Joni 21:18 - Baibo Busansulushi Bwa Libuku Ili

¹⁸ Ntookulwiita calushinisho ayi, ndiwakalinga mwanike wakalinga kufwala omwiine akuya nkowakalinga kusuni. Ono waakucembela ulaakutandabikabo maansa, lyalo muntu umwi ulaakukufwalika akukutola nkootasuni.”

Joni 21:18 Marejeleo ya Msalaba

Joni 13:36

Simoni Pita wakeepusha Jesu ayi, “Nkambo, ino mutooya kuli?” Jesu wakakumbula ayi, “Uko nkoontooya tookoonshi kunkonkela bulya, sombi ulaakunkonkela kunembo.”

Milimo ya Batumwi 21:11

Lyalo wakesa kuli ndiswe akubwesa laamba wakwe Paulo, akulyaanga kumaansa akumyeendo akwaamba ayi, “Mushimu Usalashi utokwaamba ayi, ‘Mwine laamba uyu baJuda balaakumwaanga muJelusalemu bweenka mbondalyaanga akumwaaba mumaansa a baswamashi bakunsengwe.’ ”

2 Bene Kolinto 5:4

Nditwikala munkunka iyi tulatongela mumapensho. Teshi kwaamba ayi tulisuni kufuula nkunka iyi, sombi tulisuni kwaamba ayi tufwalikwe ŋanda yesu ya kwiculu iyo kwaamba ayi ico cifwa cisandulwe akuba cabuumi butamaani.

Luka 12:37

Balicite coolwe basebenshi beshi bakacanike kabalangila alimwi kabalibambite mwaami wabo aakuboola. Ntoomwaambila calushinisho ayi mwaami wabo ulaakufwala shakufwala shakusebenselaamo, kwikalika basebenshi aba panshi akubapa shakulya.

Joni 21:17

Jesu wakeepusha lyatatu ayi, “Simoni omwanaakwe Joni, sa ulinsuni?” Mpomunyaawo Pita wakoongumana mukwiinga Jesu wakamwiipusha lyatatu ayi, “Sa ulinsuni?” Lyalo wakaamba ayi, “Nkambo, mwebo mulishi shintu shoonse nkokwaamba ayi mulishi ayi ndimusuni!” Jesu wakamwaambila alimwi ayi, “Kosanina mbelele shangu.

Joni 21:19

(Mukwaamba boobo Jesu wakalinga kutondesha lufu lweshi lukafwe Pita akuletela bulemu Lesa.) Lyalo wakaambila Pita ayi, “Nkonkele!”