Kulonga 14:28 - Baibo Busansulushi Bwa Libuku Ili

²⁸ Lyalo maanshi akakumanabo poonse poonse akufwekelesha shikoci shankondo, beshikweensha alimwi abashilumamba boonse bene Ijipiti abo bakalinga bakonkela bene Isilaeli mulweenge. Taaku muntu nabi womwi wakacalaawo.

Kulonga 14:28 Marejeleo ya Msalaba

Matalikilo 50:9

Basankwa bamwi bakalinga mushikoci sha maaki alimwi abamwi pamaaki, abalo bakayaakwe. Lyakalinga likoto linene.

Matalikilo 7:18

Maanshi akafulilaako, abwalo bwaato bwakalinga kuya ciseela peculu lya maanshi.

2 Makani 20:24

Lyalo bene Juda ndibakashika kuŋanda ilaamfu ya beshikulindilila ya muluyanga, bakabonabo balwani babo balibo mpinsampinsa. Bakamana kufwa cakubula muntu nabi womwi wakaloboka.

Neyemiya 9:11

Mwakapansaanya lweenge kunembo lyabo kwaamba ayi beende akusubukila payumu. Sombi abo bakalinga kubakonkela mwakabalobya mumaanshi alaamfu bweenka libwe mbolipila mulweenge lulaamfu.

Kulumbaisha 106:22

Wakacita shaankamiko mucishi cakwe Amu amilimo ikankamika abuumbi kuLweenge Lusalala.

Kulumbaisha 136:15

Lesa wakalobya Falawo abashilumamba bakwe muLweenge Lusalala, ee, mukwiinga lusuno lwakwe ndwamuyayaya.

Kulumbaisha 78:53

Wakabatanjilila kabotu cakwaamba ayi boowa bwakamana, sombi balwani babo lweenge lwakesa lwabafwekelesha boonse.

Kulonga 14:13

Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Kulonga 15:10

Sombi ndimwakayoyabo linkanda lyomwi, maanshi akafwekelesha bene Ijipiti boonse. Ncakwiila bakepilabo anga nceela panshi lya maanshi ayo aloondesha.

Kulonga 15:19

Anu bene Isilaeli bakasubuka lweenge pabulongo buyumu nta. Sombi shikoci shankondo sha bene Ijipiti, maaki alimwi abeshikweensha babo ndibakashika mulweenge, Mwaami Lesa wakakumanya maanshi alimwi. Mpeeke akabafwekelesha.

Abakuku 3:13

Mwakesa mukufuna bantu banu, ee, akupulusha baabo mbomwakasala. Mwakapwayoola mutanjilili wa bamucita shibi akunyonyoola bantu bakwe boonse.

Dutolonomi 11:4

Mwakabona mbuli Mwaami Lesa mbwaakalobya bashilumamba bene Ijipiti boonse, pantu pomwi amaaki alimwi ashikoci shabo kwiinda mukubalengesha kufwita muLweenge Lusalala ndibakalinga kukonkela ndimwe.

Bene Ebulu 11:29

Ndushomo lwakalengesha ayi bene Isilaeli basubuke Lweenge Lusalala kabalyatabo payumu, anga temwakalinga maanshi. Sombi bene Ijipiti ndibakeelesha kusubuka, maanshi akabalobya boonse.

Boomboloshi 4:16

Balaki lakwe wakatandaanya bashilumamba balwanina mushikoci abashilumamba bamwi boonse kuya mukushika kuAlosheti Agoyimu. Bashilumamba bakwe Sisela bakacaikwa boonse cakwaamba ayi taaku wakacaala.