Joni 3:15 - Baibo Busansulushi Bwa Libuku Ili

¹⁵ kwaamba ayi uyo woonse ushoma muli nguwe abe abuumi butamaani.

Joni 3:15 Marejeleo ya Msalaba

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Shakubelenga 21:9

Aboobo Mose wakapanga nsoka ya bulonse akuyaanjika pacisamu. Uyo woonse wakalumwa akulanga kunsoka iyo, wakaba kabotu.

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Maako 16:16

Uyo woonse ushoma akubombekwa, ulaakupulushikwa. Sombi uyo utashomi, ulaakupekwa mulandu.

Luka 19:10

Ceebo MwanaaMuntu wakesa mukuyandoola akupulusha basowekete.”

Joni 1:12

Sombi kubaabo boonse bakamutambula akumushoma, wakabapa nkusu shakuba bana bakwe Lesa.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Joni 3:36

Aboobo uyo woonse ushoma Mwaana, ulicite buumi butamaani. Sombi uyo woonse utashomi Mwanaakwe Lesa, teshi akabe abuumi butamaani alimwi bukali bwakwe Lesa mbobuli pali nguwe.”

Joni 5:24

“Ntoomwaambila calushinisho ayi uyo woonse unyumfwa maswi angu akushoma wooyo wakantuma ulicite buumi butamaani. Teshi akoomboloshekwe, sombi waswa kale mulufu kuya mubuumi butamaani.

Joni 6:27

Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

Joni 6:40

Mukwiinga baTa ncebasuni nkwaamba ayi uyo woonse wabona Mwaana akumushoma, abe abuumi butamaani alimwi ndaakumubusha kuswa kubafu pabushiku bwakweelaako.”

Joni 6:47

Ntoomulwiita calushinisho ayi uyo woonse ushoma muli ndime ulicite buumi butamaani.

Milimo ya Batumwi 13:41

‘Amubone, mwebo nomucobola maswi akwe Lesa! Mulaakukankamana akufwitilila! Mukwiinga ndaakucita cintu munshiku shanu, ico nceshi mukabule kushoma, nabi muntu umwi akamusansulwite!’ ”

Milimo ya Batumwi 8:36

Ndibakalinga kuya munshila, bakashika pamusena umwi pakalinga maanshi. Mpomunyaawo mweendeleshi wakaamba ayi, “Amubone anaaya maanshi! Sa kuli cimwi nceenga cankasha kubombekwa?” [

Bene Loma 5:21

Ono bweenka mbuli bubi mbobwakaba ankusu akuleta lufu, alwalo luse lwakwe Lesa lwakaba ankusu mukwiinga Lesa ulalulamika bantu pameenso akwe akubaletela buumi butamaani, kwiinda muli Jesu Klistu Mwaami wesu.

1 Bene Kolinto 1:18

Makani aamba shalufu lwakwe Klistu pamucilingano taaku mbwaabete kubantu basowekete, sombi kuli ndiswe sotuli munshila yakupulushikwa, ninkusu shakwe Lesa.

2 Bene Kolinto 4:3

Ceebo na Makani Abotu ngotushimikila alishisitwe, ingayi nkubaabo beenka batoosoweka.

Bene Galatiya 2:16

Nakubi boobo swebo tulishi kwaamba ayi muntu inga taalulami pameenso akwe Lesa kwiinda mukukonkela Milawo, sombi kwiinda mukushoma muli Jesu Klistu. Aswebo twakashoma muli Jesu Klistu kwaamba ayi tululamikwe pameenso akwe Lesa, kuteshi mukukonkela Milawo. Taaku eshi akalulamikwe kwiinda mukukonkela Milawo.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

Bene Ebulu 10:39

Swebo tatubete bantu beshikuboola kwisule akunyonyoolwa. Sombi tuli baabo bashoma beshi bakapulushikwe.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

1 Joni 2:25

Ncakwiila Klistu ncaakatushomesha, mbuumi butamaani.

1 Joni 5:1

Uyo woonse ushoma ayi Jesu ngoUsalitwe wakwe Lesa, ngumwanaakwe Lesa. Alakwe uyo woonse usuni ishi, ulisuni amwaana.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.