Kulonga 12:29 - Baibo Busansulushi Bwa Libuku Ili

²⁹ Ono pakati kamashiku, Mwaami Lesa wakacaya baana basankwa bakwiiya boonse mucishi ca Ijipiti, kutalikila kumwanaamwaami musankwa, wakalinga njempyani ya bwaami kushikila akumwanaakaili musankwa wakalinga muntolongo. Wakacaya abaana basankwa bakwiiya ba banyama boonse.

Kulonga 12:29 Marejeleo ya Msalaba

Matalikilo 15:14

Sombi ndaakutondesha bukali kucishi ico ceshi cikabatole busha. Pakuswaako kucishi uko balaakubwesa buboni buunji abuumbi.

Jobo 34:20

Bantu balapulumukilwabo lufu nabi pakati ka mashiku nkufwa. Balatenkaanishikwabo, lyalo balashimingana. Lesa ulakushawo beshinkusu cakutamuyuminaawo.

Kulumbaisha 105:36

Mwaami Lesa wakacaya baana babo basankwa bakwiiya boonse. Ee, bakacaya baana basankwa bataanshi boonse mucishi cabo.

Kulumbaisha 135:8

Mwaami Lesa ngowakacaya baana bakwiiya ba kuIjipiti, ncakwiila baana bakwiiya boonse ba bantu aba banyama.

Kulumbaisha 136:10

Wakacaya baana bakwiiya ba bene Ijipiti, ee, mukwiinga lusuno lwakwe ndwamuyayaya.

Kulumbaisha 78:50

Taakwe kucata bukali bwakwe. Taakwe kubalekelela, sombi wakabacaya kumwaalu.

Kulumbaisha 78:51

Wakacaya baana bakwiiya boonse ba bene Ijipiti. Ee, wakacaya baana bakwiiya mumatente a bene Amu.

Kulonga 11:1

Mpomunyaawo Mwaami Lesa wakaambila Mose ayi, “Ono ndaakutumabo mwaalu aumwi womwi kumwaami Falawo alimwi abene Ijipiti. Kuswawaawo Falawo ulaakumuleka ayi muye. Ncakwiila pakucita boobo, ulaakumutandaanyaamo noonse mucishi cino.

Kulonga 12:12

“Pabushiku ubo mbomunya mashiku, ndaakwiinda mucishi coonse ca Ijipiti kuya cicaya baana basankwa boonse bakwiiya ba bantu alimwi aba shifubwa. Ndaakupa mulandu balesa boonse ba bene Ijipiti. Nebo ndime Mwaami Lesa.

Kulonga 12:28

Kuswawaawo bakaya bacita kweelana aMwaami Lesa mbwaakaambila Mose aAloni.

Kulonga 13:15

Mwaami Falawo wa muIjipiti ndyaakaba shicimpamya akutukasha kuswaamo, Mwaami Lesa wakacaya baana basankwa bakwiiya boonse mucishi ca Ijipiti, ba bantu alimwi aba shifubwa shoonse. Anu nceceeco ncetupeta mulambu wa shifubwa shisankwa shakwiiya kuMwaami Lesa akulubula bana besu basankwa bakwiiya.

Kulonga 4:23

Ndakakulwiita ayi uleke mwanaangu musankwa aye kwaamba ayi akanambile, sombi webo wakakaka. Ono bulya ntoocaya mwanaako musankwa wakwiiya.’ ”

Kulonga 9:6

Ingayi bushiku bwakaboolaawo, Mwaami Lesa wakacita kweelana ambwaakaamba. Mpeeke shifubwa shoonse sha bene Ijipiti shakamana kufwa, sombi taaku cifubwa nabi comwi ca bene Isilaeli cakafwa.

Isaya 24:22

Bamaami abo balaakubunjikwa mucilindi anga mbakaili muntolongo. Balaakucalilwa muntolongo akupekwa mulandu paakwiinda nshiku shiinji.

Isaya 41:11

“Anu boonse bamucenenena, balaakulenshekwa nsoni akusebaanishikwa. Ee, boonse bamulwana palaakubulabo, balaakuloba.

Isaya 51:14

Ncakwiila abo bali muntolongo balaakwaangululwa coonoonobo. Balaakwikala buumi bulaamfu alimwi teshi bakabulewo shakulya shiyandika.

Jelemiya 38:13

Kuswawaawo bakankwela kuntambo akunkusha mumukalo. Lyalo ndakekala kulubansa lwa ŋanda ya bwaami.

Jelemiya 38:6

Aboobo bakambwesa akuya mukungwaala mumukalo wakwe Malukiya mwanaamwaami. Mukalo uyo wakalinga mulubansa lwa ŋanda ya bwaami. Bakasebensesha ntambo pakunkulukisha mumukalo uyo. Tewakalinga kucite maanshi, sombi mwakalingabo matipa ayo ngondakepilaamo.

Abakuku 3:5

Kunembo lyakwe kwakalinga mwaalu, pesule lyakwe pakalinga bulwashi buyoosha.

Sekaliya 9:11

Mwaami Lesa waamba ayi, “Ono mwebo ceebo ca cipangano ncendakapanga amwebo ico cakayuminishikwa abulowa bwa milambu, ndaakwaangulula bakaili banu kuswa mucishi ca busha cili anga ncilindi citacite maanshi.

Shakubelenga 3:13

ceebo baana bakwiiya mbaangu. Ndindakacaya baana basankwa bakwiiya boonse muIjipiti, ndakalibikila palubasu mwaana musankwa wakwiiya woonse wa mwine Isilaeli, alimwi amwaana musankwa wakwiiya wa munyama. Boonse balyeelete kuba baangu, nebo ndime Mwaami Lesa.”

Shakubelenga 33:4

abo bakalinga kufukila bana babo bakwiiya abo Mwaami Lesa mbwaakacaya. Mukucita ceeci, Mwaami Lesa wakabonesha ayi uleendaawo nkusu pabalesa ba bene Ijipiti.

Shakubelenga 8:17

Ndindakacaya baana basankwa bakwiiya boonse muIjipiti, ndakalibikila palubasu mwaana musankwa wakwiiya woonse wa mwine Isilaeli alimwi amwaana musankwa wakwiiya wa munyama.

Bene Ebulu 11:28

Ndushomo lwakalengesha ayi abambe bushiku bwa Pasika bwakwiibaluka kusotokela akwaambila bantu ayi basansaile bulowa pamilyango, kwaamba ayi munjelo uleta lufu atacayi baana bakwiiya ba bene Isilaeli.

Bene Ebulu 12:23

Mwesa kulibungano lyakusangalala lya baana basankwa bakwiiya bakwe Lesa, abo bacite meena alembetwe kwiculu. Mwebo mwesa kuli Lesa, moomboloshi wa bantu boonse, kumyuuya ya bantu baluleme abo bakasalashikwa cancinencine.