Joni 3:6 - Baibo Busansulushi Bwa Libuku Ili

⁶ Ushalwa kumuntu ngumuntu, sombi uyo ushalwa kuMushimu Usalashi ngumushimu.

Joni 3:6 Marejeleo ya Msalaba

Matalikilo 5:3

Adamu ndyaakaba amyaaka ili 130, wakashala mwaana musankwa uyo wakalingabo mbuli nguwe. Wakamupa liina lya Seti.

Matalikilo 6:12

Lesa wakabona cishi ca panshi mbocakalinga canjila mucibiibi mukwiinga bantu boonse bakalinga kucitabo shibiibi.

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Kulumbaisha 51:10

NobaLesa, amulenge moyo usalalite muli ndime. Mubike moyo upya ushomeka muli ndime.

Joni 1:13

Kuba bana bakwe Lesa uku, takukwe kuswa kubashali. Nkokwaamba ayi takukwe kuswa mukuyanda kwa muntu, sombi bakashalwa munkusu shakwe Lesa.

Joni 3:7

Utakankamani mukwiinga ndakwaambila ayi, ‘Ulyeelete kushalwa cipya.’

Bene Loma 7:18

Ndishi kwaamba ayi moyo wangu tookoonshi kunengesha kucita cintu cibotu mubuumi bwa buntu. Nakubi kwaamba ayi ndisuni kucita cintu cibotu, sombi ndaalilwa kucicita.

Bene Loma 7:25

Aalumbwe Lesa eshi akamfuune kwiinda muli Jesu Klistu Mwaami wesu! Anu mbulya mboombete, nebo nemwiine ndisuni kukonkela Milawo yakwe Lesa, sombi kwiinda mulunkumbwa ndakonkela mulawo untola kububi.

Bene Loma 7:5

Ceebo nditwakalinga kwikala mubuumi bwa buntu, kuyandishisha kubisha uko kwakayuminishikwa aMilawo, kwakalinga kweendelesha buumi bwesu. Aboobo kwakatuletela lufu.

Bene Loma 8:13

Ceebo na kamwikala kweelana abuyanda mibili yanu mulaakufwa. Sombi na kwiinda muMushimu Usalashi mwacilekela limwi shoonse shibiibi nshemucita, mulaakuba abuumi butamaani.

1 Bene Kolinto 6:17

Sombi uyo ulyaaba kuMwaami Jesu, ulaba mubili womwi aJesu mumushimu.

2 Bene Kolinto 5:17

Aboobo na muntu waba muli Klistu ulaba abuumi bupya. Shikulukulu shamana, nkokwaamba ayi shoonse shaba shipya.

Bene Galatiya 5:24

Ono abo bali kulubasu lwakwe Klistu bakapopa buumi bwa buntu alimwi asheesho shoonse shisuni buumi ubo pamucilingano.

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

Bene Kolose 2:11

Muli nguwe mwebo mwakapalulwa, kuteshi kupalulwa kucitikwa abantu, sombi kupalulwa kucitwa aKlistu umo mucanika kwaangululwa munkusu sha buntu bubiibi.

1 Joni 3:9

Woonse mwanaakwe Lesa taatoleleli kubisha ceebo mibo yakwe Lesa ili muli nguwe. Mukwiinga Lesa ngoIshi, taakoonshi kutolelela kubisha.