Joni 3:17 - Baibo Busansulushi Bwa Libuku Ili

¹⁷ Lesa taakwe kutuma Mwanaakwe mucishi kwaamba ayi oomboloshe bantu, sombi ayi bapulushikwe kwiinda muli nguwe.

Joni 3:17 Marejeleo ya Msalaba

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Mateyo 18:11

Ceebo MwanaaMuntu wakesa mukupulusha basowekete.]

Luka 19:10

Ceebo MwanaaMuntu wakesa mukuyandoola akupulusha basowekete.”

Luka 9:56

Mpeeke boonse bakanyamuka baya kumushi umwi.

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Joni 10:36

Ono cilaakweela kuli kuwooyo Ishi ngwaakasala akutuma mucishi ca panshi? Anu nceebonshi mutokwaamba ayi ndacobola Lesa mukwiinga ndaamba ayi, ‘Ndi Mwanaakwe Lesa?’

Joni 11:42

Ndishi kwaamba ayi lyoonse mulanyumfwa nceenga ndaseenga, sombi ndaamba boobo ceebo ca bantu bali waano, kwaamba ayi beshibe ayi ndimwe mwakantuma.”

Joni 17:18

Bweenka mbomwakantuma mucishi ca panshi, anebo ndabatuma muli ncico.

Joni 17:21

Ntoobapailila kwaamba ayi boonse babe womwi. Ta ababe muli ndiswe, bweenka amwebo mbomuli muli ndime anebo mbombete muli ndimwe. Ababe womwi kwaamba ayi bantu boonse bakashome ayi ndimwe mwakantuma.

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

Joni 17:25

Ta noMululeme, nakubi kwaamba ayi bamucishi tabamwishi, nebo ndimwishi alimwi aba balishi kwaamba ayi ndimwe mwakantuma.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Joni 17:8

Ceebo ndakabeeisha maswi ayo ngomwakandasha alimwi bakaatambula. Balishi kwaamba ayi ncakwiila ndakaswa kuli ndimwe, alimwi balashoma ayi ndimwe mwakantuma.

Joni 20:21

Jesu wakabaambila alimwi ayi, “Luumuno lube amwebo! Ono bweenka baTa mbobakantuma, anebo ntoomutuma mbweeke ubo.”

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Joni 5:36

Sombi ndicite bukamboni bunene kwiinda boobo Joni Mubombeki mbwaakancitila. Shintu nsheencita isho nshaakampa Lesa ayi ncite, nshesheesho shitondesha ayi baTa mbobakantuma.

Joni 5:38

Ncakwiila maswi abo teekali muli ndimwe mukwiinga tamushomi wooyo ngobakatuma.

Joni 5:45

Ono mutayeeyi kwaamba ayi nebo ndaakumushinina pameenso a baTa. Sombi eshi akamushinine nguMose eenka uyo ngomucinkiteemo manungo.

Joni 6:29

Jesu wakabakumbula ayi, “Incito yakwe Lesa nkushomabo muli wooyo ngwaakatuma.”

Joni 6:38

Mukwiinga ndakaswa kwiculu kwisa mukucita sheesho shiyanda wooyo wakantuma, kuteshi shiyanda ndime nemwiine, sobwe.

Joni 6:40

Mukwiinga baTa ncebasuni nkwaamba ayi uyo woonse wabona Mwaana akumushoma, abe abuumi butamaani alimwi ndaakumubusha kuswa kubafu pabushiku bwakweelaako.”

Joni 6:57

Bweenka mbuli baTa bakantuma mbobali boomi, anebo ndimuumi ceebo ca baTa. Mbweeke ubo alakwe uyo ulya ndime, ulaakuba abuumi ceebo ca ndime.

Joni 7:29

Nebo ndimwishi mukwiinga ndakaswa kuli nguwe alimwi ngowakantuma.”

Joni 8:11

Mwanakashi uyo wakakumbula ayi, “Taakuuwo Nkambo.” Lyalo Jesu wakaamba ayi, “Anu anebo teshi nkupeewo mulandu. Ono koya, utakacitiiwo cibiibi alimwi!”]

Joni 8:42

Jesu wakabaambila ayi, “Lesa naalinga Ishiwanu naakwiinga kamunsuni mukwiinga ndakesa kokuno kuswa kuli Lesa. Nshikwe kwisabo mukusuna kwangu, sombi nguLesa wakantuma.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.

1 Joni 4:14

Peculu lya waawo twakabona akulwiitako bamwi ayi Lesa Ishiwesu wakatuma Mwanaakwe ayi abe Mupulushi wa cishi ca panshi.