Joni 7:7 - Baibo Busansulushi Bwa Libuku Ili

⁷ Mwebo bantu ba mucishi ca panshi tabamupatiteewo, sombi nebo balimpatite mukwiinga lyoonse ndabaambila ayi micito yabo njibiibi.

Joni 7:7 Marejeleo ya Msalaba

1 Baami 21:20

Lyalo Aabu ndyaakabona Elija wakaamba ayi, “Sa te wancanikisha kale omulwani wangu?” Elija wakakumbula ayi, “Ee, ndamucana, mwebo nomucilibengetebo kukucita shintu shibiibi pameenso a Mwaami Lesa.

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

Kulumbaisha 109:5

Balambooshela bubi pabubotu mbombacitila, alimwi balambooshela lupato palusuno ndoombatondesha.

Tushimpi 15:12

Shikucelebula taasuniiwo kululikwa, alimwi teepushiiwo kumusongo ayi amupandeko maano.

Tushimpi 8:36

Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”

Isaya 29:21

Nkokwaamba ayi boonse bafuya babyaabo, bafuninina baabo beelete kupekwa milandu munkuta, balaakuloba. Ee, balaakunyonyoolwa boonse bapa bukamboni bwakubeca akulengesha baabo batacite milandu kutoomboloshekwa cabululami.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Jelemiya 20:8

Ciindi coonse na ndaamba, ndoolobesha kwaambilisha makani a kupenshekwa alimwi akunyonyoolwa. Aboobo maswi a Mwaami Lesa anengesha kucobolwa akusekwa lilaya mukwipila.

Bene Lefi 13:10

uyo weelete kumubona. Ono na pacikanda pali cilonda calengesha booya kutuba alimwi kaciswite mashina,

Sekaliya 11:8

Mumweenshi omwi ndakatandaanya beembeshi botatwe ceebo ndakabacimwa abalo bakampata.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Luka 6:26

“Mapensho kuli ndimwe noonse nomwaambwa kuba kabotu kubantu boonse mukwiinga bweenka ubo bamashali babo bakulukulu mbobakalinga kucita kubalaluki babeshi.

Joni 17:14

Ndakabeeisha maswi anu. Paceebo ceeco bamucishi ca panshi bakabapata ceebo balo tabeshi bamucishi bweenka anebo mboonteshi wamucishi.

Joni 3:19

Bupingushi mboobu, mumuni wakesa mucishi, sombi bantu bakasuna munshinshe kwiinda mumuni mukwiinga micito yabo njibiibi.

Bene Loma 8:7

Aboobo na muntu kaasunibo shiyanda mubili wakwe, ulaba mulwani wakwe Lesa mukwiinga taakonkeli milawo yakwe Lesa, ncakwiila inga taacikoonshi.

Bene Galatiya 4:16

Sa ono ndaba mulwani wanu mukwiinga ndamulwiita shalushinisho?

Jemusi 4:4

Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.

1 Joni 4:5

Balaluki babeshi aba balisuni sha mucishi ca panshi alimwi anshebaamba nsha mucishi. Ono abalo basuni sha mucishi balabanyumfwila.