Joni 6:57 - Baibo Busansulushi Bwa Libuku Ili

⁵⁷ Bweenka mbuli baTa bakantuma mbobali boomi, anebo ndimuumi ceebo ca baTa. Mbweeke ubo alakwe uyo ulya ndime, ulaakuba abuumi ceebo ca ndime.

Joni 6:57 Marejeleo ya Msalaba

Kulumbaisha 18:46

Mwaami Lesa ngumuumi! Aalumbaishikwe mwaandami wangu! Aasumpulwe Lesa, Mupulushi wangu!

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Mateyo 16:16

Simoni Pita wakakumbula ayi, “Ndimwe Usalitwe ulya, Mwanaakwe Lesa muumi.”

Joni 14:19

Muciindi ciniini bamucishi teshi bakamboneewo alimwi, sombi mwebo mulaakumbona. Mukwiinga nebo ndimuumi amwebo mulaakuba boomi.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 17:21

Ntoobapailila kwaamba ayi boonse babe womwi. Ta ababe muli ndiswe, bweenka amwebo mbomuli muli ndime anebo mbombete muli ndimwe. Ababe womwi kwaamba ayi bantu boonse bakashome ayi ndimwe mwakantuma.

Joni 3:17

Lesa taakwe kutuma Mwanaakwe mucishi kwaamba ayi oomboloshe bantu, sombi ayi bapulushikwe kwiinda muli nguwe.

Joni 5:26

Bweenka baIshi mbobali matalikilo a buumi, alakwe Mwaana bamupa nkusu sha kuba matalikilo a buumi.

Joni 6:29

Jesu wakabakumbula ayi, “Incito yakwe Lesa nkushomabo muli wooyo ngwaakatuma.”

Joni 6:38

Mukwiinga ndakaswa kwiculu kwisa mukucita sheesho shiyanda wooyo wakantuma, kuteshi shiyanda ndime nemwiine, sobwe.

1 Bene Kolinto 15:22

Bweenka bantu boonse mbobafwa kwiinda muli Adamu, akwalo kubushikwa kwa bantu boonse mbweshi kukabe kwiinda muli Jesu Klistu.

1 Bene Kolinto 15:45

Ceebo Malembo akwe Lesa alaamba ayi, “Adamu muntu mutaanshi wakalengwa ayi abe muumi.” Sombi Adamu mucaalishi nguMushimu upa buumi.

2 Bene Kolinto 13:4

Ceebo nabi wakapopwa pamucilingano mukulefuka kwa buntu, ngumuumi kwiinda munkusu shakwe Lesa. Tulilefukite muli nguwe, sombi munkusu shakwe Lesa tulaakuba boomi anguwe kwaamba ayi tukamucite bweelete.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

1 Bene Tesalonika 1:9

Bantu boonse aba balaamba mbuli mbomwakatutambula kabotu nditwakamufwakashisha uko, ambomwakacileka kulambila shibumbwabumbwa kwaamba ayi mulambile akusebenselabo Lesa wancinencine, muumi.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

1 Joni 4:9

Lesa wakatondesha ayi ulitusuni kwiinda mukututumina Mwanaakwe wakashalwabo eenka mucishi ca panshi ayi muli nguwe tukabe abuumi.