Joni 8:11 - Baibo Busansulushi Bwa Libuku Ili

¹¹ Mwanakashi uyo wakakumbula ayi, “Taakuuwo Nkambo.” Lyalo Jesu wakaamba ayi, “Anu anebo teshi nkupeewo mulandu. Ono koya, utakacitiiwo cibiibi alimwi!”]

Joni 8:11 Marejeleo ya Msalaba

Jobo 34:31

“Sa webo Jobo wakalyaambililawo kale kuli Lesa ayi, ‘Ndakabisha, sombi teshi nkabooshewo tubili?’

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Isaya 55:6

Amulangoole Mwaami Lesa kaacicanika. Amupaile kuli nguwe cino ciindi kaacili pafwaafwi.

Luka 13:3

Sobwe! Ono ntoomulwiita ayi na mubule kusanduka kuswa kushibiibi shanu, amwebo mulaakufwa.

Luka 13:5

Sobwe! Sombi na mubule kusanduka kuswa kushibiibi shanu, amwebo noonse mulaakufwa.”

Luka 15:10

Ntoomulwiita ayi akwiculu bweenka ubo, baanjelo bakwe Lesa balasangalala abuumbi pamucita shibi womwi uyo usanduka kuswa kushibiibi.”

Luka 15:32

Sombi tulyeelete kusekelela akusangalala mukwiinga mwanike wako wakalinga kufwite, ono waba muumi, wakalinga kusowekete, ono wacanika.’ ”

Luka 15:7

Ntoomulwiita ayi akwalo kwiculu kulaba kusekelela bweenka ubo pamucita shibi womwi na wasanduka kuswa kushibiibi, kwiinda pabantu bali 99 baluleme batayandiki kusanduka.

Luka 5:32

Nshikwe kwisa mukwiita baluleme, sombi bamucita shibi kwaamba ayi basanduke kuswa kushibiibi shabo.”

Luka 9:56

Mpeeke boonse bakanyamuka baya kumushi umwi.

Joni 18:36

Jesu wakakumbula ayi, “Bweene bwangu tabwishi bwa mucishi ca panshi pano. Nebwakalinga bwa panshi, naakwiinga bakonkela ndime batoolwana kwaamba ayi ntaabwi kubeendeleshi ba baJuda. Ono bweene bwangu tabwishi bwa mucishi cino.”

Joni 3:17

Lesa taakwe kutuma Mwanaakwe mucishi kwaamba ayi oomboloshe bantu, sombi ayi bapulushikwe kwiinda muli nguwe.

Joni 5:14

Kuswawaawo Jesu wakamucana musankwa uyo muŊanda yakwe Lesa akumwaambila ayi, “Bona waba kabotu ono, anu ucileeke kubisha mukwiinga cimwi cibiibi kwiinda cecilya inga caakukucitikila.”

Joni 8:15

Mwebo muloombolosha muntu kwiinda mubuntu, sombi nebo nshoomboloshi muntu nabi womwi.

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

1 Bene Kolinto 5:12

Koombolosha bakunsengwe teshi mulimo wangu. Lesa ngowoombolosha bakunsengwe. Ino sa mwebo tamweelete koombolosha bashominyinaanu babisha? “Amukushe muntu mubiibi pakati kanu,” kweelana abwaamba Malembo akwe Lesa.

Dutolonomi 16:18

“Mukasale boomboloshi alimwi abacinenenene bamwi mumukowa wanu womwi awomwi mumandabala ayo Mwaami Lesa, Lesa wanu ngweshi akamupe. Bantu abo balyeelete kunokoombolosha cakutasalulula.

Dutolonomi 17:9

Mukabike milandu iyi mumaansa a bene Lefi bapailishi alimwi amoomboloshi utoosebensa paciindi ico, kwaamba ayi baipingule.

2 Pita 3:15

Mulyeelete kwishiba ayi kukalika moyo kwa Mwaami wesu, ncoolwe ncaatoomupa kwaamba ayi mupulushikwe. Alakwe Paulo, mukwabesu usunikwi, wakamulembela shamakani ngomunya aya kwiinda mubusongo bwakamupa Lesa.