Joni 8:34 - Baibo Busansulushi Bwa Libuku Ili

³⁴ Jesu wakabakumbula ayi, “Ntoomulwiita calushinisho ayi uyo woonse ubisha ngumusha wa cibiibi.

Joni 8:34 Marejeleo ya Msalaba

1 Baami 21:25

Takuna kubawo kale muntu wakalibenga kucita shintu shibiibi pameenso a Mwaami Lesa mbuli aAabu. Wakalinga kucita boobo kwiinda mukulwiitikwa kuli Jesebelo mukaakwe.

Tushimpi 5:22

Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Mateyo 5:18

Ntoomulwiita calushinisho ayi kushikila liculu acishi shikamaane, taaku libala liniini lya Milawo lyeshi likapusanishikwe tibili shoonse shikacitike.

Joni 3:3

Jesu wakakumbula ayi, “Ncakwiila, ntookulwiita calushinisho ayi taaku muntu eshi akabone Bweene bwakwe Lesa na taana kushalwa cipya.”

Milimo ya Batumwi 8:23

Mukwiinga ndaboona ayi uliswitebo munyono alimwi ulyaangitwe kucibiibi.”

Bene Loma 6:12

Paceebo ceeco mutasuminishi bubi kweendelesha mibili yanu iyo ifwa kwaamba ayi mukonkele shiyanda mibili yanu nobeene.

Bene Loma 6:16

Mulishi kabotu kwaamba ayi na muntu walibenga kuba musha wa muntu umwi, ulyeelete kunoomunyumfwila. Nkokwaamba ayi na muli basha ba bubi mulaakufwa. Na mulanyumfwila Lesa, ulaakumululamika pameenso akwe.

Bene Loma 6:6

Tulishi kwaamba ayi buumi bwesu bukulukulu bwakaloba Jesu ndyaakapopwa pamucilingano kwaamba ayi Lesa anyonyoole buumi bwesu bwakusuna kubisha kwaamba ayi tutabi lyobilo basha ba bubi.

Bene Loma 7:14

Tulishi kwaamba ayi Milawo yakaswa kuli Lesa. Sombi nebo ndimuntu alimwi ndimusha wa bubi.

Bene Loma 7:25

Aalumbwe Lesa eshi akamfuune kwiinda muli Jesu Klistu Mwaami wesu! Anu mbulya mboombete, nebo nemwiine ndisuni kukonkela Milawo yakwe Lesa, sombi kwiinda mulunkumbwa ndakonkela mulawo untola kububi.

Bene Loma 8:21

bumwi bushiku shilengwa shiine shilaakwaangululwa kubusha bwakubola akutambula bulemu alwaanguluko bweenka mbuli bana bakwe Lesa.

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

2 Pita 2:19

Balashomesha babyaabo lwaanguluko, sombi balo beene mbasha ba shintu shinyonyoola buumi. Mukwiinga muntu ulaba musha wa cintu cili coonse camukoma.