Joni 7:17 - Baibo Busansulushi Bwa Libuku Ili

¹⁷ Aboobo uyo woonse usuni kucita buyanda Lesa, ulaakwishiba na kwiisha kwangu uku kulaswa kuli Lesa nabi kuli ndime nemwiine.

Joni 7:17 Marejeleo ya Msalaba

Kulumbaisha 119:10

Ndeelesha kumusebensela amoyo wangu woonse. Mutandeeki ayi nswe kumilawo yanu.

Kulumbaisha 25:12

Anu ngani muntu ulemeka Mwaami Lesa? Ngooyo utondeshekwa kuswa kuli nguwe nshila njeelete kutola.

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Tushimpi 28:5

Bamucita shibi tabanyumfwishi koombolosha kululeme, sombi abo balemeka Mwaami Lesa balaakunyumfwisha kabotu kabotu.

Tushimpi 3:32

Ceebo Mwaami Lesa ulipatite muntu utaluleme, sombi balo baluleme ulanyumfwanaabo.

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Danyelo 12:10

Bantu baanji balaakusalashikwa, kulengeshekwa kubula tumpenda akuboteshekwa cakumaninina, sombi bamucita shibi balaakutolelela kuba bamucita shibi. Taaku mucita shibi nabi womwi weshi akanyumfwe, sombi basongo balo balaakunyumfwa.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Mika 4:2

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Mateyo 6:22

“Meenso ngomumuni wa mubili. Aboobo na meenso anu kaali kabotu, amubili woonse ulaakuba mumumuni.

Luka 8:15

Sombi isho shakalokela mubulongo bubotu, mbantu banyumfwa maswi akwe Lesa, baacata cakushomeka mumyoyo yabo ibotu, aboobo balayuminina kushikila bacata shisepo.

Joni 3:21

Sombi ucita shintu sha lushinisho ulesa kumumuni kwaamba ayi micito yakwe iboneke ayi ilacitikwa mukunyumfwila Lesa.”

Joni 8:43

Ino nceebonshi ncemutoobulila kunyumfwa nshentokwaamba? Sa te nceebo cakwaamba ayi tamusuni kunyumfwa maswi angu?

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Joni 8:47

Mukwiinga uyo woonse uli muli Lesa ulanyumfwa shaamba Lesa. Aboobo mwebo ncemutanyumfwili ceebo tamubete muli Lesa.”

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.