu ibotu abuumbi, musena uyo ngomweelete kwikalaamo kwamuyayaya.”

Kulumbaisha 114:2

bene Juda bakaba bantu basalalite bakwe Lesa. Ee, bene Isilaeli bakaba bantu ba mubulelo bwakwe.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 44:2

Twakanyumfwa mbomwakatanda mishobo ya bakunsengwe mucishi, akukalikaamo bamashali besu bakulukulu mucishi cabo. Twakanyumfwa mbuli mbomwakaanisha mishobo imwi yoonse, akulengesha mushobo wa bantu banu kuswitilila.

Kulumbaisha 68:16

Ceebonshi okalundu kacite nsonga shiinji, utoolanga camunyono kalundu ako Lesa nkaakasala ayi ekaleewo? Ee, pakalundu apo mpweshi anookala kwamuyayaya.

Kulumbaisha 76:2

Ŋanda yakwe ili muJelusalemu, ncakwiila ulekala paKalundu ka Siyoni.

Kulumbaisha 80:15

Kamwisa mupulushe bantu aba mbomwakaleta mucishi cino. Ndimwe mwakabalengesha ayi bashimpe akumena miyanda.

Kulumbaisha 80:8

Mwakatumuna bene Isilaeli mucishi ca Ijipiti anga ngumunyansa. Mwakatandaanya mishobo imwi muno kwaamba ayi mushangemo mbabo.

Kulonga 15:13

Nomushomeka pacipangano canu, mwakatanjilila bantu mbomwakafuna. Kwiinda munkusu shanu mwakabatanjilila kuya kucishi canu cisalalite.

Kulonga 23:20

“Amubone, ndaakutuma munjelo kunembo lyanu kwaamba ayi akamulaame mulweendo, alimwi akumushisha kumusena ngondakamubambila.

Kulonga 25:8

Bantu balyeelete kunjakila Tente isalalite kwaamba ayi nkekaale pakati lyabo.

Kulonga 32:34

Ono koya, tanjilila bantu kuya kumusena uyo ngondakakulwiitaawo. Wiibaluke ayi munjelo wangu ulaakukutanjilila, sombi ciindi cilaakushikila ndyeshi nkape bantu mulandu pacibiibi cabo.”

Jelemiya 2:21

Ndakakushanga bweenka mbuli munyansa ubotu wakuswa kumbuto ibotu abuumbi. Ino wakasanduka buyani kuba munyansa ulula wamuluundu?

Jelemiya 31:23

Mwaami Lesa Shinkusu shoonse, Lesa wa bene Isilaeli waamba ayi, “Ndaakumana kubaboosha kuswa mubusha, bantu ba mucishi ca Juda amumandabala a njiyo balaakutalika alimwi kusebensesha maswi akwaamba ayi, ‘Mwaami Lesa aakupe coolwe, webo Omusena ululeme wa Jelusalemu. Aape coolwe kuli ndiwe Okalundu kasalalite.’

Jelemiya 32:41

Anebo ndaakunoosangalete amoyo wangu woonse pakubacitila shintu shibotu akubekalika mucishi cino kwanshiku shoonse.”

Esekelo 37:26

Ndaakupanga cipangano ca luumuno ambabo. Cilaakuba cipangano calyoonse alyoonse. Ndaakushimpya bulelo bwabo akubafusha alimwi ndaakubika Ŋanda yangu pakati kabo kwalyoonse alyoonse.

Esekelo 37:28

Mishobo yaakubona ayi ndabika Ŋanda yangu pakati kabo kwalyoonse alyoonse, ilaakwishiba ayi nebo neMwaami Lesa ndakasala bene Isilaeli kuba bantu bangu.’ ”

Dutolonomi 33:19

Balaakutamba baswamashi ayi bakese kukalundu kabo akubenga milambu yeelete nkomunya uko. Buboni bwabo bulaswa mumakwebo a mulweenge, alimwi amumuseese wa muloombe lwa lweenge.”

Joshuwa 22:19

Na cishi ncemwakapekwa tacisalalite kwaamba ayi inga tamukoonshi kulambililaamo, amuye mucishi ca Mwaami Lesa umo muli Tente ya Cipangano, tulaakwaabana misena. Ncibiibi kwaashukila Mwaami Lesa, pantu pomwi aswebo kwiinda mukuliyakila cipaililo nobeene citeshi ca Mwaami Lesa, Lesa wesu.