Joni 4:24 - Baibo Busansulushi Bwa Libuku Ili

²⁴ Lesa ngumushimu, aboobo abo bamulambila balyeelete kulambila mumushimu alimwi amulushinisho.”

Joni 4:24 Marejeleo ya Msalaba

2 Bene Kolinto 3:17

Ono Mwaami nguMushimu, aboobo kulilabo kubete Mushimu wa Mwaami kuli lwaanguluko.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Kulumbaisha 51:17

Sombi mulambu umusangalasha nobaLesa, nkuba amoyo wakulibombya. Mwebo tamukaki moyo wakulibombya, wasanduka kuswa kushibiibi.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

Kulumbaisha 66:18

Nindalinga kucikondwa shibiibi mumoyo wangu, naakwiinga Mwaami Lesa taakwe kunyumfwa mupailo wangu.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Kulumbaisha 50:23

Mulambu upa bulemu kuli ndime nkunumba, ndushinisho anebo ndaakupulusha muntu uli woonse unyumfwila!”

Kulumbaisha 145:18

Mwaami Lesa uli pafwaafwi kubaabo bamwiita, ndushinisho uli pafwaafwi kubaabo bamwiita calushinisho.

Joni 4:23

Nakubi boobo ciindi cilaakushika alimwi cashika kale, abo beshikulambila baTa ndyeshi bakabalambile mumushimu amulushinisho mukwiinga bamushobo uyo mbobaabo baTa mbobasuni ayi kababalambila.