Joni 4:45 - Baibo Busansulushi Bwa Libuku Ili

⁴⁵ Ndyaakashika muGalili bantu ba mucishi ici bakamutambula kabotu mukwiinga bakabonaawo kale nshaakacita kuJelusalemu, ndibakalinga mukusekelela bushiku bwa Pasika bwakwiibaluka kusotokela.

Joni 4:45 Marejeleo ya Msalaba

Luka 13:1

Paciindi ico bantu bamwi bakalingaawo bakalwiita Jesu shabene Galili abo Pilato mbwaakacaya akusenkanya bulowa bwabo pamilambu iyo njebakalinga kubenga.

Luka 8:40

Lyalo Jesu ndyaakaboolela kulubasu lumwi lwa lweenge, bakamutambula cakukondwa mukwiinga boonse bakalinga kumulangila.

Luka 9:53

Sombi bantu ba mumushi uyo tabakwe kumutambula ceebo wakalinga kuya kuJelusalemu.

Joni 2:23

Jesu ndyaakalinga muJelusalemu, pabushiku bwa Pasika bwakwiibaluka kusotokela, bantu baanji bakamushoma ndibakabona shaankamiko nshaakacita.

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Joni 4:54

Ici cakaba caankamiko cabili Jesu ncaakacita muGalili ndyaakaswa muJudeya.

Dutolonomi 16:16

“Anu basankwa boonse mumushobo wanu balyeelete kwisa kumusena womwi wakulambililaako mukulambila Mwaami Lesa, Lesa wanu mankanda otatwe mumwaaka. Nkokwaamba ayi ciindi cakusekelela bushiku bwa Pasika bwakwiibaluka kusotokela, pakusekelela kwaKutebula alimwi apakusekelela kwa Shimpaka. Umwi aumwi ulyeelete kuleta cipo