Joni 4:34 - Baibo Busansulushi Bwa Libuku Ili

³⁴ Sombi Jesu wakabaambila ayi, “Cakulya cangu nkucita sheesho shiyanda wooyo wakantuma akumanisha ncito yakwe.

Joni 4:34 Marejeleo ya Msalaba

Jobo 23:12

Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.

Kulumbaisha 40:8

NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”

Mateyo 26:39

Mpeeke Jesu wakeendakobo paniini, wakawita panshi akutalika kupaila ayi, “Ta, na kacikonsheka, nkomeshi ya mapensho inyindilile, nakubi boobo mutaciti kuyanda kwangu. Sombi mucite kuyanda kwanu.”

Mateyo 3:15

Sombi Jesu wakamukumbula ayi, “Paciindi cino cita bweenka ubo. Na tucite boobo, nkokwaamba ayi tutoocita kuyanda kwakwe Lesa.” Mpeeke Joni alakwe wakasumina.

Mateyo 9:19

Lyalo Jesu wakanyamuka, abashikwiiya bakwe bakamukonkela.

Luka 15:10

Ntoomulwiita ayi akwiculu bweenka ubo, baanjelo bakwe Lesa balasangalala abuumbi pamucita shibi womwi uyo usanduka kuswa kushibiibi.”

Luka 19:10

Ceebo MwanaaMuntu wakesa mukuyandoola akupulusha basowekete.”

Luka 2:49

Jesu wakabakumbula ayi, “Ino mwalikunangwetanshi? Sa temwalinga kwishi kwaamba ayi ndyeelete kuba muŋanda ya baTa?”

Joni 17:4

Ndamuletela bulemu pacishi pano kwiinda mukumanisha mulimo ngomwakantuma.

Joni 19:28

Jesu wakashiba ayi shoonse shacitika. Ono kwaamba ayi Malembo akwe Lesa acitike cancinencine, wakaamba ayi, “Ndafwa nyotwa.”

Joni 19:30

Jesu ndyaakamana kunwaako maanshi wakaamba ayi, “Camana.” Amanebo kwaamba boobo, wakakotamika mutwi wafwa.

Joni 4:32

Lakwe wakabaambila ayi, “Nebo ndicite cakulya ncemuteshi.”

Joni 5:30

“Nebo taaku nceenga ndaciita palwaangu nemwiine. Ndoombolosha bweenka Lesa mbwaandwiita. Aboobo koombolosha kwangu kuliluleme mukwiinga nshikakatili kucita nsheensuni, sombi shiyanda wooyo wakantuma.

Joni 5:36

Sombi ndicite bukamboni bunene kwiinda boobo Joni Mubombeki mbwaakancitila. Shintu nsheencita isho nshaakampa Lesa ayi ncite, nshesheesho shitondesha ayi baTa mbobakantuma.

Joni 6:33

Mukwiinga cakulya Lesa ncaapa ngooyo uswa kwiculu, lakwe ngoopa buumi kubantu boonse bamucishi ca panshi.”

Joni 6:38

Mukwiinga ndakaswa kwiculu kwisa mukucita sheesho shiyanda wooyo wakantuma, kuteshi shiyanda ndime nemwiine, sobwe.

Joni 8:29

Uyo wakantuma uli anebo, taakwe kunshiya neenka mukwiinga lyoonse ndacita shimukondelesha.”

Milimo ya Batumwi 20:35

Mushintu shoonse ndakamubonesha ayi kwiinda mukusebensa cankusu bweenka mbuli mbondakasebensa, inga twacafwa baabo batacite nkusu. Lyoonse kamwiibaluka maswi akaamba Mwaami Jesu ayi, ‘Kupa kulaleta shoolwe kwiinda kutambula.’ ”

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.