Kulonga 12:28 - Baibo Busansulushi Bwa Libuku Ili

²⁸ Kuswawaawo bakaya bacita kweelana aMwaami Lesa mbwaakaambila Mose aAloni.

Kulonga 12:28 Marejeleo ya Msalaba

2 Samwelo 5:25

Mpeeke Defedi wakacita kweelana abwakamwaambila Mwaami Lesa. Lyalo bene Filisiti wakabacaya kuswabo kuGibyoni kushikila akuGesa.

1 Baami 17:5

Elija wakanyumfwila shakaamba Mwaami Lesa akuya mukwikala kuKalonga ka Keliti kwicwe lya Joodani.

Kulonga 12:27

Mwebo mukabakumbule ayi, ‘Njimilambu ya pabushiku bwa Pasika bwakwiibaluka kusotokela mukulemeka Mwaami Lesa, ceebo mbobushiku mbwaakasotokela maandeesu mucishi ca Ijipiti. Wakacaya bene Ijipiti, sombi swebo sobwe.’ ” Mpeeke bene Isilaeli bakafukama, balambila.

Kulonga 12:29

Ono pakati kamashiku, Mwaami Lesa wakacaya baana basankwa bakwiiya boonse mucishi ca Ijipiti, kutalikila kumwanaamwaami musankwa, wakalinga njempyani ya bwaami kushikila akumwanaakaili musankwa wakalinga muntolongo. Wakacaya abaana basankwa bakwiiya ba banyama boonse.

Kulonga 12:35

Bene Isilaeli bakasenga bene Ijipiti shintu sha silifa, golodi alimwi ashakufwala kweelana aMose mbwaakabalwiita.

Kulonga 14:4

Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Kulonga 36:1

“Anu Besalelo, Oolyabu alimwi abamwi boonse bacishi milimo abo Mwaami Lesa mbwaakapa lushibo alimwi abusongo bwa pamilimo, abo bacishi kupanga shintu shoonse shiyandika pakuyaka Tente isalalite, balyeelete kupanga shintu shoonse kweelana abwakaamba Mwaami Lesa.”

Kulonga 39:32

Anu milimo yoonse yakuyaka Tente ya Cipangano yakamana. Bene Isilaeli bakapanga shoonse kweelana aMwaami Lesa mbwaakaambila Mose.

Kulonga 39:42

Bene Isilaeli bakacita milimo yoonse kweelana aMwaami Lesa mbwaakaambila Mose.

Kulonga 39:43

Lyalo Mose wakeendaamo moonse akubona kwaamba ayi shoonse bashipanga kweelana abwakaamba Mwaami Lesa. Mpeeke Mose wakabapa coolwe.

Kulonga 7:10

Mpomunyaawo Mose aAloni bakaya kumwaami Falawo akucita kweelana aMwaami Lesa mbwaakabaambila. Aloni wakawaala nkoli yakwe panshi kunembo lya mwaami abacinenenene bakwe. Mpeeke yakaaluka nsoka.

Kulonga 7:6

Mpeeke Mose aAloni bakacita kweelana aMwaami Lesa bwakabalasha

Bene Lefi 24:23

Mose ndyaakamana kulwiita boobo bene Isilaeli, musankwa uyo bakamutola pansengwe lya misumba akumucaya kumabwe. Munshila iyi bakacita kweelana aMwaami Lesa mbwaakaambila Mose.

Shakubelenga 1:54

Aboobo bene Isilaeli bakacita shoonse isho Mwaami Lesa nshaakalwiita Mose.

Shakubelenga 31:31

Mpeeke Mose alimwi aEliyasa mupailishi bakacita bweenka bwakaamba Mwaami Lesa.

Shakubelenga 31:41

Aboobo Mose wakapa Eliyasa mupailishi musonko ayi ncipo kuMwaami Lesa, kweelana ambwaakaambila Mose.

Shakubelenga 31:47

Kuswa kucipansha ca bene Isilaeli ici, pabantu bali makumi osanwe alimwi ashifubwa shili makumi osanwe, Mose wakakushawo womwi womwi. Ono kweelana abwakaamba Mwaami Lesa, wakapa bene Lefi abo bakalinga kulama Tente ya Mwaami Lesa.

Shakubelenga 5:4

Bene Isilaeli bakacita mbomunya ubo akubakusha mumisumba yabo kweelana aMwaami Lesa mbwaakaambila Mose.

Dutolonomi 34:9

Ono Joshuwa mwanaakwe Nani wakesushikwa busongo mukwiinga Mose wakabika maansaakwe pali nguwe. Paceebo ceeci bene Isilaeli bakalinga kumunyumfwila akunoocita shoonse Mwaami Lesa nshaakalwiita Mose.

Bene Ebulu 11:28

Ndushomo lwakalengesha ayi abambe bushiku bwa Pasika bwakwiibaluka kusotokela akwaambila bantu ayi basansaile bulowa pamilyango, kwaamba ayi munjelo uleta lufu atacayi baana bakwiiya ba bene Isilaeli.

Joshuwa 14:5

Munshila iyo bene Isilaeli bakabaanya cishi kweelana aMwaami Lesa mbwaakaambila Mose.

Joshuwa 2:21

Alakwe wakakumbula ayi, “Canyumfwika, acibe bweenka mbomwaamba.” Mpeeke bakalashanya, basankwa balya bakakumbuluka, kabaya. Lyalo Laabu wakaanga kasani kasalala kalya pambwelyo.

Joshuwa 4:8

Mpeeke basankwa abo bakacita kweelana abwakabaambila Joshuwa. Bakabwesa mabwe ali likumi aobilo kuswa pakati ka Mulonga wa Joodani, nkokwaamba ayi lyomwi alyomwi pamukowa womwi awomwi wa bene Isilaeli kweelana aMwaami Lesa mbwaakaambila Joshuwa. Lyalo bakaanyamuna akwaatola kumisumba yabo.