Joni 4:15 - Baibo Busansulushi Bwa Libuku Ili

¹⁵ Mwanakashi uyo wakaamba ayi, “Nkambo, amumpe maanshi ayo kwaamba ayi ntakafwiiwo nyotwa alimwi nabi kunoosa kokuno mukuteka maanshi.”

Joni 4:15 Marejeleo ya Msalaba

Kulumbaisha 4:6

Mbaanji bapaila kuli ndimwe ayi, “Amutupe shoolwe shiinji noBaami baLesa. Amutukumbule akutubonesha nkumbu shanu!”

Joni 4:16

Jesu wakamwaambila ayi, “Koya ukeete ibayo, usaakwe kuno.”

Joni 6:26

Jesu wakakumbula ayi, “Ntoomulwiita calushinisho ayi tamutoonangoola ceebo mwakabona shaankamiko shindakacita, sombi mukwiinga mwakalya shinkwa akukuta.

Joni 6:34

Mpomunyaawo bakasenga ayi, “Nkambo, kamutupa cakulya ico lyoonse.”

Joni 6:35

Jesu wakabaambila ayi, “Ndi cakulya cipa buumi. Uyo woonse wisa kuli ndime teshi akafwewo nsala. Ncakwiila uyo woonse ushoma muli ndime teshi akanyumfwewo nyotwa.

Bene Loma 6:23

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.

Bene Loma 8:5

Ceebo abo bekala mubuntu baleendeleshekwa asheesho shiyanda mibili yabo. Sombi abo beendeleshekwa aMushimu Usalashi balacita sheesho shisuni Mushimu Usalashi.

1 Bene Kolinto 2:14

Uyo woonse utacite Mushimu Usalashi taakoonshi kutambula shipo shiswa kuMushimu. Muntu wamushobo uyo ulayeeya ayi taaku mboshibete alimwi taakoonshi kushishiba mukwiinga taaku muntu weenga washishiba kaatacite Mushimu.

Jemusi 4:3

Alimwi nabi mwaseenga inga tamushitambuli ceebo miyeeyo njemucitila boobo njibiibi. Mulasenga shintu kwaamba ayi mushisebenseshe mukulikondelesha mwebo nobeene.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.