Joni 3:27 - Baibo Busansulushi Bwa Libuku Ili

²⁷ Joni wakakumbula ayi, “Taaku cintu muntu nceenga wacana na Lesa taakwe kumupa.

Joni 3:27 Marejeleo ya Msalaba

Jelemiya 1:5

“Kaantana kukubumba mulifumo lya banyoko, ndakalinga kukwishi kale. Ncakwiila ndakakubika palubasu kootana kushalwa. Ndakakusala ayi ube mulaluki kumishobo iinji.”

Jelemiya 17:16

Nshikwe kukaka mulimo wa bweembeshi ngomwakampa alimwi nshindakalinga kusuni ayi bakenjile mumapensho. Nceentokwaamba amwebo mulicishi kale.

Amosi 7:15

Sombi Mwaami Lesa wakankusha kumulimo wangu wa bweembeshi akundwiita ayi, ‘Koya ukalalukile bantu bangu bene Isilaeli.’

Shakubelenga 17:5

Lyalo nkooli ya musankwa ngondasala ilaakusonsa. Munshila iyi ndaakukasha kutongooka kwa bene Isilaeli kutamaani pali ndiwe.”

Mateyo 21:25

Ino ngani wakapa Joni nkusu shakwaamba ayi anoobombeka? Sa nguLesa na mbantu?” Mpeeke bakatalika kupikishanya beene abeene ayi, “Na twaambe ayi, ‘NguLesa,’ lakwe utokwaamba ayi, ‘Tamukwe kushomenanshi maswi ngaakalinga kwaamba?’

Mateyo 25:15

Umwi wakamupa shuulu shosanwe sha maali, wabili shuulu shobilo alakwe umwi cuulu comwi. Wakabaabila kweelana ambweenga basebenshesha womwi awomwi. Kuswawaawo, wakanyamuka waya.

Maako 13:34

Cilibo anga ngumuntu uli palweendo lwakuswa paŋanda yakwe. Ulaashiya ncito shoonse mumaansa a basebenshi bakwe, womwi ancito yakwe, akulwiita shikulindilila pamulyango ayi alindilile.

Joni 10:41

Mpeeke bantu baanji bakesa kuli nguwe akwaamba ayi, “Joni taakwe kucitawo caankamiko, sombi shintu shoonse nshaakaamba pamuntu uyu nshalushinisho.”

Joni 6:65

Lyalo wakeelikaawo ayi, “Ici nceceeco ncendakamulwiitila ayi taaku muntu weenga wesa kuli ndime na baTa babula kumupa nkusu.”

Bene Loma 1:5

Kwiinda muli nguwe, Lesa wakampa mulimo unene wa butumwi kwaamba ayi nsebensele Klistu mukulengesha bantu ba mishobo yoonse ayi bamushome akunoomunyumfwila.

Bene Loma 12:6

Aboobo tulyeelete kusebensesha shipo shesu isho Lesa nshaapa muluse lwakwe. Na cipo cesu nkushimikila Maswi akwe Lesa, tulyeelete kucita boobo kweelana alushomo ndotucite.

1 Bene Kolinto 1:1

Ndime Paulo uyo wakeetwa kweelana akuyanda kwakwe Lesa ayi mbe mutumwi wakwe Klistu Jesu. Ndi amukwabesu Sositenesi.

1 Bene Kolinto 12:11

Ono ucita shoonse nguMushimu womwi weenka. Ulapa shipo shipusenepusene kumuntu womwi awomwi kweelana ambwaayanda.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

1 Bene Kolinto 3:5

Anu Apolosi ngani? Alakwe Paulo ngani? Swebo tulibo basebenshi bakwe Lesa abo bakamulengesha ayi mushome. Womwi awomwi pakati kesu ulasebensa ncito iyo yakamupa Mwaami Lesa.

1 Bene Kolinto 4:7

Anu ngani wakakupa bunene pabamwi? Sa te nguLesa wakakupa shintu shoonse nshoocite? Ino ono inga walisumpula buyani pashintu shakupekwabo?

Bene Galatiya 1:1

Ndime Paulo mutumwi. Teshi muntu wakantuma sombi Jesu Klistu alimwi aLesa Ishiwesu uyo wakamubusha kuswa kubafu.

Bene Efeso 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ntoolembela bantu bakwe Lesa bali kuEfeso abo bashomeka muli Klistu.

1 Timoti 2:7

Nceceeco alimwi ncaakampeta butumwi abufundishi bwa kubaswamashi bakunsengwe kwaamba ayi nshimikile Makani Abotu a lushomo alushinisho. Nshintoobeca, ntokwaamba lushinisho.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.