Joni 8:48 - Baibo Busansulushi Bwa Libuku Ili

⁴⁸ Mpomunyaawo baJuda bakamwiipusha ayi, “Sa tatukwe kwaamba calushinisho nditwalinga twaamba ayi uli mwine Samaliya alimwi ayi ulicite shikaswa?”

Joni 8:48 Marejeleo ya Msalaba

Joni 7:20

Bantu baanji bakakumbula ayi, “Ulicite shikaswa webo! Ngani utooyanda kukucaya?”

Joni 8:52

Mpomunyaawo bakamwaambila ayi, “Ono twashinisha ayi ulicite shikaswa. Mukwiinga Abulaamu abalaluki bakafwa. Ono webo inga waamba buyani ayi na muntu uli woonse

Joni 10:20

Baanji mulikoto lyabo bakaamba ayi, “Ulicite shikaswa, ngushincinko, anu ngwaanshi wakukutika?”

Joni 4:9

Mwanakashi wakakumbula ayi, “Mwebo muli baJuda, sombi nebo ndi mwanakashi muSamaliya, ino inga mwansenga buyani maanshi akunwa?” (Ceebo baJuda tebakalinga kunyumfwana abene Samaliya.)

Mateyo 15:7

Mwebo nobantu nomwaamba nshemutaciti! Anu Isaya wakaamba kabotu ndyaakalaluka shapali ndimwe ayi,

Mateyo 12:24

Sombi baFalisi ndibakanyumfwa makani aya, bakaamba ayi, “Taaku umbi, nguBilusebulu mwaami wa bashikaswa umupa nkusu shakubakusha.”

Mateyo 10:25

Anu uyo utokwiiya ulyeelete kuba bweenka mbuli mufundishi wakwe, alakwe musebenshi ulyeelete kuba mbuli mwaami wakwe. Ino na mwine ŋanda uleetwa ayi Bilusebulu, balo bekala muŋanda umo balaakweela kuli meena kubica?

Mateyo 10:5

Jesu wakatuma bashikwiiya likumi abobilo abo akubalwiita ayi, “Mutayi mukwinjila mucishi ca baswamashi bakunsengwe nabi mundabala ya bene Samaliya.

Jemusi 2:19

Mulashoma kwaamba ayi kulibo Lesa womwi. Ncakwiila, sombi abalo bashikaswa balashoma ubo alimwi balaloonda akututuma.

Bene Loma 15:3

Ceebo Klistu taakwe kulikondelesha mwiine, sombi kweelana abwaamba Malembo akwe Lesa ayi, “Matushi bantu ngobakamutukana oonse aboolela pali ndime.”

Joni 13:13

Mwebo ndyemunjita ayi, ‘Mufundishi,’ nabi ayi, ‘Nkambo,’ mulalulika mukwiinga ngondime.

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Bene Ebulu 13:13

Paceebo ceeco, atuye kuli nguwe pansengwe lya musena mwikala bantu alimwi akusebaana pantu pomwi anguwe.

Mateyo 12:31

Paceebo ceeco, ntoomulwiita calushinisho ayi Lesa ulaakulekelela muntu cibiibi cili coonse nabi mucobwe uli woonse ngweenga wacita. Sombi uyo woonse weenga wacobola Mushimu Usalashi teshi akalekelelwe.

Mateyo 11:18

Joni Mubombeki wakalinga kulikasha kulya alimwi taakalinga kunwa, sombi bantu bakaamba ayi, ‘Ulicite shikaswa.’

Joni 1:19

Ono ubu mbobukamboni bwakwe Joni baJuda ba kuJelusalemu ndibakatuma bapailishi alimwi abene Lefi bamwi kumwiipusha ayi, “Ino ndiwaani?”

Joni 8:22

Paceebo ceeco bamaloba ba baJuda bakatalika kwiipushanya ayi, “Sa nkokwaamba ayi utooya mukulicaya? Ncaatokwaambila ayi, ‘Uko nkoontooya, mwebo tamukoonshi kushikaako.’ ”