Kulonga 12:36 - Baibo Busansulushi Bwa Libuku Ili

³⁶ Mwaami Lesa wakalengesha ayi bene Ijipiti balemeke bene Isilaeli alimwi akubapa nshebakasenga. Munshila yeeyi, bene Isilaeli bakatola bubile bwa bene Ijipiti.

Kulonga 12:36 Marejeleo ya Msalaba

Matalikilo 15:14

Sombi ndaakutondesha bukali kucishi ico ceshi cikabatole busha. Pakuswaako kucishi uko balaakubwesa buboni buunji abuumbi.

Matalikilo 39:21

Sombi Mwaami Lesa wakalinga aJosefu alimwi wakamupa coolwe, cakwaamba ayi shintolongo wakakondwa buumi bwakwe.

Esila 1:6

Beshikamukobonyinaabo boonse bakabacafwako akubapa shintu shiinji, nkokwaamba ayi mbale sha silifa, golodi, shakulya, shifubwa, shamakwebo shimwi pantu pomwi ashipo sha kuŊanda yakwe Lesa.

Kulumbaisha 105:37

Mwaami Lesa wakakusha bene Isilaeli mucishi ca Ijipiti. Bakanyamuna golodi asilifa. Pakati kabo taaku wakalinga kulefukite.

Kulonga 11:2

Lwiita bene Isilaeli boonse ayi basenge shintu sha silifa alimwi agolodi kubaabo beshikamukobonyinaabo.”

Kulonga 11:3

Lesa wakalengesha ayi bene Ijipiti balemeke bene Isilaeli. Ncakwiila bacinenenene ba mwaami Falawo alimwi abantubo bamwi boonse bakabona ayi Mose ngumuntu munene ulemekwa.

Tushimpi 16:7

Na muntu kaaenda munshila isangalasha Mwaami Lesa, ulaakulengesha balwani bakwe kunoonyumfwana anguwe.

Danyelo 1:9

Lyalo Lesa wakalengesha Ashipenasi kunyumfwila Danyelo nkumbu alimwi aluse.

Milimo ya Batumwi 2:47

Bakalinga kulumbaisha Lesa, mpeeke abantu boonse bakakondwa ndibakabona ncito yabo. Alakwe Mwaami wakalinga kuletelamo bantu abamwi inshiku shoonse mulikoto lyabo, abo bakalinga kupulushikwa.

Milimo ya Batumwi 7:10

akumufuna mumapensho oonse ngaakalinga kubaawo. Josefu ndyaakaboneka kuli Falawo mwaami wa kuIjipiti, Lesa wakamupa busongo ubo bwakalengesha ayi Falawo amusuune. Paceebo ceeco Falawo wakamubika ayi abe mweendeleshi wa cishi cakwe alimwi aŋanda yakwe.