Joni 4:14 - Baibo Busansulushi Bwa Libuku Ili

¹⁴ Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”

Joni 4:14 Marejeleo ya Msalaba

Isaya 49:10

Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Isaya 55:1

Mwaami Lesa waamba ayi, “Woonse uyo unyumfwite nyotwa eese kuno kuli maanshi. Amwebo nomutacite maali amwise muule shakulya mulye! Kamwisa muule waini amukupa, sombi tashicite mweelo nauceyi.

Isaya 58:11

Nebo neMwaami Lesa ndaakunoomutanjilila lyoonse. Ndaakunoomupa shoonse shiyandika mubuumi bwanu mucishi ici cibalilwabo lumwi. Ndaakunoomupa nkusu abuumi bubotu. Mulaakubabo anga ngumuunda utililwa kabotu, nabi kantupu katamani maanshi.

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Jelemiya 31:25

Ndaakubooshamo nkusu sha baabo balemete akupa shakulya batoowisooka kunsala.

Esekelo 47:9

Koonse uko mulonga uyo nkweenga wakunkila, kulaakuba mishobo amishobo ya banyama alimwi answi. Mulonga uyo ulaakubotesha maanshi amuLweenge lwa Mwiinyo alimwi uko koonse nkweenga wakunkila ulaakulengesha ayi kukabe buumi.

Bene Lefi 11:36

Sombi kantupu nabi mwakubika maanshi shalo nkunoosalalitebo, ono uyo woonse weenga wakumya mutuntu wa comwi pashintu ishi, teshi akanoosalalite.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Mateyo 5:6

“Balicite coolwe abo bacite nsala anyotwa ya bululami, mukwiinga Lesa ulaakubapa anshebabula shoonse.

Joni 10:10

Mwiipi ulesabo mukwiipa, kucaya akunyonyoola, sombi nebo ndakesa ayi bantu babe abuumi, buumi bwancinencine.

Joni 11:26

Alakwe uyo woonse muumi ushoma muli ndime teshi akafweewo. Sa ulashoma boobo?”

Joni 4:10

Jesu wakakumbula ayi, “Newalinga kwishi cipo Lesa ncaapa akwishiba wooyo utookusenga maanshi, naakwiinga wamusenga maanshi apa buumi alakwe naakwiinga wakupa.”

Joni 4:11

Lyalo mwanakashi wakakumbula ayi, “Nkambo, tamucite ceela ca kutekesha alimwi mukalo uyu ngulaamfu. Ino maanshi ayo apa buumi mutokwaakusha kuli?

Joni 4:13

Jesu wakamukumbula ayi, “Muntu woonse unwa maanshi aya ulaakufwa nyotwa alimwi.

Joni 4:36

Shikutebula utoofola alimwi utooshiyobolweta kubuumi butamaani. Aboobo shikushanga ashikutebula balaakusangalalila pantu pomwi.

Joni 6:27

Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

Joni 6:35

Jesu wakabaambila ayi, “Ndi cakulya cipa buumi. Uyo woonse wisa kuli ndime teshi akafwewo nsala. Ncakwiila uyo woonse ushoma muli ndime teshi akanyumfwewo nyotwa.

Joni 6:58

Ici anu ncecakulya cakaswa kwiculu. Tacibete mbuli mana bamashali banu bakulukulu ngobakalya, nakubi boobo bakafwa. Sombi ulya cakulya ici ciswa kwiculu ulaakunooli abuumi lyoonse.”

Joni 7:37

Pabushiku bwakweelaako, bushiku bunene kwiinda nshiku shoonse shamukusekelela uko, Jesu wakanyamuka woolobesha ayi, “Na kuli muntu unyumfwite nyotwa ese kuli ndime anwe.

Bene Loma 5:21

Ono bweenka mbuli bubi mbobwakaba ankusu akuleta lufu, alwalo luse lwakwe Lesa lwakaba ankusu mukwiinga Lesa ulalulamika bantu pameenso akwe akubaletela buumi butamaani, kwiinda muli Jesu Klistu Mwaami wesu.

Bene Loma 6:23

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.

2 Bene Kolinto 1:22

wakatubika cishibilo cakwe, akutupa Mushimu Usalashi mumyoyo yesu kwaamba ayi ube anga ncecisumina mulandu ca shintu sheshi shikese.

Bene Efeso 4:30

Mutalengeshi Mushimu Usalashi wakwe Lesa kuungumana mukwiinga ncecishibilo cakwe Lesa cakwaamba ayi muli bantu bakwe kushikila pabushiku bwa lupulusho.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Ciyubululo 7:16

Teshi bakanyumfwewo nsala nabi nyotwa. Teshi bakanyumfwewo lumwi nabi kupenga kucikasaashi cili coonse.

Ciyubululo 7:17

Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”