Kulonga 11:8 - Baibo Busansulushi Bwa Libuku Ili

⁸ Mose wakalwiita mwaami Falawo maswi akweelaako ayi, “Bacinenenene bako boonse balaakwisa kuli ndime akumfukamina alimwi akunkombelela ayi nkushe bantu bangu mucishi ca Ijipiti. Kuswawaawo anebo ndaakuya.” Ndyaakamana kwaamba boobo Mose wakaswa kumwaami Falawo kaashimbite kubukali.

Kulonga 11:8 Marejeleo ya Msalaba

Danyelo 3:19

Mpomunyaawo Nebukadinesa wakakalala abuumbi pali Shadileki, Mishaki aAbedinego. Ncakwiila ciwa cakwe cakasanduka ceebo ca bukali. Lyalo wakalwiita basebenshi bakwe ayi babike mulilo mumunyumbi akulengeshaamo kulungula kwiinda mbomuba lyoonse mankanda ali osanwe aobilo.

Esekelo 3:14

Lyalo Mushimu wakwe Lesa wakanyamuna akuntola. Ndakaya kaandi mubishi alimwi amoyo koocisa. Lyaansa lya nkusu lya Mwaami Lesa lyakalinga pali ndime.

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

Maako 3:5

Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Kulumbaisha 6:1

NoBaami baLesa mutankalalili cabukali, alimwi mutangumi cakubisha moyo.

2 Baami 3:9

Mpomunyaawo mwaami Jolamu, mwaami wa bene Juda awa bene Edomu bakanyamuka. Bakeenda kwanshiku shili shosanwe ashobilo. Ono maanshi akamana cakutacaalaawo nabibo tuniini twa bantu nabi shifubwa nshebakalingaasho.

1 Baami 20:10

Lyalo Benadadi wakatuma aimwi nkombe kuli Aabu yakwaamba ayi, “Ntooleta bashilumamba baanji kwaamba ayi bese banyonyoole ndabala yanu inene akwiipelapela cakubabo lusuko. Balesa bangu bancaaye na mbule kucita cintu ici!”

Boomboloshi 8:5

Ndibakashika kuSakoti, wakaambila bantu bekalaako ayi, “Amupeko bantu bangu shinkwa. Balema abuumbi alimwi tuciya citandaanya Seba aSalimuna baami ba bene Midyani.”

Boomboloshi 4:10

Lyalo Balaki wakatumina nkombe mukowa wakwe Sebuluni awakwe Nafutali kwaamba ayi bayaakwe kuKedeshi. Basankwa bakamukonkela bakalinga 10,000. Debola alakwe wakayaakwe.

Dutolonomi 32:24

Ndaakutuma nsala ashimpwita, balaakufwa kumalwashi ayoosha. Ndaakutuma banyama bamuluundu ayi babacaaye, alimwi ansooka shikali ayi shikabaluume.

Dutolonomi 29:24

Lyalo bantu ba mucishi coonse ca panshi balaakwiipusha ayi, ‘Nciinshi Mwaami Lesa ncaakacitila bobulya cishi cabo? Nciinshi ncaakalalila bobulya?’

Shakubelenga 12:3

Mose wakalinga muntu shikuliceesha kwiinda muntu uli woonse mucishi ca panshi.

Bene Ebulu 11:27

Ndushomo lwakalengesha ayi Mose aswe muIjipiti, cakutaloonda bukali bwa mwaami. Cakalingabo anga wakabona Lesa utaboneki, akumulengesha ayi atabooli pesule.

Kulonga 10:29

Alakwe Mose wakakumbula ayi, “Mwaamba kabotu, teshi mukambonewo lyobilo.”

Neyemiya 5:6

Ono ndindakanyumfwa matongooshi akulilaana kwabo, ndakakalala abuumbi.