Joni 3:10 - Baibo Busansulushi Bwa Libuku Ili

¹⁰ Jesu wakamukumbula ayi, “Sa te webo uli mufundishi wa bene Isilaeli? Ino ono toocishi buyani cikani ici?

Joni 3:10 Marejeleo ya Msalaba

1 Makani 29:19

Amupe Solomoni mwanaangu moyo wakulyaaba kuli ndimwe cakumaninina kwaamba ayi anookonkela milawo amilasho yanu yoonse akuyaka Ŋanda yanu iyo njendabambila kale shintu shoonse.”

Kulumbaisha 51:10

NobaLesa, amulenge moyo usalalite muli ndime. Mubike moyo upya ushomeka muli ndime.

Kulumbaisha 51:6

Ndushinisho mwebo mulisuni muntu ushomeka, paceebo ceeco amunjiishe kuba musongo lyoonse.

Kulumbaisha 73:1

Ncakwiila Lesa ngumubotu kubene Isilaeli, kubantu batacite kampenda.

Isaya 56:10

Beshikulindilila ba bene Isilaeli mboofu, ncakwiila tabacite lushibo. Boonse balibo anga mbakabwa batakuwi. Balo ncito koona akulota alimwi koona balikusuni abuumbi.

Isaya 9:16

Abo batanjilila bantu aba, babapilinganya. Abalo abo batanjililwa basowekwa.

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Esekelo 11:19

Ndaakubapa myoyo ipya alimwi atulango tupya. Ndaakukusha myoyo yabo iyumu anga ngamabwe akubapa myoyo inyumfwila ndime.

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Mateyo 15:14

Mutalisukami ambabo, mbamatanjilili boofu. Aboobo na moofu watanjilila moofunyina, boonse bobilo balawita mucilindi.”

Mateyo 22:29

Sombi Jesu wakabakumbula ayi, “Mulilubite ceebo tamwishi Malembo akwe Lesa nabi nkusu shakwe.

Luka 2:46

Bakesa mukumucana ndipakeenda nshiku shotatwe muŋanda yakwe Lesa kaashite pakati ka bafundishi ba Milawo, kaabakutika akunoobeepusha miipusho.

Luka 5:17

Bushiku bumwi Jesu ndyaakalinga kwiisha, baFalisi abafundishi ba Milawo bamwi bakalingaawo abalo apo. Bantu abo bakaswa mumishi yoonse ya kuGalili, kuJudeya alimwi akuJelusalemu. Nkusu shakwe Lesa shakushilika shakalinga muli Jesu.

Joni 3:9

Nikodemasi wakeepusha ayi, “Ino ici inga cacitika buyani?”

Milimo ya Batumwi 5:34

Sombi umwi muFalisi mulikoto lyabo wiitwa ayi Gamalyelo, mufundishi wa Milawo, wakalinga muntu ulemekwa abuumbi kubantu boonse. Wakanyamuka mulikoto lya boomboloshi akwaamba ayi batumwi batolwe pansengwe kwaciindi ciniinibo.

Bene Loma 2:28

Shoonse ishi shitoosansulula ayi muJuda wancinencine teshi wooyo uliboneshabo kubantu ayi ngumuJuda. Akwalo kupalulwa kwancinencine teshi kooko bantu nkobacita kumibili, sobwe.

Dutolonomi 10:16

Anu aboobo kuswa sunu amutalike kunyumfwila Mwaami Lesa, mucileeke bushicimpamya.

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Kolose 2:11

Muli nguwe mwebo mwakapalulwa, kuteshi kupalulwa kucitikwa abantu, sombi kupalulwa kucitwa aKlistu umo mucanika kwaangululwa munkusu sha buntu bubiibi.