Joni 6:9 - Baibo Busansulushi Bwa Libuku Ili

⁹ “Kuli mwanike musankwa kuno ucite shinkwa osanwe atuswi tobilo. Ino inga shacitanshi kubantu baanji bobulya?”

Joni 6:9 Marejeleo ya Msalaba

1 Baami 4:28

Mweendeleshi womwi awomwi wakalinga kutumya cipansha cakwe ca bale abwiisu, sha maaki atinta shikoci shankondo amaaki amwi uko nkoshayandika.

2 Baami 7:1

Elisha wakakumbula ayi, “Kutika, Mwaami Lesa waamba ayi, ‘Ciilo ciindi cino, mwebo mulaakuula makilogilamu otatwe a witi wiindaawo kubota nabi makilogilamu osanwe ayomwi a bale palyaali lyomwi lya Silifa kumwinjililo wa ndabala ya Samaliya.’ ”

Kulumbaisha 147:14

Ulalama manyinsa ako akukupa witi uunji wiindaawo kubota.

Kulumbaisha 78:19

Bakalyamboosha kuli Lesa ayi, “Sa Lesa inga watupa cakulya muluyanga muno?

Kulumbaisha 78:41

Lyobilo lyobilo bakalinga kusunka Lesa, akulengesha Lesa usalalite wa bene Isilaeli kukalala.

Kulumbaisha 81:16

Sombi mwebo inga ndamulisha shinkwa ubotu abuumbi. Ee, inga ndamulisha buuci buswa mumwaandami kushikila mukakute.”

Esekelo 27:17

“ ‘Bene Juda abene Isilaeli bakalinga kucita makwebo andiwe. Balo bakalinga kuleta witi kuswa kuMiniti, shinkwa wamise, buuci, mafuta a olifi alimwi atununkila kabotu mubuyani mukushintana amakwebo ako.

Mateyo 14:17

Abalo bakakumbula ayi, “Swebo tulicitebo shinkwa wosanwe atuswi tobilo.”

Mateyo 16:9

Sa abobulya tamunyumfwishi? Sa tamwiibaluki ndindakakomoona shinkwa wosanwe ayi bantu bali shuulu shosanwe balye? Ino mwakesusha tutundu tongaye twa shinkwa ngobakashiyaako?

Maako 6:38

Jesu wakabeepusha ayi, “Anu mulicite shinkwa wongaye? Amuye mukabone.” Ndibakabona, bakamulwiita ayi, “Palibo shinkwa wosanwe alimwi answi shobilo.”

Maako 8:19

Ndindakakomoona shinkwa wosanwe ayi bantu bali shuulu shosanwe balye, mwakesusha tutundu tongaye twa shinkwa ngobakashiyaako?” Mpeeke bashikwiiya bakwe bakakumbula ayi, “Tutundu likumi atobilo.”

Luka 9:13

Sombi Jesu wakabaambila ayi, “Mwebo nweenka amubape cakulya.” Bashikwiiya bakakumbula ayi, “Tulicitebo shinkwa wosanwe atuswi tobilo. Ono sa mulisuni kwaamba ayi tuye tuule shakulya shikwana bantu boonse aba?”

Joni 11:21

Malita wakaambila Jesu ayi, “Nkambo, nimwakalingaako naakwiinga nandumi yangu taafwi.

Joni 11:32

Maliya ndyaakashika pamusena pakalinga Jesu, ono ndyaakamubona, wakafukama muliimfwa lyakwe akwaamba ayi, “Nkambo, nemwalingaako naakwiinga nandumi yangu taafwi.”

Joni 21:10

Lyalo Jesu wakaamba ayi, “Amulete nswi shimwi nshimwaswa mukucaya.”

Joni 21:13

Aboobo Jesu wakabwesa shinkwa akubaabila. Ashalo nswi isho wakacita mbomunya ubo.

Joni 21:9

Ndibakashika petala bakabona mulilo wa makalangasha, kapayokwa nswi alimwi palubasu bulya pakalinga shinkwa.

Joni 6:11

Jesu wakabwesa shinkwa uyo akulumba Lesa. Mpeeke wakaabila bantu abo bakalinga kushiite. Tuswi atwalo wakacita bweenka ubo, boonse bakalya bakuta.

Joni 6:7

Filipo wakamukumbula ayi, “Nabi twoola shinkwa wa myaanda yobilo ya maali asilifa inga taukwani kwaamba ayi muntu uli woonse alye nakaceyi.”

2 Bene Kolinto 8:9

Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.

Dutolonomi 32:14

Ŋombe ampongo shabo shakalinga kukamika abuumbi. Mbelele, mpongo aŋombe shabo shakalinga kwiinite. Mbelele shisankwa shakalinga shibotu anga nsha kuBashani, awalo witi alimwi awaini shakalinga kwiinditeewo kubota.

Dutolonomi 8:8

Ncishi cilimwa witi, bale, minyansa, nkuyu, mapomegilaneti, maolifi, alimwi momuswa buuci.

Ciyubululo 6:6

Pesule, ndakanyumfwa cakalinga kunyumfwika anga ndiswi, kuswa pakati pashilengwa shuumi shone isho lyakwaamba ayi, “Cipimo comwi ca witi cakalinga kuulwa maali ayo muntu ngweenga wasebensela pabushiku alimwi shipimo shotatwe sha maila shakalinga kuulwa bweenka ubo. Sombi mutanyonyooli mafuta alimwi awaini.”