Kulonga 14:22 - Baibo Busansulushi Bwa Libuku Ili

²² Aboobo bene Isilaeli bakasubukabo payumu, maanshi akalinga kwiimfwibo kumbasu shoonse shobilo anga ndubumbu lwa ŋanda.

Kulonga 14:22 Marejeleo ya Msalaba

2 Baami 2:14

Mpomunyaawo wakooma cakufwala ca peculu cakashiya Elija pamaanshi alimwi akwaamba ayi, “Uli kuli Mwaami Lesa wakwe Elija?” Wakoomaawo alimwi lyalo maanshi akapansaana. Mpeeke wakasubukila kwitala.

2 Baami 2:8

Mpomunyaawo Elija wakafuula cakufwala cakwe ca peculu, wacipomba akucuuma pamaanshi. Mpeeke maanshi akapansaana, lyalo lakwe aElisha bakasubuka payumu kuya kwitala.

Neyemiya 9:11

Mwakapansaanya lweenge kunembo lyabo kwaamba ayi beende akusubukila payumu. Sombi abo bakalinga kubakonkela mwakabalobya mumaanshi alaamfu bweenka libwe mbolipila mulweenge lulaamfu.

Kulumbaisha 106:9

Wakaambila Lweenge Lusalala ayi luyume, mpeeke lwakayuma nta. Wabatanjilila mulweenge ulo pamumpwampwa uyuminite anga muluyanga.

Kulumbaisha 136:13

Wakapansaanya Lweenge Lusalala pakati, ee, mukwiinga lusuno lwakwe ndwamuyayaya.

Kulumbaisha 136:14

Wakasubusha bene Isilaeli pakati ka ndulo, ee, mukwiinga lusuno lwakwe ndwamuyayaya.

Kulumbaisha 66:6

Wakaalula lweenge lwaba inshi iyumu. Bamashali besu bakulukulu bakasubuka mulonga amyeendobo. Paceebo ceeco tulasangalala abuumbi muli nguwe pacikani ico.

Kulumbaisha 74:15

Ndimwe mwakacalula tuntupu atulonga, ndimwe mwakayumya milonga inene ikunka.

Kulumbaisha 78:13

Wakapansaanya lweenge akubasubusha, wakalengesha maanshi kwiimikana anga ndubumbu.

Kulonga 14:29

Sombi bene Isilaeli bakasubuka lweenge kabeenda payumubo nta, amaanshi kaaimikenebo mweela anga ndubumbu lwa ŋanda.

Kulonga 15:19

Anu bene Isilaeli bakasubuka lweenge pabulongo buyumu nta. Sombi shikoci shankondo sha bene Ijipiti, maaki alimwi abeshikweensha babo ndibakashika mulweenge, Mwaami Lesa wakakumanya maanshi alimwi. Mpeeke akabafwekelesha.

Kulonga 15:8

Mwakayoyela palweenge, mpeeke maanshi akalilundikabo mweela. Maanshi akeemikanabo anga ndubumbu lwa ŋanda, apaapo poonse pakalinga palaamfu pakaboolabo nta.

Isaya 11:15

Mwaami Lesa ulaakuyumya maanshi pakusubukila lweenge lwa bene Ijipiti. Lyaansa lyakwe lilaakwiinsha muuwo ulungula paMulonga wa Yufuletisi. Ulaakupasoolamo tulonga tosanwe atobilo kwaamba ayi bantu bakanoosubukabo payumu nta.

Isaya 11:16

Kulaakuba mukwakwa unene wakwiindaamo bene Isilaeli abo beshi bakacaaleewo pakuswa muAsilya bweenka mbokwakaba mukwakwa unene ndibakalinga kuswa mucishi ca Ijipiti.

Isaya 43:16

Ncakwiila Mwaami Lesa uyo wakapanga nshila mulweenge, ee, kupanga nshila mumaanshi ayoosha.

Isaya 51:10

Sa te ndimwe mwakayumya lweenge lulaamfu, ee, kuyumya maanshi alaamfu alya? Anu balya bakapanga nshila mulweenge lulaamfu kwaamba ayi balya bakalubulwa basubukile kwitala lya ndulo mbaani?

Isaya 63:12

Uli kuli Mwaami Lesa ulya wakacita shaankamiko kwiinda munkusu shakwe, ee, nkusu shakwe shikankamanisha kwiinda muli Mose? Wakapansaanya maanshi mulweenge bantu bakwe kababweneeko kwaamba ayi akanoolemekwa kwalyoonse alyoonse.

Isaya 63:13

Uli kuli wakabatanjilila panshi lya lweenge payumu?” Bakeendawobo anga ndiaki litokwiinda muliwesa. Ncakwiila bakeenda cakutalisuntulaawo napaceyuubo.

Sekaliya 2:5

Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”

Shakubelenga 33:8

Lyalo kuPi Ailoti bakaswaako akwiinda muLweenge Lusalala kuya muluyanga lwa Shuli. Ndibakeenda kwanshiku shotatwe bakayakila misumba kuMala.

1 Bene Kolinto 10:1

Nobamakwesu ndisuni kwaamba ayi mwiibaluke shakacitikila bamashali besu bakulukulu. Boonse bakafunwa alikumbi alimwi boonse bakasubuka Lweenge Lusalala.

Bene Ebulu 11:29

Ndushomo lwakalengesha ayi bene Isilaeli basubuke Lweenge Lusalala kabalyatabo payumu, anga temwakalinga maanshi. Sombi bene Ijipiti ndibakeelesha kusubuka, maanshi akabalobya boonse.

Joshuwa 3:16

maanshi ayo akeemikana kukunka. Lyalo akalundanabo kulaale mundabala iitwa ayi Adamu, iyo ibambene aSaletani. Maanshi akacileka kukunka kuLweenge lwa Mwiinyo. Paceebo ceeci bantu bakasubuka pafwaafwi andabala ya Jeliko.

Joshuwa 3:17

Bapailishi bakalinga kuyumwite Libokoshi lya Cipangano lya Mwaami Lesa bakalinga kwiimfwi payumu pakati ka Mulonga wa Joodani, kushikila bene Isilaeli boonse basubuka payumu nta.

Joshuwa 4:22

mukanoobalwiita ayi, ‘Bene Isilaeli bakasubukila payumu nta muMulonga wa Joodani.’

1 Samwelo 25:16

Mashiku amalumwi bakalinga kutulama kwaciindi coonse ncitwakalingaabo katweembela mbelele.