Jowelo 2:27 - Baibo Busansulushi Bwa Libuku Ili

²⁷ Nobene Isilaeli mulaakwishiba ayi ndyaanu alimwi ayi nebo neMwaami Lesa ndimebo Lesa wanu, ncakwiila taaku aumwi. Mwebo nobantu bangu teshi mukasebaanishikweewo tubili.

Jowelo 2:27 Marejeleo ya Msalaba

Kulumbaisha 46:5

Ncakwiila Lesa mwaali mundabala inene iyo, teshi ikanyonyoolwe. Lesa ulaakwiifuna paciindi cakumuyamaca.

Kulumbaisha 68:18

Ndimwakatanta kalundu mwakatolelela abakacatwa munkondo. Mwakatambula shipo kuswa kubantu, nabi kuswa kubaabo baashu kwaamba ayi mwebo noBaami baLesa mwikale kooko.

Tushimpi 1:23

Nimwakanyumfwila kukalooka kwangu, naakwiinga ndamwaambila shili mumoyo wangu alimwi akumulwiita nsheentooyeeya.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 44:8

Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Isaya 45:5

“Nebo ndime Mwaami Lesa, taaku aumwi. Ncakwiila taaku lesa aumwi kulekabo ndime. Ndaakukupa nkusu nabi toonshiiwo.

Isaya 45:6

Ndaakucita boobo kwaamba ayi boonse kuswa kweela cishi akweela cishi banshiibe ayi ndime Mwaami Lesa alimwi taaku lesa aumwi kulekabo ndime.

Isaya 46:9

Ee, amwiibaluke nshendakacita kale kale. Lyalo musumine kwaamba ayi nebo neenkabo ndime Lesa alimwi ayi taaku lesa aumwi uli mbuli ndime.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

Esekelo 37:6

Kuswawaawo ndaakumubika mishisa, nyama alimwi akumufwekelesha cikanda. Ndaakumufulita muuya muli ndimwe amwebo mulaakuba abuumi. Lyalo ndyeshi mukeshibe ayi nebo ndi Mwaami Lesa.’ ”

Esekelo 39:22

Lyalo kuswa bushiku ubo kuya kunembo, bene Isilaeli balaakwishiba ayi nebo ndi Mwaami Lesa, Lesa wabo.

Esekelo 39:28

Lyalo ndyeshi bakeshibe ayi nebo ndi Mwaami Lesa, Lesa wabo. Nakubi kwaamba ayi ndakabatuma mubusha pakati ka mishobo imwi, ndaakubabunganya akubaleta mucishi cabo cakutashiyaawo nabi womwi.

Esekelo 39:29

Teshi nkabafutatilewo tubili ceebo ndaakutila Mushimu wangu pabene Isilaeli. Nebo neMwaami Lesa Shinkusu shoonse ndaamba.”

Jowelo 2:26

Mulaakulya shiinji akukuta. Ncakwiila mulaakunumbaisha nebo neMwaami Lesa, Lesa wanu uyo wakamucitila shintu shikankamika. Mwebo nobantu bangu teshi mukasebaanishikweewo tubili.

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Jowelo 3:21

Nebo neMwaami Lesa neenkala paKalundu ka Siyoni ndaakuboosha cishole ceebo ca baabo bakacaikwa. Teshi nkalekeleewo baabo bacite mulandu wakutila bulowa bwabo.”

Sefaniya 3:11

Pabushiku bweenka ubo mwebo nobene Jelusalemu teshi mukalenshekwe nsoni pashintu isho nshemwakambishisha. Nebo ndaakukusha beshikulisumpula boonse mundabala yanu. Teshi mukambukilewo tubili pakalundu kangu kasalalite.

Sefaniya 3:17

Mwaami Lesa, Lesa wako uli awebo. Ulicite nkusu shakukufuna. Ulaakukondwa abuumbi muli ndiwe. Ulaakukuletela buumi bupya mulusuno lwakwe. Ulaakusangalala pali ndiwe mukwiimba nyimbo

Sekaliya 2:9

“Nebo neMwaami Lesa ndaakumulwana alimwi mulaakusaalwa kubantu beenka abo bakalinga basebenshi banu.” Cintu ici ndyeshi cikacitike, muntu uli woonse ulaakwishiba ayi Mwaami Lesa Shinkusu shoonse wakantuma.

Shakubelenga 11:29

Lakwe Mose wakakumbula ayi, “Ino webo walisukama buyani kuleka ayi nebo ndisukame? Nebo inga ndakondwa kwaamba ayi Mwaami Lesa wapa Mushimu kubantu boonse akubalengesha ayi banoolaluka!”

Shakubelenga 23:21

Taaku mapensho kubamulunyungu lwakwe Jakobo, taaku makatasho kubene Isilaeli. Mwaami Lesa, Lesa wabo uli ambabo, abalo beene baloolobesha ayi nguMwaami wabo.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Dutolonomi 23:14

Misumba iyo ilyeelete kunoosalalite ceebo Mwaami Lesa, Lesa wanu uli amwebo pamusena apo mukumulama akulengesha ayi mukome balwani banu. Kuteelesha kucita cintu nabi comwi citaluleme ico ceenga calengesha ayi Mwaami Lesa, Lesa wanu amufutatile.

1 Pita 2:6

Mukwiinga Malembo alaamba ayi, “Amubone, ndasala libwe liyandika abuumbi. Ndalibika muSiyoni mulikonko lya ŋanda, ushoma muli nguwe teshi akanyumfwe nsoni.”

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.