Joni 4:32 - Baibo Busansulushi Bwa Libuku Ili

³² Lakwe wakabaambila ayi, “Nebo ndicite cakulya ncemuteshi.”

Joni 4:32 Marejeleo ya Msalaba

Jobo 23:12

Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.

Joni 4:34

Sombi Jesu wakabaambila ayi, “Cakulya cangu nkucita sheesho shiyanda wooyo wakantuma akumanisha ncito yakwe.

Kulumbaisha 119:103

Maswi anu alicite mise abuumbi mumulomo wangu, ncakwiila alicite mise kwiinda buuci.

Jelemiya 15:16

Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.

Tushimpi 18:20

Maswi aswa mumulomo wa muntu, ngweeshi kuca kwa nshiku shakwe shili kunembo. Ncakwiila nshaabona shilaswa mukwaamba kwa mulomo wakwe mwiine.

Tushimpi 14:10

Taaku umwi weenga wanyumfwa buumba buli mumoyo wa mubye nabi weenga wanyumfwa kusangalala kwakwe.

Kulumbaisha 63:5

Moyo wangu ulaakukuta bweenka bukuta uli pakusekelela alimwi ndaakunokwiimba nyimbo shakumulumbaisha.

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.

Milimo ya Batumwi 20:35

Mushintu shoonse ndakamubonesha ayi kwiinda mukusebensa cankusu bweenka mbuli mbondakasebensa, inga twacafwa baabo batacite nkusu. Lyoonse kamwiibaluka maswi akaamba Mwaami Jesu ayi, ‘Kupa kulaleta shoolwe kwiinda kutambula.’ ”

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Joni 4:31

Ico ciindi bashikwiiya bakwe bakalinga kukombelela Jesu ayi alye.

Joni 4:33

Mpomunyaawo bashikwiiya bakatalika kulyaamboosha beene ayi, “Sa kuli umwi wabaletela cakulya?”