Jowelo 2:25 - Baibo Busansulushi Bwa Libuku Ili

²⁵ Mwaami Lesa waamba ayi, “Ndaakumulipila pashoonse shakalikwa kunsoshi. Nkokwaamba ayi shakalikwa kunsoshi shinene atwana twa nshisho, nsoshi shimwibo akucisoshi. Shoonse ishi shakalinga anga ndikoto lyangu lya bashilumamba ndyendakatuma.

Jowelo 2:25 Marejeleo ya Msalaba

Kulonga 10:5

Kulaakuba shiinji abuumbi cakwaamba ayi shilaakukumana panshi poonse. Shilaakulya shoonse isho shitakwe kunyonyoolwa kumfula ya mabwe, kubikaawo ashisamu shoonse shakacaala.

Jelemiya 46:23

Balaakutema misaansa yakwe, nabi ishinke buyani. Mbaanji abuumbi kwiinda cisoshi, ndushinisho tabakonsheki kubelengwa.

Sekaliya 10:6

“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.

Malaki 3:11

Teshi nkasuminishe shilongolo kulya shishango shanu alimwi minyansa teshi ikapukumuke kushisamu sha njiyo.