Kulonga 14:13 - Baibo Busansulushi Bwa Libuku Ili

¹³ Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Kulonga 14:13 Marejeleo ya Msalaba

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Matalikilo 26:24

Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”

Matalikilo 46:3

Lyalo Lesa wakaamba ayi, “Ndime Lesa, Lesa wa baiso, utaloondi kuya kuIjipiti. Bamulunyungu lwako ndaakubalengesha kuba mishobo inene uko kweenka.

Matalikilo 49:18

“Ono oMwaami Lesa, ntoolindilila lupulusho lwako.

2 Baami 6:16

Elisha wakakumbula ayi, “Utaloondi, bali kulubasu lwesu mbaanji kwiinda baabo bali kulubasu lwabo.”

1 Makani 11:14

Mpeeke lakwe abashilumamba bakwe bakeemikana pakati ka muunda uyo akulwana bene Filisiti. Mwaami Lesa wakamulengesha kukoma cikankamika.

2 Makani 20:15

Mpeeke Jaasiyelo wakaamba ayi, “Nobaami amwebo nobene Juda abene Jelusalemu, Mwaami Lesa waamba ayi, ‘Mutatyongoli nabi kuloonda ceebo ca bashilumamba baanji aba. Nkondo teshi yanu, sombi njakwe Lesa.

2 Makani 20:17

Teshi ndimwe mweshi mukalwane nkondo iyi, sobwe. Mwebo mukeemikanebo mumisena ya nkondo akulindila. Lyalo mulaakubona Mwaami Lesa mbweshi akamukomeneeko nkondo iyo. Nobene Juda anobene Jelusalemu, mutatonshi nabi kuloonda. Kamuyabo mukalwaane, Mwaami Lesa ulaakuba amwebo!’ ”

Neyemiya 9:9

“Mwakabona mapensho a bamashali besu bakulukulu muIjipiti. Mwakanyumfwa kulila kwabo kuLweenge Lusalala.

Kulumbaisha 3:8

Ncakwiila kukoma kulaswabo kuMwaami Lesa, ono aape coolwe bantu bakwe.

Kulumbaisha 68:21

Ncakwiila Lesa ulaakupwayoola mitwi ya balwani bakwe, ee, mitwi ya baabo batolelela kubisha ulaakwiinyonyoola.

Kulumbaisha 78:53

Wakabatanjilila kabotu cakwaamba ayi boowa bwakamana, sombi balwani babo lweenge lwakesa lwabafwekelesha boonse.

Kulumbaisha 91:8

Webo ulaakunoolangabo meenso, akubona bamucita shibi kabapekwa mulandu.

Kulonga 14:30

Anu pabushiku ubo, Mwaami Lesa wakapulusha bene Isilaeli mumaansa abene Ijipiti, alimwi bene Isilaeli bakabona bene Ijipiti bafwite kabaseela muloombe lwa lweenge.

Kulonga 20:20

Mose wakabakumbula ayi, “Mutaloondi, mukwiinga Lesa wesabo mukumweelesha akulengesha ayi mutolelele kumunyumfwila kwaamba ayi mutakabishi.”

Isaya 26:3

Mwebo noBaami baLesa, mulapa luumuno lwiine lwiine kubaabo bashomeka lyoonse ceebo cakucinka manungo muli ndimwe.

Isaya 30:15

Mwaami Lesa Shinkusu shoonse, Lesa Usalalite wa bene Isilaeli waamba ayi, “Na mwasanduka akuboola kuli ndime, inga mwapuluka. Na mwanshooma akulangila kuli ndime, inga mwaba ankusu. Sombi mwebo mwakakaka kucita boobo.

Isaya 35:4

Amulwiite baabo bacatwa boowa ayi, “Amuyume, mutaloondi. Lesa wanu ulaakwisa. Ulaakwisa mukuboosha cishole, kwisa mukulambula balwani banu. Ncakwiila ulaakwisa mukumufuna.”

Isaya 43:11

“Nebo, ee, nebo neenka ndime Mwaami Lesa, kwisule lyangu taaku aumwi mupulushi.

Isaya 7:4

Mwamucana mumwaambile ayi acenjele alimwi ekalike moyo. Ataloondi nabi kutyompwa kuyeeya bukali bwabo. Bukali bwa mwaami Lesini abantu bakwe bene Silya alimwi abwakwe Peka mwanaakwe Lemaliya bwamana ncito akubabo anga mbwiishi butoosuntookabo kushishiki shobilo.

Jelemiya 3:23

Ncakwiila kulambila kwa bakunsengwe patulundu takucite lucafwo. Ndushinisho kupulushikwa kwa bene Isilaeli kulaswabo kuMwaami Lesa, Lesa wesu.

Malilo 3:26

Ncibotu kulindilila kooumwitebo, ee, pakulangila lupulusho lwa Mwaami Lesa.

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Osiya 13:4

Mwaami Lesa waamba ayi, “Nebo ndime neMwaami Lesa, Lesa wanu nendakamukusha mucishi ca Ijipiti. Tamweelete kwishiba balesa bamwi kuleka ndime. Nebo neenka ndime Mupulushi wanu.

Osiya 13:9

“Nobene Isilaeli, ndaakumunyonyoola ceebo mwabukila ndime neemucafwa.

Abakuku 3:13

Mwakesa mukufuna bantu banu, ee, akupulusha baabo mbomwakasala. Mwakapwayoola mutanjilili wa bamucita shibi akunyonyoola bantu bakwe boonse.

Abakuku 3:8

NoBaami baLesa, sa njiimilonga yakamukalasha? Sa ndweenge lwakamulengesha kukalala? Ncakwiila mwebo mwakeendela mumakumbi, likumbi lya mfula lyakaba ncecikoci canu ndimwakalengesha bantu banu kukoma.

Shakubelenga 14:9

Mutabukili Mwaami Lesa alimwi mutaloondi bekala mucishi umo. Tulaakwiindililabo kubakoma. Mwaami Lesa uli aswebo, alimwi balo tabacite shikubalama. Aboobo mutabaloondi.”

Mateyo 28:5

Mpomunyaawo munjelo wakaambila banakashi balya ayi, “Mutaloondi! Ndishi kwaamba ayi mutoolangoola Jesu uyo ngobakapopa pamucilingano.

Dutolonomi 20:3

‘Amunyumfwe, mwebo nobene Isilaeli! Sunu mutoolwana abalwani banu. Aboobo mutabaloondi, kuboola pesule nabi kwiingana.

1 Samwelo 11:13

Sombi Saulo wakaamba ayi, “Sobwe! Taakuuwo eshi acaikwe sunu, mukwiinga buno mbobushiku Mwaami Lesa mbwaafuna bene Isilaeli.”

1 Samwelo 12:16

Aboobo amulindile mubone cintu cinene abuumbi ico Mwaami Lesa ncaatooyanda kucita.