Joni 9:18 - Baibo Busansulushi Bwa Libuku Ili

¹⁸ Sombi baFalisi tabakwe kushoma ayi musankwa uyo wakalinga moofu alimwi watalika kubona kushikila ndibakeeta bashali bakwe.

Joni 9:18 Marejeleo ya Msalaba

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

Joni 9:22

Bashali ba musankwa uyo bakaamba boobo mukwiinga bakalinga kuloonda bamaloba ba baJuda abo bakalinga bapangana kale ayi uyo woonse eshi akashome ayi Jesu ngoUsalitwe wakwe Lesa, nkumutanda mucoonde cabo.

Joni 5:44

Ino ono inga mwashoma buyani na mulisunibo kulilumbaisha nobeene, sombi kamutasuni ayi mulumbaishikwe kuli Lesa womwibo eenka?

Joni 1:19

Ono ubu mbobukamboni bwakwe Joni baJuda ba kuJelusalemu ndibakatuma bapailishi alimwi abene Lefi bamwi kumwiipusha ayi, “Ino ndiwaani?”

Luka 16:31

Abulaamu wakamwaambila ayi, ‘Na tabanyumfwili Mose abalaluki bakulukulu, teshi bakanyumfwe nabi umwi wabuka kuswa kubafu.’ ”

Isaya 53:1

Bantu bakakumbula ayi, “NoBaami baLesa, ngani wakashoma makani ngotwakashimikila? Ino nkusu shanu noBaami baLesa shakayubulwitwa baani?”

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Matalikilo 19:14

Lyalo Loti wakaya kubasankwa bakalinga bamamikila bana bakwe banakashi akubalwiita ayi, “Amweendeshe musweemo muno. Mwaami Lesa utoonyonyoola musena uno.” Sombi balo bakayeeya ayi utoosekanabo.

Joni 9:19

Lyalo bakabeepusha ayi, “Sa musankwa uyu ngomwanaanu ulya ngomwaamba ayi wakashalwa kaali moofu? Ino ono watalika buyani kubona?”