Joni 3:13 - Baibo Busansulushi Bwa Libuku Ili

¹³ Taaku muntu wakayaako kale kwiculu, sombibo MwanaaMuntu eenka uyo wakaswa kwiculu.

Joni 3:13 Marejeleo ya Msalaba

Tushimpi 30:4

Ngani wakayaawo kale kwiculu alimwi waseluka? Ngani wakacatawo kale muuwo mumapakaakwe? Ngani wakafungilishawo kale maanshi mucakufwala cakwe capeculu? Ngani wakapima mweelete kweela cishi? Ngani ushi liina lyakwe aliina lya mwanaakwe? Amundwiite na mulicite lushibo!

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Mateyo 8:20

Sombi Jesu wakamukumbula ayi, “Bamwaaba balicite shilingo, alimwi abayuni balicite shiinswa, sombi MwanaaMuntu taacite ampaaona.”

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Joni 13:3

Jesu wakalinga kwishi ayi wakapekwa shintu shoonse mumaansaakwe. Wakalinga kwishi alimwi ayi wakaswa kuli Lesa alimwi ulaakuboolela kuli nguwe.

Joni 17:5

Aboobo Ta, amumpe bulemu ono pameenso anu. Mumpe bulemu ubo bweenka mbondakalinga kucite ndindakalinga amwebo cishi ca panshi kacitana kulengwa.

Joni 3:12

Na tamushomi ndimwaambila shintu sha pacishi ca panshi, ino inga mwashoma buyani na ndamwaambila shintu sha kwiculu?

Joni 3:31

“Uyo uswa kwiculu uleenda pabantu boonse. Uyo uswa mucishi ca panshi ngwa panshi alimwi ulaambabo sha mucishi ca panshi. Sombi uyo uswa kwiculu uleenda pabantu boonse.

Joni 6:33

Mukwiinga cakulya Lesa ncaapa ngooyo uswa kwiculu, lakwe ngoopa buumi kubantu boonse bamucishi ca panshi.”

Joni 6:38

Mukwiinga ndakaswa kwiculu kwisa mukucita sheesho shiyanda wooyo wakantuma, kuteshi shiyanda ndime nemwiine, sobwe.

Joni 6:42

Paceebo ceeco bakaamba ayi, “Sa te nguJesu mwanaakwe Josefu? Baishi abanyina tulibeshi, ino ono inga waamba buyani ayi, ‘Wakaswa kwiculu?’ ”

Joni 6:46

Taaku muntu wakabonaawo kale baTa, sombibo eenka uyo wakaswa kuli Lesa ngowakababona.

Joni 6:51

Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”

Joni 6:62

Ino inga caba buyani na mwabonabo MwanaaMuntu waboolela kwiculu nkwaakalinga kataanshi?

Joni 8:42

Jesu wakabaambila ayi, “Lesa naalinga Ishiwanu naakwiinga kamunsuni mukwiinga ndakesa kokuno kuswa kuli Lesa. Nshikwe kwisabo mukusuna kwangu, sombi nguLesa wakantuma.

Milimo ya Batumwi 2:34

Nakubi kwaamba ayi Defedi taakwe kuya kwiculu, sombi wakaamba ayi, ‘Mwaami Lesa wakaambila Mwaami wangu ayi, Kala kululyo lwangu

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Bene Loma 10:6

Ono kweelana acikani cakululamikwa pameenso akwe Lesa kwiinda mulushomo, Malembo akwe Lesa alaamba ayi, “Utaliipushi ayi, ‘Ngani eshi akaye kwiculu?’ ” (Nkokwaamba ayi nkuya mukuleta Klistu panshi.)

1 Bene Kolinto 15:47

Adamu mutaanshi wakalinga wa pacishi ca panshi alimwi wakaswa kubulongo, sombi Adamu wabili, wakaswa kwiculu.

Bene Efeso 1:23

Coonde ngomubili wakwe Klistu, nkokukumanisha kwa wooyo ukumanisha shintu shoonse pali poonse.

Dutolonomi 30:12

Toobete kwiculu nkweenga kamwiipusha ayi, ‘Ngani eshi aye kwiculu mukutuletela, tunyumfwe mbowaamba akuukonkela?’