Joni 7:39 - Baibo Busansulushi Bwa Libuku Ili

³⁹ Ndyaakaamba boobo, wakalinga kwaamba Mushimu Usalashi uyo ngweshi bakatambule abo boonse bashoma muli nguwe. Paciindi ico kabatana kutambula Mushimu Usalashi mukwiinga Jesu kaatana kwinjila mubulemu bwakwe.

Joni 7:39 Marejeleo ya Msalaba

Kulumbaisha 68:18

Ndimwakatanta kalundu mwakatolelela abakacatwa munkondo. Mwakatambula shipo kuswa kubantu, nabi kuswa kubaabo baashu kwaamba ayi mwebo noBaami baLesa mwikale kooko.

Tushimpi 1:23

Nimwakanyumfwila kukalooka kwangu, naakwiinga ndamwaambila shili mumoyo wangu alimwi akumulwiita nsheentooyeeya.

Isaya 12:3

Cakusangalala mulaakunoonwa maanshi, kuswa mumikalo ileta lupulusho.

Isaya 32:15

Sombi Lesa ulaakututumina alimwi Mushimu wakwe kuswa kwiculu. Lyalo luyanga lulaakuba muunda wa mboleshi awalo muunda wa mboleshi ulaakuba musaansa.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Mateyo 16:14

Balo bakakumbula ayi, “Bamwi balaamba ayi ndimwe baJoni Mubombeki, bamwi ayi ndimwe baElija abalo bamwi ayi ndimwe baJelemiya nabi womwi wa balaluki bakulukulu.”

Mateyo 21:11

Bantu baanji baanji balya bakakumbula ayi, “Uyu nguJesu mulaluki wa kuNasaleti mucishi ca Galili.”

Luka 24:49

Anebo ndaakumutumina cipo ico baTa ncebakashomesha, sombi mulyeelete kwikala mundabala inene kushikila mukatambule nkusu kuswa kwiculu.”

Luka 3:16

Lyalo Joni wakabaambila boonse ayi, “Nebo ntoomubombeka amaanshi, sombi uyo utoosa uleendaawo nkusu pali ndime cakwaamba ayi nsheelete akwaangulula nsapato shakwe. Uyo lakwe ulaakumubombeka aMushimu Usalashi alimwi amulilo.

Luka 7:16

Boonse bantu bakaloonda abuumbi, mpeeke bakalumbaisha Lesa kabaamba ayi, “Ncakwiila mulaluki munene wesa mukwikala pakati kesu!” Bakaamba alimwi ayi, “Lesa wesa mukupulusha bantu bakwe!”

Joni 1:21

Bakamwiipusha ayi, “Ino ndiwaani? Sa ndiwe Elija?” Lakwe wakakumbula ayi, “Sobwe, teshi ndime Elija.” Bakamwiipusha alimwi ayi, “Sa ino ndiwe mulaluki ngotutoolindila ulya?” Sombi wakaamba ayi, “Sobwe.”

Joni 1:25

Bakeepusha Joni ayi, “Ono na teshi ndiwe Usalitwe wakwe Lesa, Elija nabi mulaluki ngotutoolindila ulya, utoobombekelanshi?”

Joni 1:33

Nebo palwaangu nshindakalinga kumwishi, sombi Lesa uyo wakantuma mukubombeka amaanshi ngowakandwiita ayi, ‘Uyo ngweshi ukabone waselukilwa Mushimu Usalashi akwikala pali nguwe, ukeshibe ayi ngowooyo ubombeka aMushimu Usalashi.’

Joni 12:16

Paciindi ico, bashikwiiya bakwe tabakwe kwanyumfwishisha makani aya, sombi Jesu ndyaakabushikwa mubulemu, bakeebaluka ayi Malembo akwe Lesa akalinga kwaamba pali nguwe alimwi ayi shintu ishi shakacitilwa nguwe.

Joni 12:23

Jesu wakakumbula ayi, “Ciindi cashikila cakwaamba ayi MwanaaMuntu alemekwe.

Joni 14:13

Aboobo cili coonse nceshi mukasenge muliina lyangu, ndaakucicita kwaamba ayi baTa bakapekwe bulemu kwiinda muMwanaabo.

Joni 14:26

Nakubi boobo Mucafwi, Mushimu Usalashi, uyo baTa ngweshi bakatume muliina lyangu ulaakumwiisha shintu shoonse, akumwiibalusha shintu shoonse nshindakamulwiita.

Joni 16:14

Ulaakundetela bulemu mukwiinga ulaakubwesa maswi angu akumusansulwita.

Joni 16:7

Ntoomulwiita calushinisho ayi ncibotu abuumbi kuli ndimwe kwaamba ayi nje. Mukwiinga na mbule kuya Mucafwi teshi akese kuli ndimwe. Sombi na nje, ndaakumutuma kuli ndimwe.

Joni 17:1

Jesu ndyaakamana kwaamba makani aya, wakalanga kwiculu akupaila ayi, “Ta, ciindi cashikila. Ono aboobo amupe bulemu kuMwanaanu kwaamba ayi alakwe ape bulemu kuli ndimwe.

Joni 17:5

Aboobo Ta, amumpe bulemu ono pameenso anu. Mumpe bulemu ubo bweenka mbondakalinga kucite ndindakalinga amwebo cishi ca panshi kacitana kulengwa.

Joni 20:22

Lyalo wakabayoyela akubaambila ayi, “Amutambule Mushimu Usalashi.

Joni 6:14

Bantu ndibakabona caankamiko cakacita Jesu, bakaamba ayi, “Ncakwiila uyu ngomulaluki wakalinga kulangilwa mucishi ca panshi!”

Joni 7:12

Mpeeke palya pakalinga shakuŋuŋuna shiinji pali nguwe. Bamwi bantu bakalinga kwaamba ayi, “Ngumuntu kabotu.” Ingayi bamwi ayi, “Sobwe, utoolubya bantu.”

Joni 8:54

Jesu wakakumbula ayi, “Ono na ntoolipa bulemu nemwiine, ingayi bulemu bwangu taaku mbobubete. Nebo mbaTa abo beenka mbomwaamba ayi ngoLesa wanu, mbobampa bulemu.

Milimo ya Batumwi 19:2

akubeepusha ayi, “Sa mwakatambula Mushimu Usalashi ndimwakashoma?” Balo bakamukumbula ayi, “Tau, tatuna kunyumfwaawo ayi kuli aMushimu Usalashi.”

Milimo ya Batumwi 2:17

‘Lesa wakaamba ayi, Munshiku shamamanino, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bacikula bwangu banu basankwa balaakubona shintu anga muciloto, abalo bamacembele banu basankwa balaakulota shiloto.

Milimo ya Batumwi 2:33

Wakasumpulwa akuba kulubasu lwalulyo lwakwe Lesa akutambula Mushimu Usalashi kuswa kuli Lesa Ishi, kweelana ambwaakamushomesha. Ishi nshemutoobona akunyumfwa, ncipo ca Mushimu Usalashi Jesu ncaatila pali ndiswe.

Milimo ya Batumwi 2:38

Pita wakabakumbula ayi, “Amusanduke kuswa kushibiibi shanu, mubombekwe muliina lyakwe Jesu kwaamba ayi Lesa amulekelele akumupa Mushimu Usalashi.

Milimo ya Batumwi 2:4

Mpeeke boonse bakesushikwa Mushimu Usalashi akutalika kwaamba mishobo imwi, kweelana ambowakabatanjilila Mushimu uyo.

Milimo ya Batumwi 3:13

Mukucita ceeci Lesa wakwe Abulaamu, Isaki alimwi aJakobo, Lesa wa bamashali besu bakulukulu, watondesha bulemu kumusebenshi wakwe Jesu. Mwebo mwakamwaaba mumaansa a beendeleshi alimwi mwakamukaka pameenso akwe Pilato nakubi kwaamba ayi lakwe wakalinga kusuni kumwaangulula.

Milimo ya Batumwi 4:31

Ndibakamana kupaila, pamusena apo mpobakalinga kubungene pakatenkaanishikwa. Lyalo boonse bakesushikwa Mushimu Usalashi akutalika kushimikila maswi akwe Lesa cakubula boowa.

Bene Loma 8:9

Ono na ncakwiila Mushimu wakwe Lesa uli muli ndimwe, tamukaali kweelana abuyanda mibili yanu, sombi buyanda Mushimu. Ceebo na Mushimu wakwe Klistu tookali muli ndimwe nkokwaamba ayi tamwishi bakwe Klistu.

2 Bene Kolinto 3:8

ino cilaakweela kuli pamulimo wa Mushimu Usalashi?

Bene Efeso 4:30

Mutalengeshi Mushimu Usalashi wakwe Lesa kuungumana mukwiinga ncecishibilo cakwe Lesa cakwaamba ayi muli bantu bakwe kushikila pabushiku bwa lupulusho.