Joni 4:10 - Baibo Busansulushi Bwa Libuku Ili

¹⁰ Jesu wakakumbula ayi, “Newalinga kwishi cipo Lesa ncaapa akwishiba wooyo utookusenga maanshi, naakwiinga wamusenga maanshi apa buumi alakwe naakwiinga wakupa.”

Joni 4:10 Marejeleo ya Msalaba

Kulumbaisha 10:17

Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.

Kulumbaisha 46:4

Nkooli mulonga uleta shoolwe mundabala inene yakwe Lesa. Ee, mumusena usalalite umo mwikala Lesa wa kwiculu Wiindaawo.

Kulonga 17:6

Nebo ntokwiimikana kunembo lyako kumwaandami wa kuKalundu ka Sinayi. Uume nkoli yako mumwaandami uyo, lyalo maanshi atooswa muli nguwo kwaamba ayi bantu banwe.” Aboobo Mose wakacita mbomunya ubo pameenso a bamatanjilili ba bene Isilaeli.

Lwiimbo lwakwe Solomoni 4:15

Webo uli tuntupu twa mumuunda. Uli tulonga tukunka maanshi, ee, tukunka kuswa mutulundu twa Lebanoni.

Isaya 12:3

Cakusangalala mulaakunoonwa maanshi, kuswa mumikalo ileta lupulusho.

Isaya 35:6

Balema ndyeshi bakatambale anga ninsefu. Abalo bacibuulu ndyeshi bakeembe nyimbo shakulumbaisha. Maanshi alaakukunka muliwesa. Ee, tulonga tulaakukunka muluyanga.

Isaya 42:6

“Nebo neMwaami Lesa ndakwiita kwaamba ayi ulete koombolosha cakutanyengelela. Ndakucatilila palyaansa akukulama kabotu. Ndakusala kwaamba ayi ube cipangano kubantu, akwaamba ayi ube mumuni kubaswamashi.

Isaya 43:20

Banyama bamuluundu, ee, bamwaaba abamwiina balaakumpa bulemu. Balaakumpa bulemu ceebo cakulengesha maanshi kubaamo muluyanga. Ncakwiila ceebo cakulengesha tulonga kukunka mulunjumwa. Balaakumpa bulemu ceebo cakupa maanshi bantu bangu mbondakasala.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 49:10

Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Esekelo 16:35

“Paceebo ceeco, webo omufuule, nyumfwa maswi aMwaami Lesa.

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Sekaliya 14:8

Ncakwiila bushiku ubo bwaakwisa, maanshi atontola alaakukunka kuswa mundabala ya Jelusalemu. Musa wa maanshi ayo ulaakukunkila muLweenge lwa Mwiinyo, musa umwi muLweenge lwa Mediteleniyani. Alaakunookunkabo mwaaka oonse, cilimo amainsa.

Luka 11:13

Ono na mwebo, nobantu nobeshishibi, kamwishi kupa bana banu shipo shibotu, ino lakwe Ishiwanu wa kwiculu inga waalilwa buyani kupa Mushimu Usalashi kubaabo bamusenga?”

Joni 16:3

Balaakucita boobo mukwiinga tababeshi baTa anebo tabenshi.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Joni 4:14

Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”

Joni 6:35

Jesu wakabaambila ayi, “Ndi cakulya cipa buumi. Uyo woonse wisa kuli ndime teshi akafwewo nsala. Ncakwiila uyo woonse ushoma muli ndime teshi akanyumfwewo nyotwa.

Joni 6:51

Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”

Milimo ya Batumwi 9:11

Mpeeke Mwaami Jesu wakamwaambila ayi, “Nyamuka uye kumukwakwa wiitwa ayi, ‘Mukwakwa ululeme.’ Na ushike kuŋanda yakwe Judasi, wiipushe kubete musankwa wa kuTasasi wiitwa ayi Saulo. Muntu uyo utoopaila,

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

1 Bene Kolinto 10:4

akunwa cakunwa comwi ca mushimu ceebo bakalinga kunwa maanshi akalinga kuswa mumwaandami wa mushimu ngobakalinga kweendaawo. Mwaandami uyo wakalinga nguKlistu.

2 Bene Kolinto 9:15

Atulumbe Lesa ceebo ca cipo ncaakatupa, ico nceenga tatukoonshi kusansulula.

Bene Efeso 2:8

Mwakapulushikwa aluse lwakwe Lesa kwiinda mulushomo. Teshi munkusu shanu nobeene, sombi ncipo kuswa kuli Lesa.

Bene Ebulu 6:4

Inga tacicitikiiwo cakuboosha bantu bakasowa lushomo ayi basanduke kuswa kushibiibi shabo alimwi. Lesa wakalinga wabamunikilaawo kale, bakalinga basomawo kale cipo ciswa kwiculu, alimwi abalo bakalinga batambula Mushimu Usalashi.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Ciyubululo 21:6

Wakatolelela kuŋambila ayi, “Ono camana! Nebo ndime Matalikilo alimwi aMamanino, mutaanshi alimwi awakweelaako. Uyo woonse unyumfwite nyotwa, ndaakumusuminisha kunwa mukantupu ka maanshi apa buumi kwakubula kulipila.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.

Ciyubululo 7:17

Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”