Kulonga 14:14 - Baibo Busansulushi Bwa Libuku Ili

¹⁴ Mwaami Lesa utoomulwaninaako, aboobo tamweelete kwaamba ayi mucite cintu nabi comwi.”

Kulonga 14:14 Marejeleo ya Msalaba

2 Makani 20:15

Mpeeke Jaasiyelo wakaamba ayi, “Nobaami amwebo nobene Juda abene Jelusalemu, Mwaami Lesa waamba ayi, ‘Mutatyongoli nabi kuloonda ceebo ca bashilumamba baanji aba. Nkondo teshi yanu, sombi njakwe Lesa.

2 Makani 20:17

Teshi ndimwe mweshi mukalwane nkondo iyi, sobwe. Mwebo mukeemikanebo mumisena ya nkondo akulindila. Lyalo mulaakubona Mwaami Lesa mbweshi akamukomeneeko nkondo iyo. Nobene Juda anobene Jelusalemu, mutatonshi nabi kuloonda. Kamuyabo mukalwaane, Mwaami Lesa ulaakuba amwebo!’ ”

2 Makani 20:29

Ono mushobo woonse wakanyumfwa Mwaami Lesa mbwaakabakomenaako balwani ba bene Isilaeli, wakaloonda abuumbi.

Neyemiya 4:14

Ono ndindakabona kwaamba ayi bantu bapenga mumyoyo, ndakabambila pantu pomwi abamatanjilili babo alimwi abacinenenene ayi, “Mutaloondi balwani besu. Amwiibaluke Mwaami Lesa munene uyoosha. Amulwanine bene mishaanu, bana banu, bamakaanu alimwi amaandaanu.”

Neyemiya 4:20

Anu kuli koonse nkweenga mwanyumfwa lupeenga, amuyoboloke akwisa kuli ndime. Lesa wesu ulaakutulwanina.”

Neyemiya 9:11

Mwakapansaanya lweenge kunembo lyabo kwaamba ayi beende akusubukila payumu. Sombi abo bakalinga kubakonkela mwakabalobya mumaanshi alaamfu bweenka libwe mbolipila mulweenge lulaamfu.

Kulumbaisha 35:1

NoBaami baLesa amulangane abaabo batoolangana anebo. Amulwane abaabo batoolwana ndime.

Kulumbaisha 50:3

Lesa wesu utoosa, sombi kuteshi buumwite. Mulilo ubilima, ukali, ulibo muliimfwa lyakwe. Acalo cipuupu ciyoosha cilimushingulukite.

Kulumbaisha 83:1

NobaLesa, mutakutumanibo, mutoomunibo tontolo sobwe, alimwi mutanoolangilishabo.

Kulonga 14:15

Mpomunyaawo Mwaami Lesa wakaambila Mose ayi, “Ceebonshi mutoolilila ndime? Balwiite bene Isilaeli banooyabo kunembo.

Kulonga 14:25

Wakalengesha kwaamba ayi mawilo a shikoci shabo shankondo kucatwa cakwaamba ayi cakalinga ciyumu kweenda. Ndibakabona bobulya bene Ijipiti bakaamba ayi, “Mwaami Lesa utoolwaninako bene Isilaeli ayi tukomwe. Atusweemo muno!”

Kulonga 15:3

Mwaami Lesa ngushilumamba. Mwaami Lesa, ndyeliina lyakwe.

Isaya 30:15

Mwaami Lesa Shinkusu shoonse, Lesa Usalalite wa bene Isilaeli waamba ayi, “Na mwasanduka akuboola kuli ndime, inga mwapuluka. Na mwanshooma akulangila kuli ndime, inga mwaba ankusu. Sombi mwebo mwakakaka kucita boobo.

Malilo 3:26

Ncibotu kulindilila kooumwitebo, ee, pakulangila lupulusho lwa Mwaami Lesa.

Dutolonomi 1:30

Mwaami Lesa, Lesa wanu utoomutanjilila alimwi utoomulwaninaako bweenka mbomwakabona kaacita muIjipiti

Dutolonomi 20:4

Mwaami Lesa, Lesa wanu utooya amwebo alimwi akulengesha ayi mubakoome.’

Dutolonomi 3:22

Mutabaloondi ceebo Mwaami Lesa, Lesa wanu ulaakumulwaninaako.’

Joshuwa 10:10

Mwaami Lesa wakafulunganya bene Amoli mukuloonda bene Isilaeli. Mpeeke bene Isilaeli bakabacaya abuumbi kuGibyoni akubatandaanya, babakunkulusha Kalundu ka Beti Oloni, kabaya cibacayabo kushikila akuAseka alimwi aMakeda.

Joshuwa 10:14

Kacitana kucitika ici nabi kuswa ndicakacitika, takuna kubawo kale bushiku bwa mbuli boobu, ubo Mwaami Lesa mbwaakanyumfwila muntu. Ndushinisho, Mwaami Lesa wakalinga kulwanina bene Isilaeli!

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

Joshuwa 23:10

Womwibo ndondoli pakati kanu ulakonsha kutanda bantu bali cuulu mukwiinga nguMwaami Lesa, Lesa wanu umulwaninaako kweelana ambwaakashomesha.

Joshuwa 23:3

Mwebo nobeene mwakalibonena cakacita Mwaami Lesa, Lesa wanu kumishobo imwi yoonse ceebo ca ndimwe. Ncakwiila nguMwaami Lesa wakalinga kumulwaninaako.

Boomboloshi 5:20

Mwiculu, ashalo nyenyeenshi shakalwana, ee shakalwana Sisela kashili munshila ya nshisho.

1 Samwelo 4:7

bakaloonda akwaamba ayi, “Lesa umwi wesa mumisumba yabo! Ono twamana! Tacina kucitikawo kale ca mushobo uyu!