Kulonga 12:27 - Baibo Busansulushi Bwa Libuku Ili

²⁷ Mwebo mukabakumbule ayi, ‘Njimilambu ya pabushiku bwa Pasika bwakwiibaluka kusotokela mukulemeka Mwaami Lesa, ceebo mbobushiku mbwaakasotokela maandeesu mucishi ca Ijipiti. Wakacaya bene Ijipiti, sombi swebo sobwe.’ ” Mpeeke bene Isilaeli bakafukama, balambila.

Kulonga 12:27 Marejeleo ya Msalaba

1 Makani 29:20

Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.

2 Makani 20:18

Mpomunyaawo mwaami Jeoshafati wakafukama cakushisha ciwa panshi. Abalo bantu boonse bakafukama akulambila Mwaami Lesa.

2 Makani 29:30

Lyalo mwaami Esekiya abamatanjilili bakwe bakaambila bene Lefi ayi balumbe Mwaami Lesa mumaswi akwe Defedi aakwe Asafu mulaluki. Mpomunyaawo bakeemba nyimbo shakulumbaisha cakusangalala kabafukeme alimwi kabalambila Lesa.

Neyemiya 8:6

Mpomunyaawo Esila wakaamba ayi, “Aalumbaishikwe Mwaami Lesa, Lesa munene!” Lyalo bantu boonse bakanyamuna maansaabo akukumbula ayi, “Ameni! Ameni!” Mpeeke bakafukama akulambila Mwaami Lesa cakushisha shiwa panshi.

Kulumbaisha 44:1

NobaLesa, twakalinyumfwila amatwi esu, bamashali besu bakulukulu bakatulwiita milimo njemwakacita munshiku shabo.

Kulumbaisha 78:5

Wakapa milasho kubamuluyungu lwakwe Jakobo. Wakapa milawo kubene Isilaeli. Wakalwiita bamashali besu bakulukulu ayi banokwiisha bana babo milawo iyo.

Kulonga 10:2

Alimwi ndalengesha kuba beshicimpamya kwaamba ayi mukalwiite kabotu bana banu alimwi abamashikulu banu mbuli bene Ijipiti mbobakaboneka buluya kwiinda mushaankamiko shendakacita. Mpeeke mwebo noonse mulaakwishiba ayi ndime Mwaami Lesa.”

Kulonga 12:11

Ono mbulya mbomweelete kwiilya. Mulyeelete kufwalila limwi mbuli shilweendo, nkwabilo kumyeendo alimwi ankooli mumaansaanu. Amukeelye mulubilo, mukwiinga nkusekelela kwa Pasika kwakwiibaluka kusotokela mukulemeka ndime neMwaami Lesa.

Kulonga 12:23

Ono Mwaami Lesa pakuya cicaya bene Ijipiti mucishi cabo, ulaakubona bulowa ubo peculu lya milyango alimwi apashisamu sha kumilyango. Mpeeke ulaakukasha shikunyonyoola kwinjila mumaandaanu ayi amucaaye.

Kulonga 12:28

Kuswawaawo bakaya bacita kweelana aMwaami Lesa mbwaakaambila Mose aAloni.

Kulonga 13:14

Munshiku shitoosa na mwanaanu musankwa wamwiipusha ayi, ‘Ino ici cilaambanshi?’ Mukamukumbule ayi, ‘Kwiinda munkusu shakwe shiteelekwa, Mwaami Lesa wakatukusha mucishi ca Ijipiti umo motwakalinga basha.

Kulonga 13:8

Ono na kusekelela uku kwatalika, amusansulwite bana banu basankwa ayi mulasekelela ceebo ca sheesho Mwaami Lesa nshaakamucitila ndimwakaswa muIjipiti.

Kulonga 34:25

“Pakubenga munyama ayi ngumulambu kuli ndime, tamweelete kubenga shinkwa. Alimwi mutakeeleshi kushiyako cipansha ca nyama yakacaikwa pabushiku bwa Pasika bwakwiibaluka kusotokela nabi comwi ayi cikalikwe ciilo.

Kulonga 34:8

Mpeeke Mose wakeendililabo kufukama cakushisha ciwa panshi akulambila.

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

1 Bene Kolinto 5:7

Mulyeelete kukusha cimena ca kale kale ca shibiibi kwaamba ayi mube bantu basalalite cakumaninina. Lyalo mutooba anga ngumulwi upya utacite cimena alimwi mboonshi kwaamba ayi mbomubete ubo. Ceebo Klistu mwanaambelele wesu wa Pasika, wa bushiku bwakwiibaluka kusotokela, wakacaikwa kale.

Dutolonomi 16:2

Mukanooya kumusena womwi wa kulambililaako akucaya ŋombe nabi mbelele nkomunya uko, ayi nja bushiku bwa Pasika mukulemeka Mwaami Lesa, Lesa wanu.

Dutolonomi 16:5

“Nyama ya pabushiku bwa Pasika bwakwiibaluka kusotokela tayeelete kucailwa mundabala imwi ili yoonse Mwaami Lesa, Lesa wanu njeshi akamupe.